Read ძველი ქართულით ფსალმუნნი 109 Bible Online

ფსალმუნნი 109 - ძველი ქართულით bible

ფსალმუნნი 109

¹ჰრქუა უფალმან უფალსა ჩემსა: დაჯედ მარჯუენით ჩემსა, ვიდრემდის დავსხნე მტერნი შენნი ქუეშე ფერჴთა შენთა.

²კუერთხი ძლიერებისა გამოგივლინოს შენ უფალმან სიონით, და უფლებდე შორის მტერთა შენთა.

³შენ თანა არს მთავრობაჲ დღესა ძლიერებისა შენისასა, ბრწყინვალებასა წმიდათა შენთასა; საშოთ მთიებისა წინა გშევ შენ.

⁴ფუცა უფალმან და არა შეინანოს: შენ ხარ მღდელ უკუნისამდე წესსა მას ზედა მელქისედეკისსა.

⁵უფალი მარჯუენით შენსა, შემუსრნა დღესა რისხვისა მისისა მეფენი.

⁶საჯოს წარმართთა შორის და აღავსოს მძორებითა, შემუსრნუს თავნი მრავალთანი ქუეყანასა ზედა.

⁷ნაღუარევისაგან გზასა ზედა სუას; ამისთჳს აღამაღლოს თავი.