Read Nzema Ɛdi 26 Bible Online

Ɛdi 26 - Nzema bible

Ɛdi 26

¹ Ewulenzane ne anzi Ɛdɛnkɛma zele Mosisi nee Sɛlɛvolɛ Aalɔn ara Ɛlieza kɛ,

²“Bɛdia Yizilayɛma kɔsɔɔti mɔɔ ɛli ɛvolɛ abulanwiɔ mɔɔ kɔ na bɛkola ɛlɔne nloa kɔ la, mbusua ekpulike ekpulike.”

³Mosisi nee Sɛlɛvolɛ Ɛlieza boɔboale menli ne anloa wɔ Mowabe ɛsɛlɛ ne anu, wɔ Azule Dwɔdan ne anzi wɔ Gyɛleko, kɛmɔ Ɛdɛnkɛma hanle la, na ɔmanle bɛdianle bɛ. Yizilayɛma ɛhye mɔ a vi Yigyibiti rale a:

⁴

⁵Wɔ Wulubɛn abusua ekpunli ne anu (Wulubɛn le Gyekɔbo ara nrenya kpanyinli): Heenɔko, Palu,

⁶Hɛzelɔn, yɛɛ Kamae mbusua ekpulike ne mɔ.

⁷Mbusua ekpulike ɛhye mɔ dodo le apenle ngoko abulanla nee nsa, ɛya nsuu abulasa.

⁸Palu abo zo amra ne a le Yilayabe

⁹nee ɔ mra mrenya Nɛmuwɛle, Deetan, yɛɛ Abaelam. (Deetan nee Abaelam ɛhye mɔ a menli ne dule bɛ na bɛkpole Mosisi nee Aalɔn, na bɛdoale Kɔla nee ye ɛdoavolɛma ne wɔ mekɛ mɔɔ bɛdele Ɛdɛnkɛma anwo atua la.

¹⁰Na azɛlɛ ne kpakyele nwiɔ na ɔmenle bɛ nee Kɔla nee ye ɛdoavolɛma ne, menli zɔhane wule wɔ mekɛ mɔɔ senle yelale menli ɛya nwiɔ abulanlu ne la, na bɛyɛle kɔkɔbɔlɛ bɛmanle menli ne.

¹¹Kɔla amra mrenya ne mɔ, bɛmɛ bɛanwu.)

¹²Wɔ Semɛyɔn abusua ekpunli ne anu: Nɛmuwɛle, Gyeemen, Gyeeken,

¹³Zila, yɛɛ Hyɔɔlo mbusua ekpulike ne mɔ.

¹⁴Mbusua ekpulike ɛhye mɔ dodo le apenle ngoko abulanwiɔ nee nwiɔ, ɛya nwiɔ.

¹⁵Wɔ Gaade abusua ekpunli ne anu: Zifɔn, Hagae, Hyunae,

¹⁶Ɔzenae, Yilae,

¹⁷Ɛlɔde, yɛɛ Alilae mbusua ekpulike ne mɔ.

¹⁸Mbusua ekpulike ɛhye mɔ dodo le apenle ngoko abulanla, ɛya nnu.

¹⁹Wɔ Dwuda abusua ekpunli ne anu: Hyila, Pɛlɛze, Zilaa, Hɛzelɔn, yɛɛ Hamɛle mbusua ekpulike ne mɔ. (Dwuda amra mrenya ne mɔ anu nwiɔ, Ɛɛ nee Onan wule Keena azɛlɛ zo.)

²⁰

²¹

²²Mbusua ekpulike ɛhye mɔ dodo le apenle ngoko abulasuu nee nsia, ɛya nnu.

²³Wɔ Yesakaa abusua ekpunli ne anu: Tola, Puwa,

²⁴Gyahyɛlae, yɛɛ Hyɛmelɔn.

²⁵Mbusua ekpulike ɛhye mɔ dodo le apenle ngoko abulasia nee nna, ɛya nsa.

²⁶Wɔ Zɛbulɛn abusua ekpunli ne anu: Silɛde, Yilɔn, yɛɛ Gyalii.

²⁷Mbusua ekpulike ɛhye mɔ dodo le apenle ngoko abulasia, ɛya nnu.

²⁸Dwosefi mbusua ekpunli ne mɔ: Dwosefi wole mralɛ mrenya nwiɔ, Manasɛ nee Yifelaem.

²⁹Wɔ Manasɛ abusua ekpunli ne anu: Manasɛ ara nrenya Meekɛ wole Geleade. Mbusua ekpulike ɛhye mɔ kɔsɔɔti abo vi Geleade anu:

³⁰Yizɛ, Hilɛke,

³¹Azeleɛle, Hyikɛm,

³²Hyɛmaeda, yɛɛ Hifɛ.

³³Hifɛ ara Zilɔfɛhade anwo ralɛ nrenya, ɔwole mraalɛ ngome, bɛ aluma ɛne: Maala, Nowa, Hɔgela, Melekaa, yɛɛ Tɛza.

