Read Oksapmin Hibru 5 Bible Online

Hibru 5 - Oksapmin bible

Hibru 5

¹Got oh Mama han oh hanat bok han ha hatinoh napor ma kis nahapat oh hanip diradirnong kis nahapatmur. Hanip diradirnong ma kis nahapat oh Got ohe patnong meng pisayao Got ohe meng oh dire patinong napopriyao dire er da hat saperhan Got oh heisup nahat napapat da ayah matinmat apop sum atendeiyao hen han bap oh hanip diradirnong hanat bok han bapo rim tit han tit han Got oh kis nahapatmur.

²Ama kis nahapat han oh hanip kakdah er han bap diradirnong hanat bok han nahapat ohoh ihan dir hanhan ham er hat sayahanoh oh hanip tap bap diradir gapa ham er hat saya ma hapat daham ama hanat bok han ohdapat hanip tap bap diradirnong manap da tei orhor napanggeipatmur.

³Oh hanip tap bap dir ohoh ihan oh Noh er hat sapat sa. Ihir er hat sapti sa daham Got ohnong apop sum atendeipatmur.

⁴Hanat bok han ham ma tamreipti oh winsi han hamwi tamreiptimur. Ama winsi han ham ma tamreipti oh hanip diradir Noh winsi han ham ihat tamreinpora na dahaptimur. Got orhor Eron ohnong Go hanat bok han ham winsi han ham tamreindina por ma kis matipru mat orhor dirnonghe winsi naham ama ohe tamreindin hanat bok han naham kis nahapatmur.

⁵Krais ohe ma ihtiphe orhe da orhor Noh norhe winnong daptuhura hanat bok han hatpora daham dire hanat bok han na hatipmur. Itap orhor win adaptuhura hanat bok han hatina por kis matipmur. Ma kis matip ohe meng oh mamaru hat patmur.Go Got norhe monmur. Gin ire kintei Moh norhe erer datipra han mon ohmur rimur. ritporhan brak matpamur.

⁶Tit orhe boknong matporhan brak matpa meng oh mamaru hat patmur.Go Merkisedek oh dipwi hanat bok han hat ma patesuhru hat pat han ohe tan gin gononghe ihat eimat patepra hanat bok han nahahmur. ritporhan brak matpamur.

⁷Ama kis matip han Jisas oh hanip ham kakdah moh patim nohnong niyarit haputiprarim at Got oh napanggeitin han hat patwa daham itap orhornong yimat tit orhor dahamar patesuhmur. Imat dahamar patin itap oh Norhe mon moh orhe danong na hat pat ma hapat. Norhe hrepdapat hat patim dahanahapat ma hapat. Ihan noh ohe meng amratpora daham panggeit paptesuhmur.

⁸Oh Got orhe brer hat patesuh orhor itap ohe meng amram dindeipatdapat orhe boknong batbet datipmur. Darpat ama batbet dar ohe pe oh itap orhe meng amram pomat dimtin ohe da oh pomat am hatipmur. Am hama itap ohe danong dimtin ohe da oh na hatip hama yah mat orhorwi dimtipmur.

⁹Dapsi mat yah mat orhorwi dimtip han ohoh ihan hanip dir orhe meng amram dimtipera ma dahapti dirnong eimat yah hat paten ohe dasi nahen ohe duuptei han hat patmur.

¹⁰Hat patin Got oh Go Merkisedek ohe tan hanat bok han ham patenmur por kis mat papatmur. Brer brip ihir non dapti ire da hatin hat pati ohe meng oh

¹¹Mama meng moh ruumsan pat orhor Gur kapkap na daham da hut pati ohoh ihan gurnong noh kinmat ruumsan meng naporit dahatiprohe.

¹²Gure kapkap na daham da hut pati oh mama ohmur. Gurnong meng moh naporiptin gur am ham ihirnong am matin dik hah orhor gur kopen ma duup mar naporiya mengnong oh gur kopen na dahat patimur. Kopen na dahat pati ohoh ihan kopen duup mar naporiya meng orhorwi naporin dawi hat patimur. Ihat ma pati oh brer ire ga maras kasip den daptiru na hat patimur. Gur kopen non dapti ire tan hat patimur.

¹³Gur non dapti ire da hatin hat ma pati oh ihsen ire da hatin hat patim yah hat son ohe danong oh gur pomat na am hat patimur.

¹⁴Hanip yah ihirwi kasip den oh daptimur. Ihat kasip den ma dapti bap ihir dipwi ersi yahsi sama daham yah hat am hat patimur.