Read O Debleskro Drom - I Bibla an o Romano Rakepen 2021 Debleskri gili 15 Bible Online

Debleskri gili 15 - O Debleskro Drom - I Bibla an o Romano Rakepen 2021 bible

Debleskri gili 15

¹I gili o Davidestar. Baro Dewel, koon nai well an tiro kheer? Kones mukeh tu ap koi berga te djiwell, kai tu khere hal?

²Koles kokres, kai i djudjo djipen djiwell, un hako tsiro krell, hoi tchatcho hi. Kowa, kai kek chochepen rakrella,

³witar kek djunglepen pral jekeste penella. Kowa, kai peskro maleske kek tchilatchepen krella, un kolen gar praassella, kai pash leste djiwenna.

⁴Kowa, kai hadell gar kolen, kai kowa krenna, hoi o baro Dewel gar kamella, Na-a, job hadell kolen, kai o baro Debleha djiwenna. Job krell, ap hoi job pes sowel das, ninna te well kowa leske phares.

⁵Te patsas lo peskre lowe, lell lo gar budeder lowe pale. Ninna te denn le les shukar koowa, anell lo kek chochepen ap koleste, kai kek tchilatchepen kras. Koon jaake djiwella, kowa hi soreles tardo an peskro djipen.