Read Nzema Mal 4 Bible Online

Mal 4 - Nzema bible

Mal 4

¹Tumivolɛ Ɛdɛnkɛma se, “Bɛnlea, kenle ne ɛlɛba; ɔbazɔ kɛ fonlomo senle. Bɛdabɛ mɔɔ bɛmemaa bɛ nwo zo nee amumuyɛma bayela kɛ ewula. Bɛ ndinli bɔbɔ ɛnrɛha na yeayɛ bɛ ngane.

²Na bɛmɛ mɔɔ bɛsulo me la, pɛlepɛle sɛnzɛne mɔɔ le ayile la badudu bɛ nwo zo. Na bɛbavinde wienyi nu na bɛawuluwulu kɛ nlankɛ mralɛ mɔɔ bɛye bɛ bɛvi tunli nu la.

³Na bɛbatietia amumuyɛma anwo zo. Amumuyɛma bayɛ kɛ nzonle wɔ bɛ gyakɛ abo wɔ kenle mɔɔ mebaha me nwo la.

⁴Bɛhakye me mɛla nee me ngyehyɛlɛ ne mɔ mɔɔ menvale memanle me sonvolɛ Mosisi wɔ Hɔlɛbe kɛ ɔva ɔmaa Yizilayɛma amuala la.

⁵ “Mebazoa Nyamenle kpɔmanvolɛ Yilaegya bɛ nwo kolaa na Ɛdɛnkɛma kenle kpole anu ɛzulolɛ ne ara.

⁶Ɔbamaa selɛma ahulo bɛ mra na mralɛ ahulo bɛ ze mɔ; saa tɛ ye zɔhane a, anrɛɛ mebara na meamaa munzule ava azɛlɛ ye.”