Read Nzema Ɛdi 1 Bible Online

Ɛdi 1 - Nzema bible

Ɛdi 1

¹ Mɔɔ Yizilayɛma vile Yigyibiti azɛlɛ zo la, ye ɛvolɛ nwiɔ ne anu, ye siane nwiɔ ne kenle ne mɔɔ lumua la azo, Ɛdɛnkɛma dendɛle hilele Mosisi wɔ Saenae fienemgbole ne anu wɔ Ɛdɛnkɛma Ndanlɛ Sua ne anu kɛ,

²“Tia Yizilayɛma kɔsɔɔti, mbusua ekpulike ekpulike nee bɛ ze mɔ awuke awuke, kɛlɛ nrenya ko biala duma, kɛmɔ bɛ dodo de la.

³Ɛ nee Aalɔn bɛdia menli mɔɔ ɛli ɛvolɛ abulanwiɔ mɔɔ kɔ, mɔɔ wɔ Yizilayɛ, mɔɔ kola konle kɔ la ekpunli ekpunli.

⁴Abusua ekpunli biala anu sonla ko mɔɔ ɔdaye mumua ne ɔle abusua ekpulike kpanyinli wɔ ɔ ze awuke nu la baboa bɛ.”

⁵Menli mɔɔ gyigyi mbusua ekpunli ekpunli ne mɔ ati, mɔɔ baboa bɛ amaa bɛali gyima ɛhye la ɛne: [Abusua Ekpunli] — [Abusua Kpanyinli] Wulubɛn — Hyɛdiyɛ ara nrenya Ɛlaezɛ Semɛyɔn — Zulehyadae ara nrenya Hyɛlɛmeɛle Dwuda — Amenadabe ara nrenya Naahyɔn Yesakaa — Zuwaa ara nrenya Nɛtanili Zɛbulɛn — Hilɔn ara nrenya Yilayabe Yifelaem — Amehɛde ara nrenya Yilaehyama Manasɛ — Pɛdaazɛ ara nrenya Gameeleɛle Bɛngyaman — Gedɛyonae ara nrenya Abaedan Dan — Amehyadae ara nrenya Ehayizɛ Ahya — Ɔkelan ara nrenya Peegeɛle Gaade — Diwɛle ara nrenya Yilayasafe Nafetalae — Yinan ara nrenya Ahaela

¹⁷Ɔlua menli bulu nee nwiɔ ɛhye mɔ moalɛ zo, Mosisi nee Aalɔn

¹⁸vɛlɛle menli ne kɔsɔɔti wɔ siane nwiɔ ne anu, ye kenle ne mɔɔ lumua la azo na bɛhɛlɛle bɛ aluma, kɛmɔ bɛ mbusua ekpunli ekpunli nee bɛ mbusua ekpulike ekpulike ne mɔ de la. Bɛhɛlɛle menli mɔɔ ɛli ɛvolɛ abulanwiɔ mɔɔ kɔ la aluma na bɛdianle bɛ,

¹⁹kɛmɔ Ɛdɛnkɛma zele Mosisi wɔ Saenae fienemgbole ne anu la.

²⁰Bɛhɛlɛle menli mɔɔ ɛli ɛvolɛ abulanwiɔ mɔɔ kɔ, mɔɔ kola konle kɔ la aluma mbusua ekpulike ekpulike wɔ bɛ mbusua ekpunli ekpunli ne mɔ anu. Bɛbɔle ye Gyekɔbo ara nrenya kpanyinli Wulubɛn anwo zo. Kɛ bɛ dodo yɛle la ɛne: [Abusua Ekpunli] — [Bɛ Dodo] Wulubɛn — apenle ngoko abulanla nee nsia, ɛya nnu Semɛyɔn — apenle ngoko abulanlu nee ngɔnla, ɛya nsa Gaade — apenle ngoko abulanla nee nnu, ɛya nsia abulanlu Dwuda — apenle ngoko abulasuu nee nna, ɛya nsia Yesakaa — apenle ngoko abulanlu nee nna, ɛya nna Zɛbulɛn — apenle ngoko abulanlu nee nsuu, ɛya nna Yifelaem — apenle ngoko abulanla, ɛya nnu Manasɛ — apenle ngoko abulasa nee nwiɔ, ɛya nwiɔ Bɛngyaman — apenle ngoko abulasa nee nnu, ɛya nna Dan — apenle ngoko abulasia nee nwiɔ, ɛya nsuu Ahya — apenle ngoko abulanla nee ko, ɛya nnu Nafetalae — apenle ngoko abulanlu nee nsa, ɛya nna Bɛ muala bɛ dodo le apenle ngoko ɛya nsia nee nsa, ɛya nnu abulanlu.

⁴⁷Bɛangɛlɛ Livaema aluma bɛamboka mbusua ekpunli ekpunli ɛhendeɛ ne mɔ anwo.

⁴⁸Ɔluakɛ Ɛdɛnkɛma ɛze Mosisi kɛ,

⁴⁹“Saa ɛtia menli ne a anrɛɛ mmatia Livae abusua ekpunli ne ɛboka Yizilayɛma anwo.

⁵⁰Maa Livaema ne ɛnlea me Ndanlɛ Sua ne, nuhua ninyɛne kɔsɔɔti nee debie biala mɔɔ fane sua ne anwo la azo. Bɛmɛ yɛɛ bɛbazoa Ndanlɛ Sua ne nee nuhua ninyɛne ne mɔ a, bɛbazonle nuhua na bɛayɛ bɛ azokoɛleɛ nwolɛ bɛayia.

⁵¹Mekɛ biala mɔɔ bɛvi azokoɛleɛ ko bɛlɛkɔ azokoɛleɛ fofolɛ la, Livaema ne badudu Ndanlɛ Sua ne ahɔ azokoɛleɛ fofolɛ ne na bɛakpɔnla ye bieko. Awie gyɛne biala mɔɔ kɛbikye Ndanlɛ Sua ne la, bɛhu ye.

⁵²Yizilayɛma badɛnla ye ekpunli ekpunli, awie biala wɔ ɔdaye ye azokoɛleɛ, wɔ ye fɛlɛnra bo.

⁵³Na Livaema ne bayɛ azokoɛleɛ abɔ ayia Ndanlɛ Sua ne na bɛazinza, amaa awie ambikye ye na yeaha me ɛya yeamaa meava me ɛya ne meagua Yizilayɛma anwo zo.”

⁵⁴Yemɔti Yizilayɛma yɛle debie biala, kɛmɔ Ɛdɛnkɛma zele Mosisi la.