Read Oku 3Jn 1 Bible Online

3Jn 1 - Oku bible

3Jn 1

¹Ŋwaale yin lòò se chɛɛ wel yɛ mɛ, nɛ mɛ nyake se wɛ sun ə yom Gaius, mɛ koŋe wɛ se əbluuy.

²Sun ə yom, mɛ jeme ge wɛ̀ yɛ lu əbghun əbtaa, nɛ əbnəə viɛ əbjime nduu ɛ mbiy; mɛ ke ge ke lu kejuŋ nɛ keyioy ə kiɛ.

³Mɛ nè lô se saŋle naa se ŋaŋ ka ghone-nyii ɛlee nè gwiyen è suuy se mɛ ge wɛ̀ lu nɛ wɛ̀ fo ɛytem è se nɛɛy kɛn kenəə ke əbluuye gese chii ɛ jii əbluuy.

⁴Kenəə wiy kɛ lòó mɛ chɛkle ɛ ŋaŋ chia kɛ mɛ yion ge ghon ə ghome jumte əbluuy.

⁵Sun ə yom, mɛ ke ge wɛ̀ lu nɛ wɛ̀ fo ɛytem se yɛ giamtene ghone-nyii, naa ɛ ŋaŋ ɛ ŋaŋ ghii ghɛ luun əbngwiy.

⁶Ghene suŋnen se kenone ghel ɛbeemene kum ɛykoŋ yɛ wɛ̀ dinen se ghene, ko mom se ghiamtene ghene ɛ ghene yɛ jɛl ɛ jii yɛ Feyine kɛŋen.

⁷Lu bek kenəə Jesus Christ kɛ ghene ne loo ndu ɛyjɛl nɛ̂ yin è jia se kɛŋe ɛygiamten se ghel ghɛ ɛ́ bɛɛy ghàà beeme.

⁸Ghɛsen ghɛ ghel ɛbeemene lu se me se yɛ giamtene ghene ka ghɛsen nɛ̀ ghene chinten è yɛ fɛl nɛ̀ əbluuye.

⁹Mɛ nè nyak ŋwaale ɛylee se kenchinten ghel ɛbeemene, è yio ge Diotlefes wɛ əb sɛɛ koŋ se yɛ tiy ɛ mbiye baa se luŋe se yiote kesuŋnen kom.

¹⁰Mɛ nɛ̂y gwiy è din əbnəə wɛ əb jasen ɛ ten, ka koghoŋ wɛ əb maken gese nɛ̀ əbbuam wɛ əb yian kum ghɛs. Baa mɛy keghene, əb báà se fiisen ghone-nyii ɛlee, gese tune se ghel ghɛ ɛ́ kɛŋen se yɛ fiisene ghel ge ghàà ghene yɛ fiisen, me jume ghene se kenchinten.

¹¹Sun ə yom, yɛɛ ke se beknene kenəə kebee, yɛɛ nɛɛy njuŋ. Naa ndɛ wɛ əb nɛɛyen njuŋ lu wele Feyin, nɛ̀ naa ndɛ wɛ nɛɛyen mbee bɛɛy ghàà yɛn Feyin.

¹²Demetlius lu wel nɛ wel əbjime suŋnen kejuŋ kum wen, nɛ̀ əbnəə əbjim wɛ əb nɛɛyen dine ge əb jɛle nɛ̀ əbluuye. Naa ghɛs ko suŋnen kejuŋ kum wen, nɛ̀ wɛ̀ ke ge kenəə kɛ ghɛse suŋnen kum wen lu əbluuy.

¹³Mɛ ki əbnəə se ɛydio se suuy se wɛ̀, dî koŋe wiy se nyak nyaken.

¹⁴Mɛ ki ɛykwaate se yɛne wɛ̀ chikiy chikiy ka ghɛsoo fiɛl əbnəə.

¹⁵Feyine ko fo ɛytem ɛyzəətene se wɛ. Ghel ɛyjɛl ghɛ ɛ́ luun fɛn tinse ɛychakte. Chakte ghel ɛyjɛl ghɛ ɛ́ luun fɛy se mɛ.