Read O Debleskro Drom - I Bibla an o Romano Rakepen 2021 Debleskri gili 23 Bible Online

Debleskri gili 23 - O Debleskro Drom - I Bibla an o Romano Rakepen 2021 bible

Debleskri gili 23

¹I gili o Davidestar. O baro Dewel dell jak ap mande har i bakrengro dell jak ap peskre bakre. Man hi lauter, hoi man hunte well djipaske.

²Job mukell man tele te tchiwell ap i phub pherdo senlepen, un anell man pash latcho pani.

³Job dell miro djipen newi soor. Job anell man ap o tchatcho drom, jaake har job peskro lab koi pre das.

⁴Ninna te nashau me mashkral i tamli tala, darau me glan kek bibacht. Tu hal pash mande. Tiro kashteha aneh tu man pale, un rikreh i diwje viechen mandar krik, jaake hunte trashap gar.

⁵Glan i jaka kolendar, hoi mange tchilatchepen kamenn, tchiweh tu mange latcho chapen pre. Miro shero makeh o djeteha, hoi mishto sungella. Miro khoro nashella pral.

⁶Tchatchepah, tiro latchepen djal mange palla, un hako diwes kreh tu tiro dji mange pre, jaake rah, har me djiwau. Un me atchau an o baro Debleskro kheer hako tsiro.