Read Nzema Zɛk 2 Bible Online

Zɛk 2 - Nzema bible

Zɛk 2

¹Memanle me nye zo na menwunle nrenya bie mɔɔ lɛ ɛzuzulɛ nyɛma ɔ sa nu la.

²Na membizale ye kɛ, “Ɛkɔ nienwu?” Ɔbuale me kɛ, “Mekazuzu Gyɛlusalɛm, meanwu ye tendenle nee ye tɛtɛlɛ.”

³Na nea, Nyamenle soanvolɛ ne mɔɔ dendɛle hilele me la rale, na Nyamenle soanvolɛ ko noko rayiale ye

⁴na ɔzele ye kɛ, “Nriandi, kɔha kile kpavolɛ ne kɛ, ‘Gyɛlusalɛm bayɛ gbudugbudu kɛ namunamu mɔɔ bɛanlie nwolɛ bane la, ɔboalekɛ zolɛ menli bazo, yɛɛ zolɛ nyɛmoa bazo.

⁵Mebayɛ kɛ senle bane meabɔ ye mgbɔlɔka meayia, na meadɛnla ɛkɛ ne anyunlunyia nu, medame Ɛdɛnkɛma a mese a.’ ”

⁶Ɛdɛnkɛma se, “Hɛe! Hɛe! Bɛnriandi bɛvi sɔlɔ nehane. Membɔle bɛ asande menguale maanɔne, ɛleka biala mɔɔ anwuma anwoma fane nna ne kɛhola bɛ fa kɔ la.

⁷Hɛe! Bɛdabɛ mɔɔ bɛwɔ Babelonia la, bɛnriandi bɛrɛla Gyɛlusalɛm.”

⁸Nrɛlaleɛ ɛhye yɛɛ Tumivolɛ Ɛdɛnkɛma vale zoanle me wɔ maanle maanle ne mɔ mɔɔ rawuale bɛ la anu a, ɔluakɛ awie mɔɔ kɛva ɔ sa kɛha bɛ la ɛva ɔ nye kuduarizi ne ɛwɔ baka zo.

⁹Ɛdɛnkɛma se, “Bɛnlea, mebava me sa meanwɔha bɛ ti zo ala, na bɛbayɛ ɛvedeɛ bɛamaa menli mɔɔ zonlenle bɛ la.” Saa ɛhye si a yɛɛ bɛkɛnwu kɛ Tumivolɛ Ɛdɛnkɛma a ɛzoa me a.

¹⁰O bɛmɛ Gyɛlusalɛmma, Ɛdɛnkɛma se, “Bɛdo edwɛne na bɛmaa bɛ nye ɛlie. Bɛnlea, melɛba na mearadɛnla bɛ avinli.”

¹¹Mekɛ ne anu maanle maanle dɔɔnwo bava bɛ nwo amaa Ɛdɛnkɛma, na bɛayɛ ye menli. Ɛdɛnkɛma badɛnla bɛ avinli na bɛanwu kɛ Tumivolɛ Ɛdɛnkɛma a ɛzoa me a.

¹²Ɛdɛnkɛma bava Dwuda ayɛ ye ɛdeɛ wɔ azɛlɛ nwuanzanwuanza ne azo, na yeanlea nu yeaye Gyɛlusalɛm bieko kɛ ye ɛdeɛ ɔ.

¹³Awie biala ɛyɛ koonwu wɔ Ɛdɛnkɛma anyunlu, ɔluakɛ yemaa ɔ nwo zo wɔ ye ɛleka nwuanzanwuanza ne.