Read ძველი ქართულით პირველი ნეშტთა 6 Bible Online

პირველი ნეშტთა 6 - ძველი ქართულით bible

პირველი ნეშტთა 6

¹და ძენი ლევისნი: გესრომ, და კაათ, და მერარი.

²და ძენი კათისნი: ამრამ და ისარ, და ქებრონ და ოზიელ.

³და ძენი ამრამისნი: აარონ, და მოსე და მარიამ. და ძენი აარონისნი: ნაბად, და აბიუდ, და ელიაზარ და ითამარ.

⁴ხოლო ელიაზარ შვა ფინეზ, და ფინეზ შვა აბისუე.

⁵აბისუე შვა ბოკე, ბოკე შვა ოზი.

⁶ოზი შვა ზარაია, ზარაია შვა მარეთ.

⁷მარეთ შვა ამარეა, ამარია შვა აქიტობ.

⁸აქიტობ შვა სადუკ, სადუკ შვა აქიმას.

⁹აქიმას შვა აზარია, აზარია შვა იოანა.

¹⁰და იოანა შვა აზარია - ესე მღდელობდა სახლსა ღმრთისასა მას, რომელი აღაშენა სოლომან იერუსალჱმს.

¹¹და აზარია შვა ამარია და ამარია შვა აქიტობ.

¹²და აქიტობ შვა სადუკ, და სადუკ შვა სელუმ.

¹³და სალუმ შვა ქელკია, და ქელკია შვა აზარია.

¹⁴და აზარია შვა სარეა, და სარეა შვა იოსედეკ.

¹⁵და იოსედეკ წარვიდა ტყუედ იუდას თანა იერუსალჱმს ჴელითა ნაბუქოდონოსორისათა.

¹⁶და ძენი ლევისნი: გაერსომ, და კაათ და მერარი.

¹⁷და ესე არს სახელები ძეთა გერსონისთა: ლობენი და სემი.

¹⁸და ძენი კაათისნი: ამრაამ და ისაარ, ქებრონ და ოზიელ.

¹⁹ძენი მერარისნი: მოოლი და ომუსი. და ესე არს ტომი ლევისი მამად ნათესავისაებრ მათისა,

²⁰გერსაონისი და ლობენისი, ძისა მისისა; იეთ, ძე მისი,

²¹იოაქ, ძე მისი; ადდი, ძე მისი; ზიმა, ძე მისი; ასტი, ძე მისი; იეთრი, ძე მისი.

²²ძენი კათრისნი: სარა, ძე მისი, კორე, ძე მისი, ასირი, ძე მისი,

²³ელკანა, ძე მისი; იაბი ასაფ, ძე მისი; ისირი, ძე მისი; ოზია, ძე მისი.

²⁴ტათი, ძე მისი; ურიელ, ძე მისი; და საულ, ძე მისი;

²⁵ძენი ელკანასი: ამასი და აქამოთ,

²⁶და ელკანა, ძე მისი, სუფი, ძე მისი, კანათ, ძე მისი;

²⁷ელიაბ, ძე მისი; იერომ, ძე მისი; ელკანა, ძე მისი;

²⁸და ძენი სამოელისნი: პირმშო მისი იოველ და მეორე აბია.

²⁹და ძენი მერარისნი: მოსოლი, ნაბარი და ლუბენი, ძე მისი, სემეი, ძე მისი, ოზია, ძე მისი.

³⁰საამა, ძე მისი, ანგა, ძე მისი, ასაია, ძე მისი.

³¹ესე არიან, რომელნი დაადგინნა დავით ჴელსა მგალობელთასა, სახლსა უფლისა ღმრთისასა, დაცხრომასა მას კიდობნისასა.

³²და იყუნეს ესენი მსახურ წინაშე კარავსა მას სახლისა საწამებელისასა სტჳრითა და ებნითა ვიდრე შენებადმდე სოლომონისსა ტაძრისა მის უფლისა იერუსალიმს, და დადგეს სამართლისაებრ მათისა მსახურებასა მათსა.

