Read O Debleskro Drom - I Bibla an o Romano Rakepen 2021 Jeremia 45 Bible Online

Jeremia 45 - O Debleskro Drom - I Bibla an o Romano Rakepen 2021 bible

Jeremia 45

¹An o starto bersh, har o Jojakim, koleskro dad o Josia his, o baro rai pral o them Juda his, tchinas o Baruch, koleskro dad o Nerija his, halauter an i liil, hoi o Debleskro rakepaskro, o Jeremia, leske penas. Koi penas o Jeremia ap o Baruch:

²O baro Dewel, ko rai pral o bolepen un i phub, kai o Israeleskro Dewel hi, penell pral tute:

³Tu peneh: Me bibachtelo! Har das man o baro Dewel ropen un duk an miro djipen! Me rowau man khines un hatsau kek sopen.

⁴Pen leske: Kowa penell o baro Dewel: Dik, miro them, hoi me bares krom, kowa krau me paash. Mire menshe, kolendar i natsjona krom, tradau win dran o them.

⁵Un tu kameh tuke baro koowa? Wals feteder te kamess tchi! Me mukau bibacht te well pral i tsele menshende, penell o baro Dewel. Tu atcheh djido, kai tu ninna djah, ninna te atchell tuke tchi har tiro djipen.