Read Original Shona Union Bible 1949 Baiberi Magwaro Matȿene aMŋari Genesi 19 Bible Online

Genesi 19 - Original Shona Union Bible 1949 Baiberi Magwaro Matȿene aMŋari bible

Genesi 19

¹Ʋatumŋa ʋaʋiri ʋakaȿika Sodoma maɗekwana; Roti wakaŋga agere pasuʋo reSodoma; Roti akaʋaʋona, akasimuka, akaenda kundosoŋgana naʋo, akakotamira pasi neciso cake;

²akati: Tarirai, madzishe aŋgu, ciɗotsaukirai henyu kumba kwomuranda wenyu, muʋate ʋusiku bgose, mushambidze tsoka dzenyu, mugofumira parwendo rwenyu. Iʋo ʋakati: Kwete, ticaʋata heɗu paɗare ʋusiku bgose.

³Akaʋanyeŋgetera ɀikuru; ʋakadzimana ʋotsaukira kwaari, ʋakapinda mumba make; akaʋagadzirira cirayiro, akaɓika ciŋgwa cisinembiriso, ʋakadya;

⁴ɀino ʋasati ʋaʋata, ʋarume ʋeguta, iʋo ʋarume ʋeSodoma, ʋakakomba imba, ʋaɗuku naʋakuru, ʋanhu ʋose ʋokumatiʋi ose;

⁵ʋakaɗanidzira kunaRoti, ʋakati kwaari: Ʋaripiko ʋarume ʋakapinda kumba kwako ʋusiku ʋuno — Ʋaɓuɗisirei kwatiri, kuti tiʋaziʋe.

⁶Roti akaɓuɗa akaenda kwaʋari kumukoʋa, akazarira mukoʋa shure kwake.

⁷Akati: Regai henyu kuita ɀakaipa ɀakaɗai, hama dzaŋgu.

⁸Tarirai, ndinaʋakunda ʋaʋiri ʋasina‐kumboziʋa murume; regai ndiʋaɓuɗisire kwamuri, muʋaitire iʋo seɀamunoɗa; asi ʋarume aʋa, musaʋaitira cinhu, nokuti ndiɀo ɀaʋakapindira mumumvuri weɗeŋga raŋgu.

⁹Iʋo ʋakati: Suɗuruka! Ʋakati: Munhu uyu wakaʋuya kuzogara pano ari mutorwa, nambera ɀino iye unoɗa kuʋa mutoŋgi. Ɀino ticakuitira ɀakaipa iwe kupfuʋura iʋo. Ʋakamanikidza murume uyo Roti, ʋakasweɗera kuputsa gonhi.

¹⁰Asi ʋarume ʋakatambanudza maʋoko aʋo, ʋakakweʋera Roti mumba maʋakaŋga ʋari, ʋakapfiga gonhi.

¹¹Ʋakapofumadza ʋakaŋga ʋari pamukoʋa, ʋaɗuku naʋakuru; ʋakaɀinetsa ʋacitȿaka mukoʋa.

¹²Ʋarume ʋakati kunaRoti: Unaʋamŋe pano here — Kana mukuwasha, kana ʋanakomana ʋako, kana ʋanasikana ʋako, naʋose ʋaunaʋo muguta; uʋaɓuɗise muno.

¹³Nokuti toɗa kuparadza nɀimbo ino; nokuti kuɗanidzira kwaʋo kwaʋa kukuru kunaJehova; Jehova wakatituma kuiparadza.

¹⁴Ipapo Roti akaɓuɗa, akandotaura naʋakuwasha ʋake, ʋakaŋga ʋacazowana ʋakunda ʋake, akati: Simukai, ibvai muno; nokuti Jehova ucaparadza guta rino. Asi ʋakuwasha ʋake ʋakati: Unoita hake musere.

¹⁵Ʋutoŋga ʋucitȿuka ʋatumŋa ʋakakurumidzisa Roti, ʋaciti: Simuka, uende nomukadzi wako, naʋakunda ʋako ʋaʋiri ʋari pano, kuti urege kuparadzwa kana guta rorobga.

¹⁶Asi ʋakanonoka; ʋarume ʋakaɓata ruʋoko rwake, noruʋoko rwomukadzi wake, namaʋoko aʋakunda ʋake ʋaʋiri; nokuti Jehova wakaŋga anetsitsi naye; ʋakamuɓuɗisa, ʋakamuisa kunze kweguta.

