Read ძველი ქართულით პირველი ნეშტთა 2 Bible Online

პირველი ნეშტთა 2 - ძველი ქართულით bible

პირველი ნეშტთა 2

¹და ესე არს სახელები ძეთა ისრაჱლისათა: რუბენ, სჳმეონ, ლევი, იუდა, იზაქარ, ზაბულონ,

²დან, იოსებ, ბენიამენ, ნეფთალიმ, გად, ასერ.

³ძენი იუდასნი: ერ და ავნან, სელომ და სამნი ესე ესხნეს მას სავასგგან, ასულისა ქანანელისა კაცისა. და იყო ერ, პირმშო იგი იუდასი, უკეთური წინაშე უფლისა, და მოაკუდინა იგი უფალმან.

⁴და თამარ, სძალმან მისმან, უშვა ფარეზ და ზარა. ყოველნი ესე ძენი იუდასნი ხუთ.

⁵ძენი ფარეზისნი: ესრომ და ამულ.

⁶და ძენი ზარასნი: ზამბრი, და ეთამ, და ემან, და ქალქოლ და დარა, ესე ყოველნი ხუთ.

⁷და ძენი ქარმისნი: აქარ, შემაძრწუნებელი ისრაჱლისა, და რომელმან თუალ-ახუნა შენარჩუენებსა.

⁸ძე ეთამისი: აზარია.

⁹და ძენი ესრომისნი, რომელნი ესხნეს მას: ერმეელ და რამ, ქალებ და ჰარამ.

¹⁰და არამ შვა ამინადაბ, ამინადაბ შვა ნაასონ, მთავარი სახლისა იუდასი.

¹¹და ნაასონ შვა სალმან, და სალმან შვა ბოოს.

¹²და ბოოს შვა იობედ, იობედ შვა იესე.

¹³და იესემ შვა ელიაბედ, პირმშო მისი, ამინადაბ მეორე, საამა მესამე,

¹⁴ნათანაელ მეოთხე, რადი მეხუთე,

¹⁵ასომ მეექუსე, დავით მეშვიდე

¹⁶და დაჲ მათი, სარუია, და აბიგია. და ძენი სარუისნი: იოაბ, და აბესა, და ასაელ, სამნი ესე.

¹⁷და აბიგეა შვა ამესია, და მამა ამესიასი იეთერ, ისმაიტელი.

¹⁸და ქალებ, ძემან ესრომისამან, შეირთო გაზუბა დედაკაცი და შვა იერიოთ, და ესე ძენი სამნი: იოასარ, სობაბ და ორნა.

¹⁹და მოკუდა გაზუბა, და შეირთო ქალებ ეფრათ, და უშვა მას ორ.

²⁰და ორ შვა ური. და ური შვა ბესელიელ.

²¹და ამისა შემდგომად შევიდა ესრომ ასულისა მის მაქირისა, მამისა გალაამისა. და ამან შეირთო იგი. და იყო სამეოცისა წლისა და უშვა მას სერგუბ.

²²და სერგუბ შვა იაირ, და იყუნეს ქალაქნი მისნი ოცდასამ გალაადს.

²³და დაიპყრეს გესურ და არამ დაბნები იარისი, და კანათი და დაბნები მისი, სამეოცი ქალაქი, ყოველი ძეთა მაქირისთა მამისა გალადისა.

²⁴და შემდგომად სიკუდილისა ესრომისა მოვიდა ქალებ ეფრათად და უშვა მას ასდოდ, მამა თეკვსისი.

²⁵და იყუნეს ძენი იერამელისნი, პირმშოსა ესრომისი: პირმშო რამ და ბაან. და ძენი გესონისნი: ადამა და ესაბამ, და ეთრან, და ქარან. და ძენი ასარისნი: ბალაამ, და აზუკამ, და ოვიკამ, და ოკამ, და არან, და ასომ, ძმა მისი.

²⁶და იყო ცოლი ირამელისი, და სახელი მისი ატარა; ესე არს დედა უონომისი.

