Read Nzema Ɛdi 7 Bible Online

Ɛdi 7 - Nzema bible

Ɛdi 7

¹Kenle ko ne mɔɔ Mosisi wiele Ɛdɛnkɛma Ndanlɛ Sua ne si la, ɔkpokpale ye nwole na ɔdule Ndanlɛ Sua ne nee nuhua ninyɛne kɔsɔɔti ɔmanle Ɛdɛnkɛma, ɔkpokpale azukponle ne na ɔdule ye nee nwolɛ ninyɛne kɔsɔɔti ɔmanle Ɛdɛnkɛma.

²Akee Yizilayɛ mgbanyima, mbusua mgbanyinli mɔɔ gyigyi Yizilayɛ mbusua ekpunli ekpunli ne mɔ ati, nee bɛdabɛ mɔɔ bɛgyigyi bɛ ze mɔ awuke ne mɔ ati, na bɛdabɛ ko ne ala a bɛnleanle bɛmanle bɛdianle Yizilayɛma ne la

³vale bɛ azubɔlɛ ninyɛne rɛlɛle Ɛdɛnkɛma: ehwili mɔɔ soa ninyɛne na bɛdu zolɛ la nsia yɛɛ nlankɛ mɔɔ twe ehwili la bulu nee nwiɔ, mgbanyima nwiɔ biala ehwili ko yɛɛ kpanyinli ko biala ɛnlankɛ ko. Bɛvale ninyɛne ne bɛrɛlɛle Mosisi wɔ Ndanlɛ Sua ne anyunlu.

⁴Ɛdɛnkɛma zele Mosisi kɛ,

⁵“Die ahyɛlɛ ninyɛne ɛhye mɔ na bɛava bɛayɛ gyima mɔɔ bɛbayɛ wɔ Ɛdɛnkɛma Ndanlɛ Sua ne anwo la. Fa maa Livaema ne maa ko biala ɛnyia mɔɔ ɔwɔ kɛ ɔnyia ye la, kɛmɔ ye gyima ne si de la.”

⁶Yemɔti Mosisi vale ehwili ne mɔ nee nlankɛ ne mɔ manle Livaema.

⁷Ɔvale ehwili nwiɔ nee nlankɛ nna ɔmanle Gɛhyɔn asa azo ne,

⁸yɛɛ kɛmɔ bɛ gyima ne si de la, ɔvale ehwili nna nee nlankɛ mɔtwɛ ɔmanle Mɛlɛlae asa azo ne mɔɔ Sɛlɛvolɛ Aalɔn ara nrenya Yetamaa a nea bɛ nwo zo la.

⁹Na Kohate asa azo ne, Mosisi ammaa bɛ bie, ɔboalekɛ bɛmɛ, bɛ gyima ɛdeɛ ne ala a le ninyɛne nwuanzanwuanza ne mɔ mɔɔ bɛsoa bɛ bɛ kɔme zo na bɛnea bɛ gyɛlɛɛnye la.

¹⁰Kenle mɔɔ bɛkpokpale azukponle ne nwole la, mgbanyima ne mɔ vale azubɔlɛ ninyɛne raguale azukponle ne anyunlu kɛ bɛva bɛdu azukponle ne bɛmaa Ɛdɛnkɛma.

¹¹Na Ɛdɛnkɛma zele Mosisi kɛ, “Ka kile bɛ kɛ, kenle ko biala abusua kpanyinli ko bava ye azubɔlɛ ninyɛne ɛdeɛ ara yeamaa bɛava bɛadu azukponle ne bɛamaa Ɛdɛnkɛma.”

¹²Kɛ bɛzile bɛvale bɛ azubɔlɛ ninyɛne ne mɔ bɛrale la ɛne: [Kenle] — [Abusua Ekpunli] — [Abusua Kpanyinli] Ko ne — Dwuda — Amenadabe ara nrenya Naahyɔn Nwiɔ ne — Yesakaa — Zuwaa ara nrenya Nɛtanili Nsa ne — Zɛbulɛn — Hɛlɔn ara nrenya Yilayabe Nna ne — Wulubɛn — Hyɛdiyɛ ara nrenya Ɛlaezɛ Nnu ne — Semɛyɔn — Zulehyadae ara nrenya Hyɛlɛmeɛle Nsia ne — Gaade — Duwɛle ara nrenya Yilayasafe Nsuu ne — Yifelaem — Amehɛde ara nrenya Yilaehyama Mɔtwɛ ne — Manasɛ — Pɛdaazɛ ara nrenya Gameeleɛle Ngɔnla ne — Bɛngyaman — Gedɛyonae ara nrenya Abaedan Bulu ne — Dan — Amehyadae ara nrenya Ehayizɛ Bulu nee ko ne — Ahya — Ɔkelan ara nrenya Peegeɛle Bulu nee nwiɔ ne — Nafetalae — Yinan ara nrenya Ahaela Azubɔlɛ ninyɛne mɔɔ menli ne mɔ vale rale la amuala le ngakyile ko: dwɛtɛ fufule bonkuma ko, ɔto tone nu kilo ko nee foa yɛɛ dwɛtɛ fufule kyɛnze kuloonwu ko, ɔto tone nu gelamo ɛya mɔtwɛ, kɛmɔ bɛ nzuzudeɛ ne si to la. Bɛwulale bɛ m(...)

⁸⁴Azubɔlɛ ninyɛne mɔɔ mbusua mgbanyinli ne mɔ vale rale manle bɛvale bɛbɔle azu bɛdule azukponle ne bɛmanle Ɛdɛnkɛma la amuala yɛle zɛhae: - dwɛtɛ fufule bonkuma bulu nee nwiɔ nee dwɛtɛ fufule ahyɛnze kuloonwu bulu nee nwiɔ. Bɛ muala bɛto tone nu kilo abulanwiɔ nee nsuu nee ekyi. - ezukoa nvutuke ahyɛnze ndɛbandɛba bulu nee nwiɔ mɔɔ ɛyɛlɛ ɛyiyi bɛ tetɛkɛɛ; bɛ muala bɛto tone nu kilo ko nee ekyi. - nlankɛ nyinli bulu nee nwiɔ, mboane nyinli bulu nee nwiɔ, yɛɛ mboane nyinli ndonrandonra mɔɔ ɛli ɛvolɛ ngoko la bulu nee nwiɔ nee ma azubɔdeɛ mɔɔ bɛvale bɛbɔle ɛyelalɛ azu ne la. - mbɔnkye nyinli bulu nee nwiɔ mɔɔ bɛvale bɛbɔle ɛtane azu ne la. - nlankɛ nyinli abulanwiɔ nee nna, mboane nyinli abulasia, mbɔnkye nyinli abulasia, mboane nyinli ndonrandonra mɔɔ ɛli ɛvolɛ ngoko la abulasia mɔɔ bɛvale bɛbɔle anzonudwolɛ azu ne la.

⁸⁹Mɔɔ Mosisi hɔle Ndanlɛ Sua ne anu kɛ ɔ nee Ɛdɛnkɛma kadendɛ la, ɔdele kɛ Ɛdɛnkɛma ɛlɛtendɛ ahile ye wɔ abɔdeɛ nwiɔ ne mɔɔ lɛ ndɛbalɛ, mɔɔ gyigyi Anwunvɔnezelɛ Ebia ne mɔɔ dua Ngyekyeleɛ Ɛlɛka ne azo la avinli anwuma.