Read O Debleskro Drom - I Bibla an o Romano Rakepen 2021 Debleskri gili 20 Bible Online

Debleskri gili 20 - O Debleskro Drom - I Bibla an o Romano Rakepen 2021 bible

Debleskri gili 20

¹I gili o rajeske pral i gipangre. O David kras kai gili.

²Mangau o baro Debles, o Jakobeskro Debles, te shunell lo tut ap o diwes, kai i bibacht pral tute well. Mu rikrell job peskro wast pral tute!

³Mu well lo dran leskro kheer ap tiri rig! Un dran o foro Zion bitchrell lo tuke soor!

⁴Mu bistrell lo kek latcho koowa, hoi tu leske anal, un dikell latches ap kol viechen, hoi tu leske chatchral!

⁵Mu dell lo tut lauter, hoi tiro dji kamella, un krell, te djal tuke lauter mishto, hoi tu tuke glan lal!

⁶Palle kamah mer te giwell i bachtjatar. Un sharah maro Debles un hidjrah o themeskri plachta[12], te sikras, kai job tut soreles kras pral kolende, kai kuran pen tuha. O baro Dewel mu dell tut lauter, hoi tu lestar mangeh!

⁷Kanna djinau, kai well o baro Dewel ap i rig kolestar, koles job win rodas, te well lo baro rai. Dran o bolepen, kai job khere hi, shunell lo ap leste, un peskri bari sorjah well lo ap leskri rig.

⁸Wawar menshe patsenna ap i soor pengre grajendar un wurdja. Mer dah gole ap maro baro Debleste.

⁹Jon hi kolla, kai phagenn khetne un perenn. Mer atchah tardo un dah gar palla.

¹⁰Baro Dewel, ab o baro rajeske ap i rig! Mu shunell lo men ap o diwes, kai dah ap leste gole!