Read Nzema Aye 64 Bible Online

Aye 64 - Nzema bible

Aye 64

¹O kpakye anwomanyunlu na dwu aze maa awoka ne mɔ ɛnwu wɔ, na bɛkpusu.

²Bɛnwu ɛ nyunlu a bɛle kɛ senle la ɛyɛne nu ɛlɛsɔ na ɔmaa nzule mɔɔ gyi zo la wu la. Ɛhye da wɔ duma ne ali kile wɔ kpɔvolɛma, yɛɛ maanle maanle ne mɔ nwu wɔ a bɛ nwo wozo bɛ.

³Mɔɔ ɛyɛle ninyɛne ɛzulolɛ mɔɔ yɛ nye ɛnla la, ɛvi anwuma ɛdwule aze, awoka ne mɔ nwunle wɔ na bɛkpusule.

⁴ Ɔvi mɔmoane, awie ɛtɛtele anzɛɛ ɛtɛtele ye ɔ nzo nu, yɛɛ ɛnyelɛ biala ɛtɛnwunle Nyamenle biala kɛ wɔmɔ ala mɔɔ ɛdie menli mɔɔ sonle wɔ la ati la.

⁵Ɛyia sonla mɔɔ fa anyelielɛ di pɛlepɛle la nee bɛdabɛ mɔɔ bɛkakye wɔ nee wɔ ndenle ne mɔ la. Nea, yɛyɛle ɛtane, yɛɛ yɛyɛ ɛtane yɛhyɛ kpalɛ, yɛmaa wɔva ɛya; asoo ɛbalie yɛ ngoane?

⁶Yɛ muala yɛyɛ menli mɔɔ anwo ɛnde a, yɛɛ yɛ ɛbɛla kpalɛ biala le kɛ tɛladeɛ mɔɔ ɛhu la. Yɛ muala yɛwu kɛ ɛyɛne, yɛɛ yɛ ɛtane ne mɔ ɛyɛ kɛ anwoma la, bɛpia yɛ bɛkɔ.

⁷Awie ko ɛnle ɛkɛ mɔɔ sonle wɔ a, awie ɛngeha ɔ nwo bɔbɔ kɛ ɔtudu yeahisa wɔ, ɔluakɛ wɔye ɛ nye wɔvea yɛ na wɔye yɛ wɔwula yɛ ɛtane ne mɔ asa anu.

⁸Noko akee, O Ɛdɛnkɛma, wɔmɔ a ɛle yɛ ze a; yɛmɛ, yɛle ndɛtɛlɛ, yɛɛ wɔmɔ a ɛle nwovolɛ ne a; yɛ muala yɛle ɛ sa anloa gyima.

⁹O Ɛdɛnkɛma, mmafa yɛ nwo ɛya kpole. Mmakakye yɛ amumuyɛ ne mɔ dahuu. Nea na dwenle nwolɛ, yɛ muala yɛle wɔ menli.

¹⁰Wɔ azuamgbole nwuanzanwuanza ne mɔ azo ɛhakyi ɛsɛlɛ. Gyɛlusalɛm ɛhakyi ɛsɛlɛ, awie fee ɛnle zolɛ.

¹¹Bɛdo senle yɛ sua kɛnlɛma nwuanzanwuanza ne mɔɔ nuhua a yɛ nlenya mɔ yele wɔ ayɛlɛ la anu bɛyela ye, yɛɛ yɛ azua ngɛnlɛma ne mɔ kɔsɔɔti ɛbubu ɛyɛ ewula.

¹²O Ɛdɛnkɛma, asoo ɛhye mɔ amuala ɛndwe wɔ ahonle, ɛyɛ koonwu wɔamaa yɛanwu amaneɛ kpole ɛhye?