Read Nzema Dwn 4 Bible Online

Dwn 4 - Nzema bible

Dwn 4

¹Ɔrale ye zɛhae la, yeanyɛ Dwona fɛ fee na ɔvale ɛya.

² Na ɔzɛlɛle Ɛdɛnkɛma kɛ, “Ɛdɛnkɛma, mesɛlɛ wɔ, edwɛkɛ ne mɔɔ mewɔ me sua zo lɔ mɔɔ menganle la, yemɔ a ɛyɛ zɔhane la. Na ɛhye ati noko yɛɛ anrɛɛ menriandi meahɔ Sepeen la. Ɔluakɛ meze kɛ wɔmɔ Ɛdɛnkɛma, ɛle ɛlolɛ Nyamenle mɔɔ se anwunvɔne a. Ɛlɛ abotane, ɛlɛ ɛhulolɛ kpole, yɛɛ ɛ nye ɛnlie munzule nwo.

³Zɔhane ati, O Ɛdɛnkɛma, mesɛlɛ wɔ, maa menwu, ɔluakɛ ɔle kpalɛ kɛ menwɔwu tɛla kɛ menwɔdɛnla aze a.”

⁴Na Ɛdɛnkɛma bizale ye kɛ, “Dwona, asoo ɛya kpalɛ a wɔva la?”

⁵Dwona hɔle suakpole ne kandiba mɔɔ di kɔ aduduleɛ la. Ɔyɛle kpato ɔdɛnlanle ɔ bo na ɔyɛle kɛ ɔnea mɔɔ bazi suakpole ne azo la.

⁶Na Ɛdɛnkɛma Nyamenle manle baka fifile hedale Dwona anwo zo, ɔmanle ye alubo, amaa ɔ nwo adɔ ye. Na Dwona anye liele baka ne anwo kpalɛ.

⁷Na aleɛbahye ne, Nyamenle manle nvuba ralile baka ne, na baka ne nwosonle na ɔwule.

⁸Sɛnzɛne ne kpogyale ɔ nwo zo la, Nyamenle manle aduduleɛ anwoma wuluwulu bie bɔle. Na ewia katekate bie vile bɔle Dwona ati mgbandanlama ne azo manle ɔ nwo yɛle ye bɛtɛɛ. Ɛnee akee Dwona akunlu a anrɛɛ yewu. Na ɔhanle kɛ, “Saa menwule bɔbɔ a anrɛɛ ɔle kpalɛ.”

⁹Nyamenle bizale Dwona kɛ, “Asoo ɛya kpalɛ a baka ye mɔɔ ɛwu la ati wɔva la?” Dwona buale kɛ, “Saa menwule bɔbɔ a anrɛɛ mewu.”

¹⁰Na Ɛdɛnkɛma zele Dwona kɛ, “Baka ye, mɔɔ wɔmɔ wɔanyɛ nwolɛ ɛhwee biala, tɛ wɔmɔ yɛɛ ɛluale a; ɔfifile kenle ko nɔɔzo, na ye alehyenlɛ nu yewu la, yemɔ ɔyɛ wɔ nyane.

¹¹Duzu ati yɛɛ mame, suakpole mɔɔ le kɛ Nenɛvɛ, mɔɔ ɛlie duma na menli mɔɔ bo apenle ngoko ɛya ko abulanwiɔ mɔɔ bɛnze bɛ bɛne a bɛnze bɛ fema, nee nyɛmoa wɔ zolɛ la, menrɛze bɛ anwunvɔne a?”