Read Original Shona Union Bible 1949 Baiberi Magwaro Matȿene aMŋari Genesi 20 Bible Online

Genesi 20 - Original Shona Union Bible 1949 Baiberi Magwaro Matȿene aMŋari bible

Genesi 20

¹Ɀino Abrahama wakabva’po, akaenda kunyika yenyasi, akandogara pakati peKadeshi neShuri; akaʋa mutorwa muGerari.

²Abrahama akati pamsoro paSara, mukadzi wake: Ihanɀadzi yaŋgu; Abimereki, mambo weGerari, akatuma ʋanhu kundotora Sara.

³Asi Mŋari wakaʋuya kunaAbimereki ʋusiku pakurota, akati kwaari: Tarira, ucafa nokuɗa kwomukadzi wawatora; nokuti mukadzi uyu unomurume.

⁴Ɀino Abimereki wakaŋga asina‐kusweɗera kwaari; akati: Ishe, mucaʋuraya norudzi rwakarurama ʋo here?

⁵Ko iye haana‐kundiʋudza here, aciti, ihanɀadzi yaŋgu; naiye mukadzi haana‐kuti, ihanɀadzi yaŋgu, here — Ndakaita iɀoɀo nomŋoyo wakarurama namaʋoko akacena.

⁶Mŋari akati kwaari pakurota: Hoŋo, ndinoziʋa kuti wakaita cinhu ici nomŋoyo wakarurama, ndikakudziʋisa ʋo kuti urege kunditadzira; naiɀoɀo handina‐kukutendera kumuɓata.

⁷Saka ɀino dzosa mukadzi womurume uyu, nokuti muprofita; iye ucakunyeŋgeterera, kuti urarame; kana ukasamudzosa, uziʋe kuti ucafa ɀirokwaɀo, iwe naʋose ʋari ʋako.

⁸Abimereki akamuka maŋgwanani, akaɗana ʋaranda ʋake ʋose, akaʋaʋudza iɀoɀo ɀose munzeʋe dzaʋo; ʋarume ʋakavunduka kwaɀo.

⁹Ipapo Abimereki akaɗana Abrahama, akati kwaari: Cinyiko cinhu ici cawatiitira — Ini ndakutadzireiko, ɀawaʋuyisa mhoȿa huru pamsoro paŋgu napamsoro poʋushe bgaŋgu — Wandiitira ɀisakafanira kuitwa.

¹⁰Abimereki akati kunaAbrahama: Waŋga uciti kuɗiniko, ɀawaita cinhu ici?

¹¹Abrahama akati: Nokuti ndakati: Ɀirokwaɀo haʋatyi Mŋari panɀimbo ino; ɀimŋe ʋacandiʋuraya pamsoro pomukadzi waŋgu.

¹²Ʋuye, ɀirokwaɀo ihanɀadzi yaŋgu, mukunda waɓaɓa ʋaŋgu, asi haazi mŋana wamai ʋaŋgu; akazowanikwa neni.

¹³Ɀino Mŋari wakati acindiɓuɗisa paimba yaɓaɓa ʋaŋgu, kuti ndidzuŋgaire, ndikati kwaari: Heci cinhu cakanaka caunofanira kundiitira: Pose patinoȿika, uti pamsoro paŋgu, ihanɀadzi yaŋgu.

¹⁴Abimereki akatora makwai, neŋombe, naʋaranda, naʋarandakadzi, akapa Abrahama iɀoɀo, akamudzosera ʋo Sara, mukadzi wake.

¹⁵Abimereki akati: Tarira, nyika yaŋgu iri pamberi pako; gara hako paunoɗa.

¹⁶Akati kunaSara: Tarira, ndapa hanɀadzi yako mashekeri esirveri anecuru cezana[3]; cicaʋa cifukidziro cameso ako kunaʋose ʋaunaʋo; waruramiswa pamberi paʋose.

¹⁷Abrahama akanyeŋgetera kunaMŋari, Mŋari akaporesa Abimereki, nomukadzi wake, naʋarandakadzi ʋake, ʋakaɓereka ʋana.

¹⁸Nokuti Jehova wakaŋga azarira ɀiɀaro ɀose ɀaʋeimba yaAbimereki nokuɗa kwaSara, mukadzi waAbrahama.