Read Nzema Dwn 2 Bible Online

Dwn 2 - Nzema bible

Dwn 2

¹Mekɛ mɔɔ Dwona wɔ fɛlɛ ne akunlu la, ɔzunle ɔvɛlɛle Ɛdɛnkɛma ye Nyamenle ne; ɔzele kɛ,

²“Munzule kpole dole me, na menzunle menvɛlɛle Ɛdɛnkɛma, na ɔdiele me. Mela ewule kuma nu la, menzunle menvɛlɛle wɔ na ɛdele me ne.

³Ɔluakɛ ɛdawɔ yɛɛ ɛvuandinle me ɛdole buma ne anu, wɔ nyevile kunlu nehane a; mengɔle azule bo na elonra nee azelɛkye mgbole bule vale me ti zo.

⁴Na menganle kɛ, ‘Akee meminli ɛ nye zo ala ɛne, na menrɛnwu wɔ Ɛzonlenlɛ Sua Nwuanzanwuanza ne bieko!’

⁵Azule ne monlanle me, meminlinle buma ne anu bɔkɔɔ, na nyevile bo ndile bɛkɛbɛkale me.

⁶Menomanle azule kuma ne abo kpalɛ, wɔ awoka ne mɔ abo lɔ, ɛleka mɔɔ bɛto sonla anlenkɛ nu a bɛndukue ye ɛlɛ la. Noko wɔmɔ Ɛdɛnkɛma, me Nyamenle, ɛyele me ɛvile Kuma ne anu ɛrale ngoane nu.

⁷Mɔɔ ɛnee me nye zo ɛbulu la, mengakyele, na menzɛlɛle Ɛdɛnkɛma; me nzɛlɛlɛ dwule ɛ nyunlu wɔ wɔ Ɛzonlenlɛ Sua Nwuanzanwuanza ne anu.

⁸Bɛdabɛ mɔɔ amonle ala a bɛsɔ la, bɛmbu wɔ yɛɛ bɛnzonle wɔ.

⁹Na mame, mebado edwɛne meaye wɔ ayɛlɛ, mebabɔ azu meamaa wɔ na meali me ɛwɔkɛ mɔɔ mebɔ la azo. Wɔmɔ Ɛdɛnkɛma ala a ɛdie ngoane a.”

¹⁰Na Ɛdɛnkɛma manle fɛlɛ ne hɔkpule Dwona dole file zo.