Read ძველი ქართულით ფსალმუნნი 135 Bible Online

ფსალმუნნი 135 - ძველი ქართულით bible

ფსალმუნნი 135

¹აუარებდით უფალსა, რამეთუ კეთილ, რამეთუ უკუნისადე არს წყალობაჲ მისი.

²აუარებდით ღმერთსა ღმერთთასა, რამეთუ უკუნისამდე არს წყალობაჲ.

³აუარებდით უფალსა უფალთასა, რამეთუ უკუნისამდე.

⁴რომელმან ქმნა საკჳრველნი დიდ-დიდნი მხოლომან, რამეთუ უკუნისამდე.

⁵რომელმან ქმნა ცანი გულისჴმის-ყოფით რამეთუ...

⁶რომელმან დაამტკიცა ქუეყანა წყალთა ზედა, რამეთუ...

⁷რომელმან ქმნა ნათელნი დიდ-დიდნი მხოლომან,

⁸მზე მფლობელად დღისა, რამეთუ უ...

⁹მთოვარე და ვარსკულავები ჴელმწიფებად ღამისა, რამეთუ...

¹⁰რომელმან დასცა ეგჳპტე პირმშოთურთ თჳსით, რამეთუ...

¹¹და გამოიყვანა ისრაჱლი შორის მისსა, რამეთუ...

¹²ჴელითა მტკიცითა და მკლავითა მაღლითა, რამეთუ...

¹³რომელმან განაპო ზღუაჲ მეწამული ორად და განიყვანა ისრაჱლი შორის მისა, რამეთუ უ...

¹⁴და შთასთხია ფარაო და ძალი მისი ზღუასა მას მეწამულსა, რამეთუ უ...

¹⁶რომელმან განიყვანა ერი თჳსი უდაბნოდ რამეთუ...

¹⁷რომელმან დასცნა მეფენი დიდ-დიდნი, რამეთუ...

¹⁸და მოსწყჳდნა მეფენი ძლიერნი, რამეთუ...

¹⁹სეონ, მეფე ამორეველთა, რამეთუ...

²⁰და ოგ, მეფე ბასანისა, რამეთუ...

²¹და მისცა ქუეყანა მათი სამკჳდრებელად, რამეთუ...

²²სამკჳდრებელად ისრაჱლსა, მონასა თჳსსა,

²³რამეთუ სიმდაბლესა შინა ჩუენსა მომიჴსენნა ჩუენ უფალმან, რამეთუ...

²⁴და მიჴსნა ჩუენ მტერთა ჩუენთაგან, რამეთუ...

²⁵რომელმან მოსცის საზრდელი ყოველსა ჴორციელსა, რამეთუ უ...

²⁶აუარებდით ღმერთსა ცათასა, რამეთუ...