Read Nzema Awo 5 Bible Online

Awo 5 - Nzema bible

Awo 5

¹O Ɛdɛnkɛma, nea mɔɔ ɛdo yɛ a; nea anyiemgba mɔɔ yɛbɔ a.

²Yɛ gyadeɛ ɛpɛ ɛli nyɛvolɛ asa anu, nyɛvolɛ ɛva yɛ azua.

³Yɛyɛ nrisa, yɛnlɛ selɛ; yɛ nli mɔ ɛhakyi ahunlanvolɛ.

⁴Yɛtua nzule mɔɔ yɛno la kakɛ, yɛtɔ ɛyɛne na yɛawuda.

⁵Gyɛnvayile gua yɛ kɔme zo, yɛyɛ gyima ɛsesebɛ; bɛmmaa yɛnlie yɛ ɛnwomenle, yɛwie fɛ bɔkɔɔ.

⁶Amaa yɛanyia aleɛ yɛali la, yɛsonle Yigyibiti nee Aselea.

⁷Egya mɔ yɛle ɛtane, na bɛwu bɛhɔ; nwolɛ ɛzonle ɛzoa yɛmɛ.

⁸Ahanra a sie yɛ a; yɛnnyia awie ɛnlie yɛ ɛnvi bɛ sa nu.

⁹Yɛfa yɛ ngoane yɛtɔ aleɛ, ɔluakɛ ahɔdiawu ɛva ɛbɔ nu.

¹⁰Yɛ nwo ɛlɔ kɛ fonlomo, ɛhɔne ngome ɛwie yɛ yela.

¹¹Bɛkye yɛ mraalɛ bɛfa bɛ wɔ Zayɔn; bɛyɛ mbɛlɛra mɔɔ ɛnze mrenya la zɔhane wɔ Dwuda.

¹²Bɛkyekye yɛ arelemgbunli ne mɔ asa bɛkenda bɛ, bɛmbu yɛ mgbanyima ne mɔ bie.

¹³Bɛmaa mgbavolɛ ne mɔ kyiba abɛlɛ melahyinli, yɛɛ ngakula mrenya soa ɛyɛne avile mgbole, na bɛ gyakɛ anzi wozo bɛ.

¹⁴Mgbanyinli ne mɔ ɛvi suakpole ne anlenkɛ kpole ne anloa, mgbavolɛ ne mɔ ɛdua edwɛne ɛdolɛ.

¹⁵Yɛ fɛlɛkolilɛ ɛwie; yɛ agolezilɛ ɛhakyi yɛ nyanelilɛ.

¹⁶Yɛ nyunlu ɛdɔ aze ɛbɔ; abule ɛbu yɛ, ɔboalekɛ yɛyɛ ɛtane!

¹⁷Ɛhye ati nyane ɛwie yɛ ku, ɛhye ati monle ɛmmaa yɛnnwu aze,

¹⁸ɔluakɛ Zayɔn Boka ɛdɔ mgbane, ɛzonlɛ a duolua ɛkɛ ne didi a.

¹⁹Na wɔmɔ, O Ɛdɛnkɛma, ɛle belemgbunli dahuu; wɔ belemgbunlililɛ ɛnlɛ awieleɛ.

²⁰Duzu ati a wɔkpo yɛ bɔkɔɔ ɛ? Duzu ati a ɛ rɛle ɛvi yɛ bɔkɔɔ ɛ?

²¹O Ɛdɛnkɛma, fa yɛ bɔ wɔ ɛbolɛ. Maa yɛnyia gyinlagyakɛ kɛ dɛba ne la.

²²Anzɛɛ wɔkpo yɛ bɔkɔɔ ɔ? Wɔva yɛ nwo ɛya bɔkɔɔ ɔ?