Read Nzema Mak 16 Bible Online

Mak 16 - Nzema bible

Mak 16

¹Ɛnwomenlelielɛ Kenle ne pɛle nu la, Mɛle mɔɔ vi Magedala, nee Salome, yɛɛ Mɛle mɔɔ le Gyemise ɔ nli ne totɔle nyile ngakyile mɔɔ bɛfa bɛyɛ alufuanlɛ la, kɛ bɛfa bɛahɔwɔza Gyisɛse funli ne.

²Molɛ nwonlomɔ mangyee ne, mɔɔ ɛnee sɛnzɛne ne ɛdudu la, yɛɛ bɛhɔle sɛka ne azo a.

³Mɔɔ bɛlua adenle zo la, ɛnee bɛ edwɛkɛ a le kɛ, “Na nwane bɔbɔ a kɛhundo bolɛ ne mɔɔ nyi nla ne anloa la kɛmaa yɛ a?” (Bolɛ ne le kpole kpalɛ.) Na bɛmanle bɛ nye zo la bɛnwunle kɛ bɛhundo bolɛ ne dɛbadɛba.

⁵Bɛwolole nla ne anu na bɛnwunle kɛ kpavolɛ bie wula tɛladeɛ fufule de fema zo ɛkɛ ne, na bɛ ahonle dule.

⁶Na kpavolɛ ne zele bɛ kɛ, “Bɛmmamaa bɛ ahonle tu, meze kɛ bɛkpondɛ Gyisɛse mɔɔ vi Nazalɛte, mɔɔ bɛbɔle ye meanubaka nu la. Ɔnle ɛke, Nyamenle ɛdwazo ye! Bɛnlea, ɛke a bɛdole ye a.

⁷ Bɛhɔ na bɛhɔze Pita nee ɛdoavolɛma mɔɔ ɛha la kɛ yelumua bɛ nyunlu wɔ Galeli, na ɛkɛ ne yɛɛ bɛkɛnwu ye a, kɛmɔ ɔhanle ɔhilele bɛ la.”

⁸Mraalɛ ne mɔ vale anwowozolɛ nee azibɛnwo vile nla ne anu vindele na bɛnriandile bɛhɔle. Bɛambɔ zolɛ bɛangile awie biala, ɔluakɛ ɛnee bɛsulo. [

⁹Gyisɛse dwazole vile ewule nu Molɛ nwonlomɔ mangyee ne la, ɔlumuale ɔyele ɔ nwo ɔhilele Mɛle mɔɔ vi Magedala, mɔɔ ɔ nwo a ɔdule mbɔnsam nsuu ne la.

¹⁰Mɛle hɔbɔle ɛdoavolɛma ne mɔ amaneɛ. Ɛnee bɛlɛsu bɛabodo bɛ nwo;

¹¹yemɔti bɛdele kɛ Mɛle se Gyisɛse de aze na yenwu ye, noko bɛanlie bɛanli.

¹²Ɛhye anzi, Gyisɛse yele ɔ nwo wɔ adenle bie azo hilele bɛ nuhua nwiɔ, wɔ mekɛ mɔɔ ɛnee bɛlɛkɔ namule nu la.

¹³Bɛziale bɛrahanle bɛhilele menli mɔɔ ɛha la, noko bɛanlie bɛanli.

¹⁴Ɛhye mɔ amuala anzi, Gyisɛse yele ɔ nwo hilele ye ɛdoavolɛma bulu nee ko ne wɔ mekɛ mɔɔ ɛnee bɛlɛdi debie la, na ɔhwile bɛ nyunlu wɔ diedi mɔɔ bɛnlɛ ye, nee bɛ anzosesebɛ ne mɔɔ yemɔti bɛnlie bɛdabɛ mɔɔ bɛnwu ye kɛ ɔde aze la bɛnli la anwo.

¹⁵ Na akee ɔzele bɛ kɛ, “Bɛhɔ ewiade ahodoka muala anu na bɛhɔbɔ Edwɛkpa ne nolo bɛhile aleɛabo amra kɔsɔɔti.

¹⁶Awie biala mɔɔ kɛlie kɛli na bɛkɛzɔne ye la kɛnyia ngoane; na mɔɔ anlie anli la, bɛkɛbu ye ewule fɔlɛ.

¹⁷Bɛdabɛ mɔɔ bɛkɛlie bɛkɛli la, bɛbamaa bɛ tumi bɛamaa bɛayɛ nwanwane gyima mgbole: bɛbalua me duma nu bɛadudu mbɔnsam; bɛbahola bɛaha aneɛ ngakyile;

¹⁸saa bɛsɔ nwɔlɛ nu anzɛɛ bɛno pɔezen a, debie biala ɛnrɛyɛ bɛ. Bɛbava bɛ sa bɛagua wuleravolɛma anwo zo, na bɛ nwo baza.”

¹⁹ Awulae Gyisɛse nee ye ɛdoavolɛma ne dendɛle wiele la, bɛvale ye bɛhɔle anwuma na ɔhɔdɛnlanle Nyamenle asa fema zo.

²⁰Ɛdoavolɛma ne ziale hɔle na bɛhɔbɔle Edwɛkpa ne nolo wɔ ɛleka biala, na Awulae boale bɛ na ɔmanle bɛ sa anloa gyima hilele kɛ bɛ nolobɔlɛ ne le nɔhalɛ.][10]

²¹[11] [ 9 Na mraalɛ ne mɔ hɔle Pita nee ɛdoavolɛma mɔɔ ɛha la ɛkɛ ne hɔbɔle bɛ amaneɛ.

²²Ɛhye anzi, Gyisɛse ɔdaye ɔzoanle ye ɛdoavolɛma ne mɔ ɔmanle bɛvale Nyamenle ngoanelielɛ ne mɔɔ ɛnlɛ awieleɛ la anwo edwɛkɛ bɛhɔle ewiade amuala anu.]