Read ძველი ქართულით ფსალმუნნი 129 Bible Online

ფსალმუნნი 129 - ძველი ქართულით bible

ფსალმუნნი 129

¹ღრმით ამოღაღად-ვყავ შენდამი, უფალო;

²უფალო, შეისმინე ლოცვისა ჩემისა; იყვნედ ყურნი შენნი მორჩილ ჴმასა ვედრებისა ჩემისასა.

³უკუეთუ უსჯულოებათაებრ მიაგებდე, უფალო, უფალო, ვინმე დაუთმოს?

⁴რამეთუ შენ მიერ არს ლხნებაჲ. სახელისა შენისათჳს დაგითმე შენ, უფალო,

⁵დაუთმო სულმან ჩემმან სიტყუასა შენსა. ესავს სული ჩემი უფალსა

⁶საჴუმილავითგან განთიადისა მიმწუხრადმდე, საჴმილითგან განთიადისა

⁷ესევდინ ისრაჱლი უფალსა, რამეთუ უფლისა მიერ არს წყალობაჲ და მრავალ არს მის მიერ გამოჴსნა.

⁸და თავადმან იჴსნის ისრაჱლი ყოველთაგან უსჯულოებათა მისთა.