Read Original Shona Union Bible 1949 Baiberi Magwaro Matȿene aMŋari Genesi 23 Bible Online

Genesi 23 - Original Shona Union Bible 1949 Baiberi Magwaro Matȿene aMŋari bible

Genesi 23

¹Ɀino Sara wakagara makore anezana namakumi maʋiri namanomŋe; ndiwo makore oʋupenyu bgaSara.

²Sara akafa paKiriyati‐arba (rimŋe zita ndiHebroni) panyika yeKanani; Abrahama akaʋuya kuzocema Sara nokumuririra.

³Ɀino Abrahama akasimuka panowakafa wake, akataurirana naʋana ʋaHeti, akati:

⁴Ndiri mŋeni nomutorwa pakati penyu; ndipei nɀimbo yokuʋiga pakati penyu, iʋe nɀimbo yaŋgu, kuti ndiʋige wakafa waŋgu, ndirege kumuʋona.

⁵Ʋana ʋaHeti ʋakapindura Abrahama, ʋakati kwaari:

⁶Citinzwai, ishe weɗu, imi muri mucinda waMŋari pakati peɗu; ʋigai wakafa wenyu pabgiro bgakanaka pakati pamabgiro eɗu ose; hakunomunhu pakati peɗu uŋgakunyimai bgiro bgake, kuti muʋige wakafa wenyu.

⁷Ipapo Abrahama wakasimuka akakotamira pasi pamberi paʋanhu ʋenyika iyo, iʋo ʋana ʋaHeti,

⁸akataurirana naʋo, akati: Kana mucitenda kuti ndiʋige wakafa waŋgu, ndirege kumuʋona, cindinzwai, mundikumbirire kunaEfroni, mŋanakomana waZohari,

⁹kuti andipe ɓako reMakpera, raanaro, riri pamugumo womunda wake; andipe iro, ndiripe muteŋgo wose, iʋe nɀimbo yaŋgu yokuʋiga pakati penyu.

¹⁰Efroni ɀino wakaŋga agere pakati paʋana ʋaHeti; Efroni, muHeti, akapindura Abrahama, ʋana ʋaHeti ʋaciɀinzwa, iʋo ʋose ʋaipinda pasuʋo reguta rake, akati:

¹¹Kwete, ishe waŋgu, cindinzwai; tererai, ndinokupai munda, nairo ɓako riri’mo, ndinokupai iro; ndinokupai iɀoɀo pamberi paʋana ʋaʋanhu ʋaŋgu; ʋigai henyu wakafa wenyu.

¹²Abrahama akakotama pamberi paʋanhu ʋenyika iyo,

¹³akataura naEfroni, ʋanhu ʋenyika iyo ʋaciɀinzwa, aciti: Kana uciɗa, cinditerera hako, ndicakupa muteŋgo womunda, uugamucire kwandiri, kuti ndiʋige wakafa waŋgu’po.

¹⁴Efroni akapindura Abrahama, akati kwaari:

¹⁵Ishe waŋgu, cinditererai; munda unoteŋgwa namashekeri esirveri anamazana manna, ciŋgaʋa cinyiko pakati paŋgu newe — Ʋigai henyu wakafa wenyu.

¹⁶Abrahama akaterera Efroni: Abrahama akayerera Efroni mashekeri esirveri aakareʋa, ʋana ʋaHeti ʋaciɀinzwa, mashekeri esirveri anamazana manna,[4] aʋanoteŋga nawo kuʋateŋgesi.

¹⁷Naiɀoɀo munda waEfroni, wakaŋga uri paMakpera pakatarisana neMamre, munda neɓako rakaŋga riri’mo, nemiti yose yakaŋga iri mumunda neyakaŋga iri panyika yose yakapoteredza,

¹⁸ɀikaʋa ɀaAbrahama pamberi paʋana ʋaHeti, pamberi paʋose ʋaipinda pasuʋo reguta rake.

¹⁹Shure kwaiɀoɀo Abrahama akaʋiga Sara, mukadzi wake, muɓako romunda weMakpera, pakatarisana neMamre (rimŋe zita ndiHebroni), panyika yeKanani.

²⁰Ɀino munda neɓako rakaŋga riri’mo ɀakasimbisiwa kunaAbrahama naʋana ʋaHeti, kuti ɀiʋe ɀake, ikaʋa nɀimbo yake yokuʋiga.