Read O Debleskro Drom - I Bibla an o Romano Rakepen 2021 Debleskri gili 122 Bible Online

Debleskri gili 122 - O Debleskro Drom - I Bibla an o Romano Rakepen 2021 bible

Debleskri gili 122

¹I gili o Davidestar te giwell ap o drom an Jerusalem. Miro dji giwas, har jon penan: Mer djah pash o baro Debleskro kheer.

²Kanna hi mare herja tardo an o bare wudja o forestar Jerusalem.

³Jerusalem hi i sorelo kerdo foro, kai i menshe khetne wenna.

⁴Kote djan bud menshe pre, kol tsele menshe, kai o baro Debles an-mangenn. Kote sharenn le les, jaake har job lenge penas.

⁵Kote hi beshdo ap pengre rajengre beshepangre kol bare raja, kai wenna dran o kheer David, te rakrenn le o tchatchepen win pral i menshende.

⁶Mangenn o Deblestar i bacht pral o foro Jerusalem un penenn: “Kolenge, kai kamenn tut, Jerusalem, mu djal mishto!

⁷Kek kurepen te well an tute! An tire shukar khera te well brawlepen!”

⁸Kamau, te djal mishto mire phralenge un malenge. Doleske penau: “Mu well kek kurepen an o foro!”

⁹Kote hi maro baro Debleskro kheer tardo. Doleske mangau maro Debles, te djal lauter mishto i menshenge an Jerusalem.