³³და ესენი, რომელნი დგეს, და ძენი მათნი ძეთაგანნი კაათისთანი, ძისა? ემან მეფსალმუნე, ძისა იოელისნი, ძისა სამუელისნი,

³⁴ძისა ელკანისი, ძისა იერემელისი, ძისა ელიელისი, ძისა თოვესი, ძისა სუფისი, ძისა ელკანასი, ძისა მაათისი, ძისა ამასიასი,

³⁵

³⁶ძისა ელკანასი, ძისა იოვდისი, ძისა აზარიასი, ძისა საფანისი.

³⁷ძისა თათისი, ძისა ასირისი, ძისა აბიასაფისი, ძისა კორესი,

³⁸ძისა ისაარისი, ძისა კაათისი, ძისა ლევისი, ძისა ისრაჱლისი.

³⁹და ძმა მისი ასაფ, რომელი დგა მარჯვენით მისა, ასაფ, ძე ბარაქიასი, ძე სამაასი,

⁴⁰ძისა მიქეელისი, ძისა მაასიასი, ძისა მექიასი,

⁴¹ძისა ათანისი, ძისა აზაარესი, ძისა ადაასი,

⁴²ძისა ურისი, ძისა ზამმასი, ძისა სემიისი,

⁴³ძისა იეთისი, ძისა გეთსონისი, ძისა ლევისი.

⁴⁴და ძენი მერარისნი, ძმანი მისნი, მარცხენით - ეთან, ძე კაინანისი, ძისა აბდისი, ძისა მალუქისი,

⁴⁵ძისა ასაბისი, ძისა ამესიასი, ძისა ქელკიასი,

⁴⁶ძისა ამასაისი, ძისა ბასანისი, ძისა სემერისი,

⁴⁷ძისა მოოლისი, ძისა ომოსისი, ძისა მერაარისი, ძისა ლევისნი,

⁴⁸და ძმანი მათნი სახლად და სახლად მამათა მათთა ლევიტელნი მიცემულ არიან ყოველსა საქმესა მსახურებისასა კარავისა სახლისა უფლისასა.

⁴⁹და აჰრონ და ძენი მისნი აკუმევდეს საკუმეველსა საკურთხეველსა მას ყოვლად დასაწველთასა და საკურთხეველსა მას საკუმეველთასა. და ყოველსა მას საქმარსა წმიდასა წმიდათასა და ლხინებად ისრაჱლისა ყოვლისა მისებრ, რაოდენი ამცნო მოსე, მონამან ღმრთისამან.

⁵⁰და ესე არიან ძენი აჰრონისნი: ელიეზერ, ძე მისი; ფინეზ, ძე მისი; აბისუ, ძე მისი;

⁵¹ბოკე, ძე მისი; ოზი, ძე მისი; ზარა, ძე მისი;

⁵²მერაოთ, ძე მისი; ამარიათ, ძე მისი; აქიტომ, ძე მისი;

⁵³სადუკ, ძე მისი; აქიმაან, ძე მისი.

⁵⁴და ესე არს დამკჳდრება მათი დაბნებსა მათსა და საზღვართა მათთა ძეთა აჰრონისთა და ტომთა მისთა კათიანთა, რამეთუ იგი იქმნა მთავარი მძლავრი.

⁵⁵და მისცეს მათ ქებრონი ქუეყანასა იუდასსა და გარემო ნათესავი მისი.

⁵⁶და ველნი ქალაქისანი და დაბნები მისი მისცეს ქალებს, ძესა იეფონესასა.

⁵⁷და ძეთა აჰრონისთა მისცეს ქალაქები იგი შესავედრებელი მეოტთა: ქებრონი და ლობნა. და გარემო სათესავი მისი და ესთამონი და გარემო სათესავი მისი და დელონი და გარემო სათესავი მისი.

⁵⁸და იეთერი და გარემო სათესავი მისი, დაბირი და გარემო სათესავი მისი.

⁵⁹და ასან და გარემო სათესავი მისი და ბეთსამუსი და გარემო სათესავი მისი, და ბეთერ და სათესავი მისი.