²⁷და იყუნეს ძენი რამისნი, პირმშოსა იერემელისი: მაას, და იაბინ და აკორ.

²⁸და იყუნეს ძენი ენომისნი: სამა და იადაე. და ძენი სამაასნი: ნადაბ და აბისურ.

²⁹და სახელი ცოლისა მის აბისურისი აბიქეა, და უშვა მას ზაბარ და მოლიდა.

³⁰და ძენი ნაბადისნი: სალად და აფაიმ. და მოკუდა სალა, და არა ესუა მას შვილი.

³¹და ძენი აფაიმისნი: იესსი. და ძენი იესესნი: სოსან და ძე სოსანისი - აალი.

³²და ძენი ელიასნი, ძმისა აქისამისნი: იეთერ და იონათან. და მოკუდა იეთერ, და არა ესუა მას შვილი.

³³და ძენი იონათანისნი: ფელეთ და ოზამ. ესენი იყუნეს ძენი რამელისნი.

³⁴და არა ესხნეს სოსანს ძენი, არამედ ასულნი. და სოსანისი იყო მონა მეგჳპტელი, და სახელი მისი იოქელ.

³⁵და მისცა სოსან ასული თჳსი იექეელს, მონასა თჳსსა, ცოლად და უშვა ეთთი.

³⁶და ეთთი შვა ნათან და ნათან შვა ზაბედ.

³⁷და ზაბედ შვა ოფლალ, და ოფლალ შვა ობედ.

³⁸და ობედ შვა იევუდ, და იევუდ შვა აზარია.

³⁹და აზარია შვა ქელეს, და ქელეს შვა ელეასა.

⁴⁰და ელეასა შვა სოსომე, და სოსომე შვა სალუმ.

⁴¹და სალუმ შვა იექონია, და იექონია შვა ელისამან.

⁴²და ძენი ქალებისნი, ძმისა იერიმელისნი: მარსა, პირმშო მისი. ესე არს მამაჲ ზიფისა, და ძენი მარსასნი, მამისა ქებრონისნი.

⁴³და ძენი ქებრონისნი: კორეე და თაფ და როკომ და სემაა.

⁴⁴და სემაა შვა რემ, მამაჲ იერკანისი, და იერკან შვა სალამა.

⁴⁵და ძე მისი მეონ, მამა ბეთსურისი.

⁴⁶და გეფა, ხარჭმან ქალებისმან, შვა არრან და იოსან და გესუვი.

⁴⁷და ძენი იადანისნი: რეგემ და იოათამ და გერსომ და ფალეგ და გეფა და საგაფ.

⁴⁸და ხარჭმან ქალებისმან, მოქა, შვა სიბერ და თექნა.

⁴⁹და შვა საგაფ, მამაჲ მაგენისი, სულ, მამა მაქაებენასი და მამა ბალისი. და ასული ქალებისი - აქსაბ.

⁵⁰ესენი იყუნეს ძენი ქალებისნი: ძენი ორისნი, პირმშოსა ეფრათასნი, სობალ, მამაჲ კარიათიარიმისი,

⁵¹სალმონ, მამა ბეთელომისი, მამა ბეთლემონისი, არი, მამა ბეთეგოვრისი.

⁵²და ესხნეს ძენი სობალს, მამასა კარიათიმისსა, რომელი ხედვიდა ნაწილსა განსუენებისასა.

⁵³და ნათესავისაგან კარიათიმისა: ეთაილიმ, მეფითინ, სამათით, ემასარიმ, ამათგან გამოვიდეს სარათეველნი და ესთაულელნი.

⁵⁴ძენი სალომისნი: ბეთლემი და ნეტუფატი, ატაროთი, სახლისა იოაბისი და ზოგი მანაათისა - ესარა.

⁵⁵მამათა მწიგნობართა, რომელნი დამკჳდრებულ იყუნეს იაბესსა: აგათიმელნი და სუქმითელნი და სამათიმელნი. ესე არიან სახლნი, რომელნი მოვიდეს ემათით, მამისა სახლისა რექაბისნი.