Read Original Shona Union Bible 1949 Baiberi Magwaro Matȿene aMŋari Genesi 11 Bible Online

Genesi 11 - Original Shona Union Bible 1949 Baiberi Magwaro Matȿene aMŋari bible

Genesi 11

¹Nyika yose yakaŋga inorurimi rumŋe nokutaura kumŋe.

²Ɀino ʋakati ʋacitamira mabvazuʋa, ʋakawana ɓani munyika yeShinari, ʋakagara’ko.

³Ʋakataurirana, ʋaciti: Ʋuyai, ŋgatiite ɀitina, tiɀipise kwaɀo. Ɀitina ɀakaʋa mabge aʋo, nebitumini rakaʋa ɗope raʋo.

⁴Ʋakati: Ʋuyai, ŋgatiɀiʋakire guta, noruȿiŋgo, runomusoro unoȿikira kuɗeŋga; tiɀimutsire mukurumbira, kuti tirege kupararira panyika yose.

⁵Ipapo Jehova wakaɓuruka kuzotarira guta noruȿiŋgo, rwakaŋga ruciʋakwa naʋanakomana ʋaʋanhu.

⁶Jehova akati: Tarirai, ʋanhu aʋa ndiʋamŋe, ʋanorurimi rumŋe ʋose; ɀino ndiɀo ɀaʋanotaŋga kuita; ɀino hakucinecinhu caʋaŋgaɗa kuita caʋaŋgadziʋiswa.

⁷Hendei, tiɓuruke, tindopesanisa rurimi rwaʋo ipapo, kuti ʋarege kunzwana kana ʋotaurirana.

⁸Jehova akaʋaparadzira ipapo, ʋakapararira panyika yose, ʋakarega kuʋaka guta raʋo.

⁹Naiɀoɀo ʋakaritumidza Baberi, nokuti ipapo Jehova wakapesanisa rurimi rwenyika yose; Jehova akaʋaparadzira ipapo, ʋakaenda kunyika dzose.

¹⁰Ndiwo marudzi aShemi. Shemi wakaŋga anamakore anezana, akaɓereka Arpakshadi, mvura zhinji yapfuʋura makore maʋiri;

¹¹wakati aɓereka Arpakshadi, Shemi akagara makore anamazana mashanu; akaɓereka ʋanakomana naʋanasikana.

¹²Arpakshadi wakagara makore anamakumi matatu namashanu, akaɓereka Shera;

¹³wakati aɓereka Shera, Arpakshadi akagara makore anamazana manna namatatu, akaɓereka ʋanakomana naʋanasikana.

¹⁴Shera wakagara makore anamakumi matatu, akaɓereka Eberi.

¹⁵Wakati aɓereka Eberi, Shera akagara makore anamazana manna namatatu; akaɓereka ʋanakomana naʋanasikana.

¹⁶Eberi wakagara makore anamakumi matatu namanna, akaɓereka Peregi,

¹⁷wakati aɓereka Peregi, Eberi akagara makore anamazana manna namakumi matatu, akaɓereka ʋanakomana naʋanasikana.

¹⁸Peregi wakagara makore anamakumi matatu, akaɓereka Rehu;

¹⁹wakati aɓereka Rehu, Peregi akagara makore anamazana maʋiri namapfumbamŋe, akaɓereka ʋanakomana naʋanasikana.

²⁰Rehu wakagara makore anamakumi matatu namaʋiri, akaɓereka Serugi;

²¹wakati aɓereka Serugi, Rehu akagara makore anamazana maʋiri namanomŋe; akaɓereka ʋanakomana naʋanasikana.

²²Serugi wakagara makore anamakumi matatu, akaɓereka Nahori;

²³wakati aɓereka Nahori, Serugi akagara makore anamazana maʋiri, akaɓereka ʋanakomana naʋanasikana.

²⁴Nahori wakagara makore anamakumi maʋiri namapfumbamŋe, akaɓereka Tera;

²⁵Nahori akagara makore anezana negumi namapfumbamŋe, akaɓereka ʋanakomana naʋanasikana.

²⁶Tera wakagara makore anamakumi manomŋe, akaɓereka Abrama naNahori, naHarani.

²⁷Ndiwo marudzi aTera: Tera wakaɓereka Abrama, naNahori, naHarani; Harani akaɓereka Roti;

²⁸Harani akafa, ɓaɓa ʋake Tera ʋaciri ʋapenyu, panyika yokuɓerekwa kwake, paUri yaʋaKardia.

²⁹Abrama naNahori ʋakaɀiwanira ʋakadzi; zita romukadzi waAbrama rainzi Sarai; zita romukadzi waNahori rainzi Mirika, mukunda waHarani, ɓaɓa ʋaMirika, naɓaɓa ʋaIsika.

³⁰Sarai wakaŋga asiŋgaɓereki, wakaŋga asinomŋana.

³¹Ɀino Tera wakatora mŋanakomana wake Abrama, naRoti, mŋanakomana waHarani, mŋanakomana womŋanakomana wake, naSarai, mukadzi womŋanakomana wake Abrama; ʋakatama naʋo ʋakabva Uri yaʋaKardia, kuti ʋaende kunyika yeKanani, ʋakaȿika Harani, ʋakagara’po.

³²Mazuʋa aTera akaŋga ari makore anamazana maʋiri namashanu; Tera akafira Harani.