Read Nzema Ɛdi 2 Bible Online

Ɛdi 2 - Nzema bible

Ɛdi 2

¹Ɛdɛnkɛma zele Mosisi nee Aalɔn kɛ,

²“Yizilayɛma bayɛ bɛ azokoɛleɛ ne mɔ wɔ bɛ mbusua ekpunli ekpunli fɛlɛnra ne mɔ abo wɔ bɛ ze mɔ mbusua ekpulike ekpulike sɛkɛlɛneɛ bo. Bɛbasisi bɛ ndanlɛ azua ne mɔ bɛabɔ Ɛdɛnkɛma Ndanlɛ Sua ne bɛayia, ko biala anye kɔne Ɛdɛnkɛma Ndanlɛ Sua ne anwo.

³“Wɔ Ɛdɛnkɛma Ndanlɛ Sua ne aduduleɛ afoa nu, bɛdabɛ mɔɔ bɛwɔ Dwuda abusua ekpunli ne fɛlɛnra ne abo la babɔ nu ayɛ bɛ azokoɛleɛ ɛdeɛ ne. Bɛ mgbanyima a le ɛhye mɔ: [Abusua Ekpunli] — [Abusua Kpanyinli] — [Bɛ Dodo] Dwuda — Amenadabe ara nrenya Naahyɔn — 74,600 Yesakaa — Zuwaa ara nrenya Nɛtanili — 54,400 Zɛbulɛn — Hilɔn ara nrenya Yilayabe — 57,400 Bɛ muala bɛ dodo le apenle ngoko ɛya ko abulatwɛ nee nsia, ɛya nna. Dwuda ekpunli ɛdeɛ ne a balumua a.

¹⁰“Wɔ nyiakɛ afoa nu, menli mɔɔ wɔ Wulubɛn abusua ekpunli fɛlɛnra ne abo la a badɛnla ɛkɛ a. Bɛ mgbanyima a le ɛhye mɔ: [Abusua Ekpunli] — [Abusua Kpanyinli] — [Bɛ Dodo] Wulubɛn — Hyɛdiyɛ ara nrenya Ɛlaezɛ — 46,500 Semɛyɔn — Zulehyadae ara nrenya Hyɛlɛmeɛle — 59,300 Gaade — Duwɛle ara nrenya Yilayasafe — 45,650 Bɛ muala bɛ dodo le apenle ngoko ɛya ko abulanlu nee ko, ɛya nna abulanlu. Wulubɛn ekpunli ɛdeɛ ne a badɔ zolɛ nwiɔ a.

¹⁷“Akee Livaema ne bazoa Ɛdɛnkɛma Ndanlɛ Sua ne ali ekpunli nwiɔ ne mɔɔ lumua nee ekpunli nwiɔ ne mɔɔ li amozi la avinli. Ekpunli biala bahɔ ye kɛmɔ bɛzile bɛdɛnlɛdɛnlanle bɛ wɔ azokoɛleɛ ne la, biala bali ɔ bo zo ne wɔ ye abusua ekpunli fɛlɛnra ne abo.

¹⁸“Wɔ adɔleɛ afoa nu, menli mɔɔ wɔ Yifelaem abusua ne fɛlɛnra ne abo la a badɛnla ɛkɛ a. Bɛ mgbanyima a le ɛhye mɔ: [Abusua Ekpunli] — [Abusua Kpanyinli] — [Bɛ Dodo] Yifelaem — Amehɛde ara nrenya Yilaehyama — 40,500 Manasɛ — Pɛdaazɛ ara nrenya Gameeleɛle — 32,200 Bɛngyaman — Gedɔyonae ara nrenya Abaedan — 35,400 Bɛ muala bɛ dodo le apenle ngoko ɛya ko nee mɔtwɛ, ɛya ko. Yifelaem ekpunli ɛdeɛ ne a badɔ zolɛ nsa a.

²⁵“Wɔ sɔlɔ afoa nu, menli mɔɔ wɔ Dan abusua ekpunli ne fɛlɛnra ne abo la a badɛnla ɛkɛ a. Bɛ mgbanyima a le ɛhye mɔ: [Abusua Ekpunli] — [Abusua Kpanyinli] — [Bɛ Dodo] Dan — Amehyadae ara nrenya Ehayizɛ — 62,700 Ahya — Ɔkelan ara nrenya Peegeɛle — 41,500 Nafetalae — Yinam ara nrenya Ahaela — 53,400 Bɛ muala bɛ dodo le apenle ngoko ɛya ko abulanlu nee nsuu, ɛya nsia. Dan ekpunli ɛdeɛ ne a bali amozi a.”

³²Yizilayɛma mɔɔ bɛdianle bɛ ekpunli ekpunli nee awuke awuke la, bɛ kɔsɔɔti bɛle apenle ngoko ɛya nsia nee nsa, menli ɛya nnu abulanlu.

³³Na kɛmɔ Ɛdɛnkɛma zele Mosisi la, bɛandia Livaema ne bɛamboka Yizilayɛma anwo.

³⁴Yemɔti Yizilayɛma yɛle debie biala mɔɔ Ɛdɛnkɛma zele Mosisi la. Biala dɛnlanle ɔdaye ye ekpunli sɛkɛlɛneɛ bo, yɛɛ ko biala nee ɔdaye ye abusua ekpulike ne luale.