³⁴Mbusua ekpulike ɛhye mɔ dodo le apenle ngoko abulanlu nee nwiɔ, ɛya nsuu.

³⁵Wɔ Yifelaem abusua ekpunli ne anu: Hyutilaa, Bikɛ, yɛɛ Teehan.

³⁶Yilam abusua ekpulike ne le Hyutilaa abo zo amra.

³⁷Mbusua ekpulike ɛhye mɔ dodo le apenle ngoko abulasa nee nwiɔ, ɛya nnu. Bɛle Dwosefi abo zo amra.

³⁸Wɔ Bɛngyaman abusua ekpunli ne anu: Bila, Ahyebɛle, Ahaelam,

³⁹Hyɛfufam, yɛɛ Hufam.

⁴⁰Aade nee Neeyaman mbusua ekpulike ne le Bila abo zo amra.

⁴¹Mbusua ekpulike ɛhye mɔ dodo le apenle ngoko abulanla nee nnu, ɛya nsia.

⁴²Wɔ Dan abusua ekpunli ne anu: Huhyem,

⁴³bɛ dodo le apenle ngoko abulasia nee nna, ɛya nna.

⁴⁴Wɔ Ahya abusua ekpunli ne anu: Yemena, Yehyevae, yɛɛ Bɛlaya.

⁴⁵Hibɛ nee Malekeɛle le Bɛlaya abo zo amra.

⁴⁶Ahya wole ralɛ raalɛ ko, bɛfɛlɛ ye Sɛla.

⁴⁷Mbusua ekpulike ɛhye mɔ dodo le apenle ngoko abulanlu nee nsa, ɛya nna.

⁴⁸Wɔ Nafetalae abusua ekpunli ne anu: Gyaazile, Gunae,

⁴⁹Gyizɛ, yɛɛ Hyelɛm.

⁵⁰Mbusua ekpulike ɛhye mɔ dodo le apenle ngoko abulanla nee nnu, ɛya nna.

⁵¹Ɛka Yizilayɛma kɔsɔɔti ɛbɔ nu a, bɛ dodo le apenle ngoko ɛya nsia nee ko, menli ɛya nsuu abulasa.

⁵² Ɛdɛnkɛma zele Mosisi kɛ,

⁵³“Kyɛ azɛlɛ ne maa mbusua ekpunli ekpunli ne, kɛmɔ bɛ dodo de la.

⁵⁴Gua nzeleba na wɔahyɛ azɛlɛ ne, abusua ekpunli mɔɔ anwo zonle la, maa ye azɛlɛ kpole, mɔɔ anwo anzo la, maa ye azɛlɛ ekyi.”

⁵⁵

⁵⁶

⁵⁷Mbusua ekpulike ekpulike mɔɔ wɔ Livae abusua ekpunli ne anu la a le Gɛhyɔn, Kohate, yɛɛ Mɛlɛlae.

⁵⁸Lebenae, Hibulɔn, Maalae, Muhyae, yɛɛ Kɔla le bɛ bo zo amra. Amelam ɔ ze a le Kohate,

⁵⁹ɔgyale Livae ara raalɛ Dwɔkɛbɛde mɔɔ bɛwole ye Yigyibiti la. Dwɔkɛbɛde nee ɔ hu Amelam wole mralɛ mrenya nwiɔ, Aalɔn nee Mosisi, yɛɛ raalɛ ko, Meleam.

⁶⁰ Aalɔn wole mrenya nna, Needabe, Abaehu, Ɛlieza, yɛɛ Yetamaa.

⁶¹ Needabe nee Abaehu vale senle mɔɔ ɛnle nwuanzanwuanza la bɔle azu manle Ɛdɛnkɛma, yemɔti bɛwule.

⁶²Livaema mɔɔ ɛnee ɛli siane ko nee mɔɔ bo ekyi la dodo le apenle ngoko abulanwiɔ nee nsa. Bɛdianle bɛ ngome, bɛandia bɛ bɛamboka Yizilayɛma ne anwo, ɔboalekɛ bɛammaa bɛ agyadeɛ biala wɔ Yizilayɛ.

⁶³Mosisi nee Ɛlieza a dianle menli ɛhye mɔ kɔsɔɔti wɔ Mowabe ɛsɛlɛ ne anzi, wɔ Azule Dwɔdan ne anzi wɔ Gyɛleko afoa nu a.

⁶⁴Menli mɔɔ Mosisi nee Aalɔn dianle bɛ wɔ alumua menli ɛdianlɛ ne anu wɔ Saenae Fienemgbole ne anu la, ɛdwoba ko bɔbɔ anga.

⁶⁵ Ɛdɛnkɛma zele kɛ menli ɛhye mɔ kɔsɔɔti bawu fienemgbole ne anu. Gyɛfɛni ara Kalɛbe nee Nɛn ara Dwɔhyua ala a hale a. Bɛ muala bɛwule.