⁶⁰და ტომისაგან ბენიამენისა - გაბე და გარემო სათესავი მისი, და გალემოთი და გარემო სათესავი მისი, და ლაბეე და გარემო სათესავი მისი, და ანათოთი და გარემო სათესავი მისი და ანქოსი, და გარემო სათესავი მისი, ყოველი ქალაქები მათი ათცამეტ ქალაქ ტომთაებრ მათთა,

⁶¹და ძეთა კაათისთა, ნეშტთა ტომთაგან და ნათესავისაგანთა კერძოსა ნათესავისაგან მანასესისა ქალაქი ათ ნაწილად,

⁶²და ძეთა გეთსონისთა ტომთაებრ მათთა ტომისაგან ისაქარისა და ტომისაგან ასერისი და ტომისაგან ნეფთალიმისა და ტომისაგან მანასესა - ბასაანს შინა ქალაქები ათცამეტ,

⁶³და ძეთა მერარისათა ტომად-ტომადსა მათსა ნათესავისაგან რუბენისი, ნათესავისაგან გადისა, ნათესავისაგან ზაბულონისა - ნაწილად ქალაქები ათორმეტ.

⁶⁴და მისცეს ძეთა ისრაჱლისთა ლევიტელთა მათ ქალაქები ესე და გარემო სათესავი მათი.

⁶⁵და მისცეს ტომისაგან ძეთა იუდასა, ტომისაგან ძეთა სემიონისთა და ტომისაგან ძეთა ბენიამენისათა ქალაქები ესე, რომელთა ეწოდა სახელებითა.

⁶⁶ნათესავისაგან ძეთაგან კაათისთა და იყუნეს ქალაქნი საზღვართა მათთანი ტომისაგან ეფრემისა.

⁶⁷და მისცეს მას ქალაქნი შესავედრებელნი მეოტთანი: სჳქემი და გარემო სათესავი მისი საზღვართა ეფრემისთა, და გაზირი და გარემო სათესავი მისი.

⁶⁸და იკნამი და გარემო სათესავი მისი, და ბეთორონი და გარემო სათესავი მისი.

⁶⁹და ეგლომი და გარემო სათესავი მისი.

⁷⁰და გეთრემონი და გარემო სათესავი მისი, და ზოგისაგან ნათესავისა მანასესა - ენარი და გარემო სათესავი მისი, და იბლანმი და გარემო სათესავი მისი, ტომად-ტომად ძეთა კაათისთა ნეშტთა.

⁷¹და ძეთა გეთსონისთა: ტომად და ტომად კერძოსაგან ნათესავისა მანასესა - გავლონი ბასანით კერძო და გარემო სათესავი მისი, და რამუთი და გარემო სათესავი მისი,

⁷²და ტომისაგან ისაქარისა - კედესი და გარემო სათესავი მისი, და გადირი და გარემო სათესავი მისი,

⁷³და რამოთი და გარემო სათესავი მისი, და ანამ და გარემო სათესავი მისი,

⁷⁴და ნათესავისაგან ასერისა მასალი და გარემო სათესავი მისი და ოდონი და გარემო სათესავი მისი,

⁷⁵და იკაკი და გარემო სათესავი მისი, და როობი და გარემო სათესავი მისი,

⁷⁶და ტომისაგან ნეფთალიმისა - კედესენი გალილეას და გარემო სათესავი მისი და ქარმონი და გარემო სათესავი მისი და კარიათემი და გარემო სათვსავი მისი,

⁷⁷და ძეთა მერარისთა, ნეშტთა ნათესავისაგან ზაბულონისა - იეკომ და გარემო სათესავი მისი, და კადესი და გარემო სათესავი მისი, და რემონი და გარემო სათესავი მისი, და თობორა და გარემო სათესავი მისი,

⁷⁸და წიაღ იორდანესა და იერიქო, დასავლით იორდანესა, ნათესავისაგან რუბენისა - ბოსორი უდაბნოს და გარემო სათესავი მისი, და იასაა და გარემო სათესავი მისი,

⁷⁹და კადემოთი და გარემო სათესავი მისი, და მოფათი და გარემო სათესავი მისი,

⁸⁰და ნათესავისაგან გადისა - რამოთი გაალადისა და გარემო სათესავი მისი, და მანაიმი და გარემო სათესავი მისი,

⁸¹და ესებონი და გარემო სათესავი მისი, და იაზერი და გარემო სათესავი მისი.