Read O Debleskro Drom - I Bibla an o Romano Rakepen 2021 Nehemia 7 Bible Online

Nehemia 7 - O Debleskro Drom - I Bibla an o Romano Rakepen 2021 bible

Nehemia 7

¹Un har i massuri tardo his, un me o wudja dren tchiwom, was kol murshen pengri budi dino, kai pash i wudja jak hunte dan, ninna i gipangren un i Levitarjen.

²Un me tchiwom dui pralstunen pral o foro Jerusalem, miro phrales, o Hanani, un o Hananja, kai o pralstuno lurdo pral o lurdengro kheer his. Job his i mursh o labestar, un djiwas jaake o Debleha har gar bud wawar.

³Un me penom ap lende: “I bare foreskre wudja wenn gar pre kerdo jaake rah o kham gar pral ap o bolepen tardo hi. Un kol wudja hunte wenn pandlo un klido sorele kashtentsa jaake rah har o kham gomme ap o bolepen diklo well. Un mursha hunte wenn win rodedo dran kolende, kai an Jerusalem djiwenn, te denn le jak ap o foro. Kol jek wenn tardo kote, kai lenge penlo well. Un kol wawar denn jak trul pengre khera trujel.”

⁴O foro Jerusalem his baro un buchlo, un gar bud menshe djiwan kote, un kek khera his koi.

⁵Un miro Dewel das man an o dji, te dom khetne gole i pralstunen un tchatchepangre murshen, un lauter, kai kote djiwan, te wenn lengre laba pre tchinlo, hakeno pash peskri familja. Un me hatsom o familjakro liil kolendar, kai i glanstune his, kai pale wan. An ko liil his tchinlo:

⁶Kalla hi kol menshe, kai an o them Juda djiwenn. Kolla wan pale dran o pandepen, kai o baro rai pral Babilonia, o Nebukadnezar, len krik anas. Kolla wan pale pale an o foro Jerusalem un an o them Juda, hakeno an peskro foro.

⁷Jon wan khetne kol murshentsa Serubbabel, Jeshua, Nehemja, Asarja, Raamja, Nahamani, Mordokai, Bilshan, Misperet, Bigwai, Nehum, un Baana. Kolla hi i laba kol familjendar, kai wan pale an Israel un kitse mursha an lende his:

⁸o kheer Parosh: 2.172 (dui-serja-jek-sheel-te-efta-deesh-te-dui);

⁹o kheer Shefatja: 372 (triin-sheel-te-efta-deesh-te-dui);

¹⁰o kheer Arach: 652 (shob-sheel-te-pantch-deesh-te-dui);

¹¹o kheer Pahat-Moab, kol tchawendar o Jeshua un o Joab: 2.818 (dui-serja-ochta-sheel-te-deesh-te-ochta);

¹²o kheer Elam: 1.254 (jek-sero-dui-sheel-te-pantch-deesh-te-star);

¹³o kheer Sattu: 845 (ochta-sheel-te-star-deesh-te-pantch);

¹⁴o kheer Sakkai: 760 (efta-sheel-te-shob-deesh);

¹⁵o kheer Binnui: 648 (shob-sheel-te-star-deesh-te-ochta);

¹⁶o kheer Bebai: 628 (shob-sheel-te-biish-te-ochta);

¹⁷o kheer Asgad: 2.322 (dui-serja-triin-sheel-te-biish-te-dui);

¹⁸o kheer Adonikam: 667 (shob-sheel-te-shob-deesh-te-efta);

¹⁹o kheer Bigwai: 2.067 (dui-serja-te-shob-deesh-te-efta);

²⁰o kheer Adin: 655 (shob-sheel-te-pantch-deesh-te-pantch);

²¹o kheer Ater, o tchawestar Hiskija: 98 (enja-deesh-te-ochta);

²²o kheer Hashum: 328 (triin-sheel-te-biish-te-ochta);

²³o kheer Bezai: 324 (triin-sheel-te-biish-te-star);

²⁴o kheer Harif: 112 (jek-sheel-te-deesh-te-dui);

²⁵o kheer Gibeon: 95 (enja-deesh-te-pantch);

²⁶dran i forja Betlehem un Netofa: 188 (jek-sheel-te-ochta-deesh-te-ochta);

²⁷dran o foro Anatot: 128 (jek-sheel-te-biish-te-ochta);

²⁸dran o foro Bet-Asmawet: 42 (star-deesh-te-dui);

²⁹dran i forja Kirjat-Jearim un Kefira un Beerot: 743 (efta-sheel-te-star-deesh-te-triin);

³⁰dran i forja Rama un Geba 621 (shob-sheel-te-biish-te-jek);

³¹dran o foro Michmas: 122 (jek-sheel-te-biish-te-dui);

³²dran i forja Betel un Ai: 123 (jek-sheel-te-biish-te-triin);

³³o wawar kheer Nebo: 52 (paash-sheel-te-dui);

³⁴o wawar kheer Elam: 1.254 (jek-sero-dui-sheel-te-pantch-deesh-te-star);

³⁵o kheer Harim: 320 (triin-sheel-te-biish);

³⁶dran o foro Jericho: 345 (triin-sheel-te-star-deesh-te-pantch);

