Read O Debleskro Drom - I Bibla an o Romano Rakepen 2021 Kamlepaskri gili 4 Bible Online

Kamlepaskri gili 4 - O Debleskro Drom - I Bibla an o Romano Rakepen 2021 bible

Kamlepaskri gili 4

¹Har shukar hal tu, hejo! har shukar hal! Tire jakentsa dikeh latches win har i tauba pal tiro diklo! Tire balla hi har kale busja, kai stenn tele i berga Gilead.

²Tire danda hi parno har bakre, kai wan newes tchinlo un thodo. Tire tsele danda hi shukar tardo; un i tsele pralstune danda un telstune danda hi koi.

³Har i loli dori hi tiro mui, un tiro rakepen hi kamlo. Lolo har i phabi hi tire tchamja pal tiro diklo.

⁴Har o Davideskro turmo, barra ap barra pre-tchiddo, un serja shilte an-pandlo, jaake shukar hi tiri meen kol werkjentsa, hoi hi trujel pandlo jek pral o wawar.

⁵Tire dui tchutchja hi har dui terne wesheskre busja, kai hi tchiddo mank i lilja.

⁶O diwes te djal peske un i rati well, kamau pash tire berge te djal, hoi jaake latcho sungenna.

⁷Halauter ap tute hi shukar, hejo! Un kek djunglepen hi ap tute.

⁸Ab mantsa, miri pirni! Muk o Libanon, ab mantsa! Ab tele i berge, kai hi jaake dur mandar, — kol berge Amana, Senir un Hermon! Naash krik kotar, kai i lewe djiwenn, un i bare diwje margodje pen khatrenn!

⁹Tu tchoral mange miro dji, hejo, miri pirni. Tu tchoral mange miro dji tire jakentsa, har dikal ap mande, un jek werkliah, hoi trul tiri meen pandlo hi.

¹⁰Har shukar hi tiro kamlepen, hejo, miri pirni! Har bud kope shukeder hi tiro kamlepen har mool! Un tiro sungepaskro djet hi feteder har i tsele wawar latche djeta.

¹¹Miri pirni, tire tchumma hi har gwin, gudlo har gwin un thud. Un tire koola, hoi ap tute hi, sungenna latches har o Libanon sungella.

¹²Hejo, miri pirni, tu hal har i baar[4], kai o wudar pandlo hi, awa har i baar, har i brunna pandlo i tsele wawarenge.

¹³Har i baar hal tu pherde ruka gudle phabjentsa, un rukengre, hoi mishto sungenna, un o chapen latches krenna: Henna un Narda, Safrano, gudlo sungepaskro khass un Zimto, Weihrauch, Myrrhe un Aloe, halauter latche kashta un patria.

¹⁵I pani, hoi an i baar nashella hal tu, i djido pani, hoi dran o Libanon tele nashella.

¹⁶Ab, tu phurdepen, ab fun serwes un ab fun tchatches, un phurde an miri baar, te djal o latcho sungepen an miri baar pre! Miro pirno mu well an peskri baar, un chal lakre latche phabja!