Read Original Shona Union Bible 1949 Baiberi Magwaro Matȿene aMŋari Genesi 21 Bible Online

Genesi 21 - Original Shona Union Bible 1949 Baiberi Magwaro Matȿene aMŋari bible

Genesi 21

¹Ɀino Jehova wakashanyira Sara, seɀaakataura; Jehova akaitira Sara seɀaakaʋaʋudza.

²Sara akaʋa nemimba, akaɓerekera Abrahama mŋanakomana pakukwegura kwake neŋguʋa iyeyo yakaŋga yarebga naMŋari.

³Abrahama akatumidza mŋanakomana wake, waakaɓerekerwa naSara, zita rinonzi Isaka.

⁴Abrahama akadziŋgisa mŋanakomana wake Isaka aita mazuʋa masere, seɀaakarairwa naMŋari.

⁵Abrahama wakaŋga aȿika makore anezana, ŋguʋa yaakaɓerekerwa mŋanakomana wake Isaka.

⁶Ipapo Sara akati: Mŋari wandisekesa; ʋose, ʋanonzwa iɀoɀi, ʋacaseka neni.

⁷Akati: Ndianiko waitoŋgoti kunaAbrahama: Sara ucamnisa ʋana — Nokuti ndakamuɓerekera mŋanakomana pakukwegura kwake.

⁸Mŋanakomana wakazokura, akarumurwa; Abrahama akaita mutambo mukuru nomusi wokurumurwa kwaIsaka.

⁹Ɀino Sara akaʋona mŋanakomana waHagari, muEgipita, waakaɓerekera Abrahama, aciseka.

¹⁰Saka wakati kunaAbrahama: Dziŋga muɓatiri uyu nomŋanakomana wake, nokuti mŋanakomana womuɓatiri uyu haaŋgadyi nhaka pamŋe cete nomŋanakomana waŋgu Isaka.

¹¹Shoko iro rakaŋga rakaipa kwaɀo kunaAbrahama, nokuɗa kwomŋanakomana wake.

¹²Ipapo Mŋari akati kunaAbrahama: Ŋgaɀirege haɀo kuʋa ɀakaipa kwauri nokuɗa kwomukomana nokwomuɓatiri wako; uterere Sara paɀinhu ɀose ɀaanotaura kwauri; nokuti rudzi rwako rucatumidzwa nezita raIsaka.

¹³Naiye mŋanakomana womuɓatiri ndicamuita rudzi rukuru ʋo, nokuti mŋanakomana wako.

¹⁴Abrahama akamuka maŋgwanani, akatora ciŋgwa negucu remvura, akapa Hagari, akaɀiisa pafudzi rake, nomŋana ʋo, akamuendisa; iye akaenda, akandodzuŋgaira murenje reBeeri‐sheba.

¹⁵Mvura yegucu yakati yapera, akakanda mŋana pasi munyasi megwenzi;

¹⁶iye akandogara pasi pakatarisana naye nhambge ineŋge iŋgaȿika museʋe kana waposhwa; nokuti wakati: Ndirege kuʋona haŋgu mŋana acifa. Akagara pakatarisana naye, akacema kwaɀo.

¹⁷Mŋari akanzwa inzwi romukomana; mutumŋa waMŋari akaɗanidzira kunaHagari, ari kuɗeŋga, akati kwaari: Ɀaita seiko Hagari — Usatya, nokuti Mŋari wanzwa inzwi romukomana apo paari.

¹⁸Simuka, usimudze mukomana, umuɓate noruʋoko rwako, nokuti ndicamuita rudzi rukuru.

¹⁹Ipapo Mŋari akaȿinudza meso ake, akaʋona tsime remvura; akaenda, akazadza gucu nemvura, akanwisa mukomana.

²⁰Mŋari akaʋa nomukomana, akakura, akagara murenje, akaʋa munhu unofura noʋuta.

²¹Akagara murenje reParani, mai ʋake ʋakamutorera mukadzi kunyika yeEgipita.

²²Ɀino neŋguʋa iyo Abimereki naPikori, mukuru wehondo yake, ʋakataura naAbrahama, ʋakati: Mŋari unewe paɀinhu ɀose ɀaunoita;

²³naiɀoɀo ɀino ndipikire pano naMŋari kuti hauŋgandinyeŋgeri ini, kana ʋana ʋaŋgu, kana ʋana ʋaʋana ʋaŋgu; asi seɀandakakuitira tsitsi, uite ʋo saiɀoɀo kwandiri, nokunyika mawakagara uri mutorwa.

²⁴Abrahama akati: Ndicapika.

²⁵Asi Abrahama wakatuka Abimereki nokuɗa kwetsime remvura rakaŋga ratorwa nesimba naʋaranda ʋaAbimereki.

²⁶Abimereki akati: Handiziʋi wakaita iɀoɀo, newe hauna‐kundiʋudza, ini handina‐kumboɀinzwa, asi nhasi.

²⁷Abrahama akatora makwai nenzombe, akapa Abimereki, iʋo ʋaʋiri ʋakaita suŋgano.

²⁸Abrahama akaraʋura ɀishece ɀinomŋe ɀamakwai;

²⁹Abimereki akati kunaAbrahama: Ko ɀishece iɀi ɀinomŋe ɀawaraʋura ndeɀeiko?

³⁰Iye akati: Ɀishece iɀi ɀinomŋe uɀigamucire paruʋoko rwaŋgu, ciʋe capupu caŋgu, kuti ndini ndakacera tsime iri.

³¹Naiɀoɀo wakatumidza nɀimbo iyo zita rinonzi Beeri‐sheba, nokuti ndi’po paʋakapika iʋo ʋaʋiri.

³²Saiɀoɀo ʋakaita suŋgano paBeeri‐sheba; Abimereki akasimuka, naPikori, mukuru wehondo yake, ʋakadzokera kunyika yaʋaFiristia.

³³Abrahama akasima muti womutamariski paBeeri‐sheba, akanamata’po zita raJehova Mŋari usiŋgaperi.

³⁴Abrahama akagara ari mutorwa panyika yaʋaFiristia mazuʋa mazhinji.