Read ძველი ქართულით იესო ნავეს ძე 12 Bible Online

იესო ნავეს ძე 12 - ძველი ქართულით bible

იესო ნავეს ძე 12

¹და ესე მეფენი მის ქუეყანისანი, რომელ მოსრნა მოსე: და ძეთა ისრაჱლისათა დაიმკჳდრეს ქუეყანა მათი წიაღ იორდანესა მზის აღმოსავალით კერძო, ჴევითგან არნონით ვიდრე მთადმდე აერმონდ და ყოველი არაბიაჲ აღმოსავალით კერძო.

²სეონ მეფე ამორეველთა, რომელ დამკჳდრებულ იყო ესებონს შინა, რომელ უფლებდა აროჱრითგან, რომელ არს ჴევსა შინა არნონისასა საშუვალ ჴევსა, და ზოგი გალადისაჲ ვიდრე იაბოკდმდე, საზღვარნი ძეთა ამონისთანი.

³და არაბიაჲ მისაზღვარადმდე, არაბად ზღუასა მარილოვანსა აღმოსავალით გზასა ისიმოთისასა, თემანსა ქუეშე ასიდოთს ფაგას.

⁴და ოგ, მეფე ბასანისა, დაშთომილ იყო გმირთაგანი, რომელ მკჳდრ იყო ასტაროთს შინა.

⁵მთავარი იყო ერმონით და სელქაჲთგან და ყოველი ბანაკი ვიდრე საზღვრადმდე გესორისა და მაქატი, და ზოგი გალაადისა საზღვარი სეონ მეფისა ესებონისანი.

⁶მოსე, მონამან უფლისამან, და ძეთა ისრაჱლისათა მოსრნეს იგინი. და მისცა იგი მოსე ნაწილად რუბენს, და გადს და ზოგსა ნათესავსა მანასესა.

⁷და ესე მეფენი ამორეველნი, რომელნი მოსრნა ისო და ძეთა ისრაჱლისათა წიაღ იორდანესა ზღუასა თანა ბაალგადს, ველსა ზედა ლიბანისასა ვიდრე მთადმდე ალუგისად აღმავალთასა სეირად და მისცა იგი ისო ნათესავთა ისრაჱლისათა სამკჳდრებელად ნაწილად მათა.

⁸მთათა შინა და ველთა, და არაბიას შინა და ესედოთს შინა და უდაბნოსა ზედა და ნაგებსა შინა ქეტელი და ამორეველი და ქანანელი... და ფერეზელი და ეველი და იებოსელი.

⁹მეფე იერიქოჲსაჲ მეფჱ გაისა, რომელ არს მახლობელად ბეთელსა.

¹⁰მეფჱ იჱრუსალემისაჲ, მეფჱ ქებრონისაჲ,

¹¹მეფჱ იერიმოთისაჲ, მეფჱ ლაქისაჲ,

¹²მეფჱ ეგლომისაჲ, მეფჱ გაზერისაჲ,

¹³მეფჱ დაბირისაჲ, მეფჱ გარედისაჲ,

¹⁴მეფჱ ერმაისაჲ, მეფჱ არედისაჲ,

¹⁵მეფჱ ლებნაისაჲ, მეფჱ ოდოლამისაჲ,

¹⁶მეფჱ მაკედასაჲ, მეფჱ თაფფოჲსაჲ,

¹⁷მეფჱ ოფერისაჲ, მეფჱ აფეკისაჲ,

¹⁸მეფე ასურისაჲ, მეფჱ სამბონისაჲ,

¹⁹მეფჱ მარონისაჲ, მეფჱ აქსაფისაჲ,

²⁰მეფჱ თანაქისაჲ, მეფჱ მაგედონისაჲ,

²¹მეფჱ კედჱსაჲ, მეფჱ იეკონამ,

²²ქერმევისაჲ, მეფჱ დორ

²³ნაფეთდორისაჲ, მეფჱ გოიმისაჲ,

²⁴მეფჱ თერსაჲსაჲ, ყოველნი ესე მეფენი ოცდათერთმეტ.