³⁷dran i forja Lod un Hadid un Ono: 721 (efta-sheel-te-biish-te-jek);

³⁸o kheer Senaa: 3.930 (triin-serja-enja-sheel-te-trijanda);

³⁹I rashaja: o kheer Jedaja dran o kheer Jeshua: 973 (enja-sheel-te-efta-deesh-te-triin);

⁴⁰o kheer Immer: 1.052 (jek-sero-te-pantch-deesh-te-dui);

⁴¹o kheer Pashur: 1.247 (jek-sero-dui-sheel-te-star-deesh-te-efta);

⁴²o kheer Harim: 1.017 (jek-sero-te-deesh-te-efta);

⁴³I Levitarja: dran i khera Jeshua, Kadmijel, Binnui un Hodawja: 74 (efta-deesh-te-star);

⁴⁴dran o kheer Asaf: 148 (sheel-te-star-deesh-te-ochta); kolla his gipangre;

⁴⁵dran i khera Shallum, Ater, Talmon, Akkub, Hatita un Shobai: khetne 138 (jek-sheel-te-trijanda-te-ochta); kolla dan jak ap o foreskre wudja;

⁴⁶I familje, kolendar i mursha wan, kai budran an o Debleskro kheer: Ziha, Hasufa, Tabbaot,

⁴⁷Keros, Sia, Padon,

⁴⁸Lebana, Hagaba, Salmai,

⁴⁹Hanan, Giddel, Gahar,

⁵⁰Reaja, Rezin, Nekoda,

⁵¹Gasam, Usa, Paseach,

⁵²Besai, Meunim, Nefusim,

⁵³Bakbuk, Hakufa, Harhur,

⁵⁴Bazlut, Mehida, Harsha,

⁵⁵Barkos, Sisera, Temach,

⁵⁶Nezjach un Hatifa.

⁵⁷I familje kolendar, kai budran o baro rajeske Salomo: Sotai, Soferet, Perida,

⁵⁸Jaala, Darkon, Giddel,

⁵⁹Shefatja, Hattil, Pocheret-Zebajim, un Amon.

⁶⁰I tsele budepangre, kai budran an o Debleskro kheer un kolla, kolengre phure o Salomeske budran, his khetne 392 (triin-sheel-te-enja-deesh-te-dui).

⁶¹Un koi his ninna menshe, kai khetne i Israelitarja pre wan dran Tel-Melach, un dran Tel-Harsha, un dran Kerub-Addon, un dran Immer. Jon nai penan gar, dran hawo dadengro kheer jon hi, un te hi lengre menshe dran o Israel.

⁶²Kolla his i familje Delaja, Tobija, un Nekoda. Khetne his le 642 (shob-sheel-te-star-deesh-te-dui) mursha.

⁶³Mank i rashaja his sawe, kai nai hatsan gar pengro familjakro liil. Kolla his i familje Habaja, Hakkoz un Barsillai. O phuro dad i familjatar Barsillai las i tchai ko murshestar Barsillai dran Gilead, un was pal koleskro lab kharedo. Un har sikran le nai gar, hawe menshendar jon hi, nai atchan le gar rashaja.

⁶⁴

⁶⁵Un ko moskro penas lenge, te nai chan le gar o chapen, hoi kokres i rashajenge his, jaake rah bis te i rashai was un win hatsas, hoi i barra Momeli un Tchatchepen[3] pral kau koowa penan.

⁶⁶Un i tsele Israelitarja, kai wan khere dran pengro pandepen, his khetne 42.360 (star-deesh-te-dui-serja-triin-sheel-te-shob-deesh) menshe.

⁶⁷Win lino his lengre budepangre. Kolla his 7.337 (efta-serja-triin-sheel-te-trijanda-te-efta) mursha un djuwja. Koi pashel wan lengre gipangre: 245 (dui-sheel-te-star-deesh-te-pantch) mursha un djuwja.

⁶⁸Un len his 736 (efta-sheel-te-trijanda-te-shob) graja, 245 (dui-sheel-te-star-deesh-te-pantch) maultikre burike, 435 (star-sheel-te-trijanda-te-pantch) khamele, un 6.720 (shob-serja-efta-sheel-te-biish) burike[4].

⁶⁹Un mank kolende, kai his i pralstune pral pengre familje, his sawe, kai dan pendar lowe un wawar koowa o Debleskro khereske. Ko moskro das 1.000 (jek-sero) sonakangre lowe un 50 (paash-sheel) tchare, un 530 (pantch-sheel-te-trijanda) rashajengre baja.

⁷⁰Un wawar pralstune dan 20.000 (biish-serja) sonakangre lowe un 1.100 (jek-sero-te-jek-sheel) kilogramme rup.

⁷¹Un kol wawar menshe dan khetne 20.000 (biish-serja) sonakangre lowe un 1.000 (jek sero) kilogramme rup un 67 (shob-deesh-te-efta) rashajengre baja.

⁷²Un lauter djan an pengre forja, te djiwenn le kote: I rashaja un i Levitarja, kolla, kai ap o foreskre wudja jak dan, i gipangre, wawar menshe, kolla kai an o Debleskro kheer budran, un i tsele Israelitarja.