Read O Debleskro Drom - I Bibla an o Romano Rakepen 2021 Ester 10 Bible Online

Ester 10 - O Debleskro Drom - I Bibla an o Romano Rakepen 2021 bible

Ester 10

¹Un o rai Ahasveros tchiwas ap o them un ap i panjengre themma i sijaan, hoi i menshe hunte plaissrenna.

²Ko tselo baro railo koowa, hoi lo kras un leskri soor pral kol bud themma, kowa hi tchinlo an i familjakro liil kol bare rajendar pral o them Media un Persia. Kote hi ninna tchinlo, har o baro rai o Mordekajes hadas un bares kras,

³jaake te was o biboldo Mordekai o duito pal o baro rajeste Ahasveros. Un job his baro pash i biboldende un latches an-diklo pash i tsele biboldende. Job rodas o latchepen lenge un rakras, hoi leskre menshenge ko feteder his.