Read O Debleskro Drom - I Bibla an o Romano Rakepen 2021 Hesekijel 15 Bible Online

Hesekijel 15 - O Debleskro Drom - I Bibla an o Romano Rakepen 2021 bible

Hesekijel 15

¹Un o baro Dewel penas ap mande:

²Tu, mensho, pen mange: Hi o kasht i drakengro rukestar feteder har o wawar kasht dran o weesh?

³Well lo lino, te krell jek tchomone lestar? Nai well lo an i massuri dino, te pandell jek tchomone ap leste?

⁴Na-a, i drakengro kasht well an i jag witsedo, te well lo chatchedo. Te chatchras o glanstuno kotar un o palstuno kotar lestar un kowa mashkral hi an-chatchedo, hi lo gomme tchomone moldo?

⁵Na-a! Har his ko kasht gomme tseles, nai kras kek tchomone lestar. Kanna, kai hi lo chatchedo, hi lo budeder tchi-moldo.

⁶Doleske penell o baro Dewel, maro rai: Jaake har krom, te hi o drakengro kasht tchi wawareske moldo, har te well lo chatchedo, jaake krau ninna kolentsa, kai djiwenn an o foro Jerusalem.

⁷Me dikau tchilatches ap lende, un dau len pengri phagi: Bis kanna wan le dran i jag win. Kanna well i jag pral lende, un chatchrenn len pre. Koi pre dikenn un haiwenn tumer, te hom me o baro Dewel.

⁸Me krau, te well o them i mulo them. Kowa krau doleske, kai phagan le mantsa, penell o baro Dewel, maro rai.