¹⁷Ɀino ʋakati ʋaʋaɓuɗisa kunze, mumŋe akati: Tiza nokuɗa kwoʋupenyu bgako; usaceuka shure kwako, kana kumira paɓani rose; tizira kugomo, kuti urege kuparadzwa.

¹⁸Roti akati kwaʋari: Kwete, ishe waŋgu, regai kuɗaro.

¹⁹Tarirai, muranda wenyu wakawana nyasha kwamuri, makurisa tsitsi dzenyu dzamakandiitira, ɀamandiraramisa; asi handigoni kutizira kugomo, ɀimŋe ɀakaipa ɀiŋgandiwira ndikafa.

²⁰Tarirai, guta iri riri pedyo, nditizire haŋgu ikoko; iɗuku haro, nditenderei kuti nditizire ikoko, (harizi ɗuku here?) mŋeya waŋgu urarame.

²¹Iye akati kwaari: Tarira, ndakunzwira tsitsi pacinhu ici ʋo, kuti handiŋgaparadzi guta iri rawareʋa.

²²Kurumidza, utizire’ko, nokuti handigoni kuita cinhu usati waȿika’po. Naiɀoɀo zita reguta rakanzi Zoari.

²³Zuʋa rakaŋga raɓuɗa panyika, Roti aciȿika paZoari.

²⁴Ipapo Jehova akanisa pamsoro peSodoma neGomora surferi nomŋoto, ɀicibva kuɗeŋga kunaJehova;

²⁵akaparadza maguta awo, neɓani rose, naʋose ʋakaŋga ʋagere mumaguta, neɀose ɀakaŋga ɀamera pavu.

²⁶Asi mukadzi wake wakaceuka ari shure kwake, akaitwa shoŋgwe yomunyu.

²⁷Ɀino Abrahama wakamuka maŋgwanani, akaenda ikoko kwaakaŋga amire pamberi paJehova;

²⁸akatarira kurutiʋi rweSodoma neGomora nokunyika yose yeɓani, akaʋona ʋutsi bgenyika iyo ʋucikwira soʋutsi bgecoto.

²⁹Ɀino Mŋari wakati aciparadza maguta eɓani, Mŋari akaraŋgarira Abrahama, akaɓuɗisa Roti pakati pokuparadzwa ikoko, ŋguʋa yaakaparadza maguta makaŋga mucigara Roti.

³⁰Ɀino Roti wakakwira, acibva muZoari, akandogara mugomo, naʋakunda ʋake ʋaʋiri pamŋe cete naye; nokuti wakatya kugara muZoari; akagara, muɓako, iye naʋakunda ʋake ʋaʋiri.

³¹Ɀino ɗaŋgwe rakati kumuɗuku: Ƃaɓa ʋeɗu ʋakwegura; hakunomurume panyika ino uŋgapinda kwatiri nomutoʋo wenyika yose;

³²ʋuya, tinwise ɓaɓa ʋeɗu waini, tiʋate naʋo, kuti ticeŋgete rudzi naɓaɓa ʋeɗu.

³³Ʋusiku ibgobgo ʋakanwisa ɓaɓa ʋaʋo waini, weɗaŋgwe akapinda, akandoʋata naɓaɓa ʋake; iʋo haʋana‐kuziʋa kuʋata kwake pasi kana kumuka kwake.

³⁴Fume maŋgwana weɗaŋgwe akati kumuɗuku: Tarira, ndaʋata naɓaɓa ʋaŋgu ʋusiku bgazuro; ŋgatiʋanwise waini ʋusiku bguno ʋo, iwe ugopinda, undoʋata naʋo, kuti ticeŋgete rudzi naɓaɓa ʋeɗu.

³⁵Ʋakanwisa ɓaɓa ʋaʋo waini ʋusiku ibgobgo ʋo, muɗuku akasimuka, akandoʋata naʋo; iʋo haʋana‐kuziʋa kuʋata kwake pasi kana kumuka kwake.

³⁶Naiɀoɀo ʋakunda ʋaRoti ʋaʋiri ʋakaʋa nemimba kunaɓaɓa ʋaʋo.

³⁷Weɗaŋgwe akaɓereka mŋanakomana, akamutumidza zita rinonzi Moabi; ndiʋo ɓaɓa ʋaʋaMoabi kuȿikira zuʋa ranhasi.

³⁸Nomuɗuku ʋo wakaɓereka mŋanakomana, akamutumidza zita rinonzi Beni‐ami; ndiʋo ɓaɓa ʋaʋana ʋaAmoni kuȿikira zuʋa ranhasi.