Read Original Shona Union Bible 1949 Baiberi Magwaro Matȿene aMŋari Genesi 22 Bible Online

Genesi 22 - Original Shona Union Bible 1949 Baiberi Magwaro Matȿene aMŋari bible

Genesi 22

¹Shure kwaiɀoɀo Mŋari wakaidza Abrahama, akati kwaari: Abrahama! Iye akati: Ndiri pano haŋgu.

²Akati: Ɀino tora mŋanakomana wako, mŋanakomana wako mumŋe cete, waunoɗa, Isaka, uende kunyika yeMoria umuite ciɓayiro cinopiswa panerimŋe gomo randicakuʋudza.

³Abrahama akamuka maŋgwanani, akasuŋga mboŋgoro yake, akatora majaya ake maʋiri naIsaka, mŋanakomana wake, akatsemura huni dzeciɓayiro cinopiswa, ndokusimuka, akaenda kunɀimbo yaakaʋudzwa naMŋari.

⁴Ɀino nomusi wetatu Abrahama akasimudza meso ake, akaʋona nɀimbo iyo ari kure.

⁵Abrahama akati kumajaya ake: Imi cigarai henyu pano nemboŋgoro, ini nomŋana ticaenda ikoko; ticambondonamata, tigodzokera kwamuri.

⁶Abrahama akatora huni dzeciɓayiro cinopiswa, akadzitakudza Isaka, mŋanakomana wake; akatora mŋoto neɓaŋga muruʋoko rwake, ʋakaenda ʋari ʋaʋiri.

⁷Isaka akataura naAbrahama, ɓaɓa ʋake, akati: Ƃaɓa ʋaŋgu! Iye akati: Ndiri pano haŋgu, mŋana waŋgu. Akati: Hoyu mŋoto nehuni; asi gwaiana reciɓayiro cinopiswa riripiko?

⁸Abrahama akati: Mŋari ucapa amene gwaiana reciɓayiro cinopiswa, mŋana waŋgu; saiɀoɀo ʋakafamba ʋari ʋaʋiri.

⁹Ʋakandoȿika panɀimbo yaakaʋudzwa naMŋari; Abrahama akaʋaka’po artari, akagadzira huni, ndokusuŋga mŋanakomana wake, akamuisa paartari pamsoro pehuni.

¹⁰Ɀino Abrahama akatambanudza ruʋoko rwake, akatora ɓaŋga, kuti aɓaye mŋanakomana wake.

¹¹Ipapo mutumŋa waJehova wakaɗanidzira kwaari, ari kuɗeŋga, akati: Abrahama! Abrahama! Iye akati: Ndiri pano haŋgu.

¹²Akati: Usaisa ruʋoko rwako kumŋana, usamuitira cinhu; nokuti ɀino ndinoziʋa kuti unotya Mŋari, ɀausina‐kundinyima mŋanakomana wako, iye mŋanakomana wako mumŋe cete.

¹³Abrahama akasimudza meso ake, akatarira, ndokuʋona shure kwake gondobge rakaŋga rakaɓatwa nyaŋga dzaro mugwenzi; Abrahama akatora gondobge iro, akaripisa cikaʋa ciɓayiro panɀimbo yomŋanakomana wake.

¹⁴Abrahama akatumidza nɀimbo iyo zita rinonzi Jehova-jire; saka nanhasi ʋanositi: Pagomo raJehova ndi’po paacaʋonekwa.

¹⁵Ipapo mutumŋa waJehova wakaɗana Abrahama rwecipiri, ari kuɗeŋga,

¹⁶akati: Ɀanzi naJehova: Ndakapika neni ndimene, ndiciti: Ɀawaita iɀoɀo, ukasandinyima mŋanakomana wako mumŋe cete;

¹⁷ndicakuropafadza kwaɀo, ndicawanza ʋana ʋako kwaɀo senyeredzi dzokuɗeŋga, ʋuye sejeca riri pamhenderekedzo dzeguŋgwa; ʋano ʋako ʋacaʋa ʋaridzi ʋamasuʋo aʋaʋeŋgi ʋaʋo;

¹⁸ndudzi dzose dzenyika dzicaropafadzwa muʋana ʋako, ɀawakaterera inzwi raŋgu.

¹⁹Ipapo Abrahama wakadzokera kumajaya ake, ʋakasimuka, ʋakaenda ʋose Beeri‐sheba; Abrahama akagara paBeeri‐sheba.

²⁰Ɀino shure kwaiɀoɀo Abrahama wakaʋudzwa, ɀicinzi: Tarira, Mirka wakaɓerekera ʋo munuŋuna wako Nahori ʋanakomana aʋa:

²¹Uzi, ɗaŋgwe rake, naBuzi, munuŋuna wake, naKemueri, ɓaɓa ʋaArami,

²²naKesedi, naHazo, naPirdashi, naJidrafi, naBetueri.

²³Betueri akaɓereka Rebeka; aʋa ʋasere ndiʋo ʋakaɓerekerwa Nahori, munuŋuna waAbrahama, naMirka.

²⁴Nomuroŋgo wake wainzi Ruma, wakaɓereka ʋo Teba, naGahami, naTahashi, naMaaka.