Read Original Shona Union Bible 1949 Baiberi Magwaro Matȿene aMŋari Genesi 24 Bible Online

Genesi 24 - Original Shona Union Bible 1949 Baiberi Magwaro Matȿene aMŋari bible

Genesi 24

¹Abrahama ɀino wakaŋga akwegura, aʋa mutana kwaɀo; Jehova wakaŋga aropafadza Abrahama paɀinhu ɀose.

²Abrahama akataura nomuranda wake, waiʋa mukuru weimba yake, waiceŋgeta ɀose ɀaakaŋga anaɀo, aciti: Cimboisa canza cako pasi pecidɀa caŋgu,

³ndikupikise naJehova, Mŋari wokuɗeŋga, naMŋari wenyika, kuti hauŋgatoreri mŋanakomana waŋgu mukadzi kuʋanasikana ʋeKanani, ʋandinogara pakati paʋo;

⁴asi uende kunyika yaŋgu, nokuhama dzaŋgu, undotorera ikoko mŋanakomana waŋgu Isaka mukadzi.

⁵Muranda akati kwaari: Ɀimŋe mukadzi haaŋgatendi kunditeʋera kunyika ino; ɀino ndiŋgafanira kudzosera mŋanakomana wenyu kunyika kwamakabva here?

⁶Abrahama akati kwaari: Cenjera kuti urege kudzosera mŋanakomana waŋgu ikoko.

⁷Jehova, Mŋari wokuɗeŋga, wakandibvisa paimba yaɓaɓa ʋaŋgu nomunyika yokuɀarwa kwaŋgu, wakataura neni, akandipikira, aciti: Nyika ino ndicapa ʋana ʋako; ndiye ucatuma mutumŋa wake pamberi pako, kuti utorere mŋanakomana waŋgu mukadzi ikoko.

⁸Kana mukadzi asiŋgatendi kukuteʋera, iwe ucasunuŋgurwa pakupika kwako uku kwandiri; asi usadzosera mŋanakomana waŋgu ikoko.

⁹Ipapo muranda akaisa canza cake pasi pecidɀa catenzi wake, akamupikira pamsoro pecinhu ico.

¹⁰Muranda akatora makamera anegumi pamakamera atenzi wake, akaenda, anenhumbi dzose dzakanaka dzatenzi wake; akasimuka, akaenda Mesopotamia kuguta raNahori.

¹¹Akafugamisa makamera kunze kweguta patsime remvura neŋguʋa yamaɗekwana, iri ŋguʋa yaiɓuɗa ʋakadzi kundocera mvura;

¹²akati: Jehova, Mŋari watenzi waŋgu Abrahama, ndifambisei henyu ɀakanaka nhasi; muitire tenzi waŋgu Abrahama ŋgoni.

¹³Tarirai ndimire patsime remvura, ʋakunda ʋaʋanhu ʋeguta ʋoɓuɗa kuzocera mvura.

¹⁴Ɀino ŋgakuitwe kuti musikana wandicati kwaari: Nditurire ʋo ciroŋgo cako, ndinwe; kana akati: Inwai henyu, namakamera enyu ndicaanwisa ʋo; ŋgaaʋe iye wamakatsaurira muranda wenyu Isaka; naiɀoɀo ndicaziʋa kuti makaitira tenzi waŋgu ŋgoni.

¹⁵Ɀino wakaŋga asati apedza kutaura, Rebeka, wakaɓerekerwa Betueri, mŋanakomana waMirka, mukadzi waNahori, munuŋuna waAbrahama, wakaȿika aneciroŋgo pafudzi rake.

¹⁶Ɀino musikana uyu wakaŋga akanaka kwaɀo pameso ake, mhandara isina‐kumbozibga nomurume; akaɓurukira kutsime, akazadza ciroŋgo cake, akakwira ɀe.

¹⁷Ipapo muranda wakamhanyira kundosoŋgana naye, akati: Ƌondipa ʋo ɀimvura paciroŋgo cako, ndinwe.

¹⁸Iye akati: Inwai henyu, ishe waŋgu; akakurumidza kutura ciroŋgo cake paruʋoko rwake, akamunwisa.

¹⁹Wakati apedza kumunwisa, akati: Ndicacerera makamera enyu ʋo kuȿikira aguta.

²⁰Akakurumidza, akaɗurura mvura yakaŋga iri muciroŋgo cake mucinwiro; akamhanyira kutsime kundocera ɀe, akacerera makamera ake ose.

²¹Murume akamutarisisa, anyerere, kuti aziʋe kana Jehova amufambisa ɀakanaka parwendo rwake, kana kwete.

²²Makamera akati apedza kunwa, murume akatora cindori cendarama cakaita hafu yeshekeri rimŋe rendarama[5] pakurema kwaco, neɀishoŋgo ɀiʋiri ɀamaʋoko ɀakaita mashekeri anegumi[6] pakurema kwaɀo;

²³akati: Uri mukunda waaniko — Ndiʋudze hako. Kumba kwaɓaɓa ʋako kunopokuʋata here?

²⁴Iye akati: Ndiri mukunda waBetueri, mŋanakomana waMirka, waakaɓerekera Nahori.

²⁵Akati kwaari ʋo: Tinabgo ʋuswa bgakawoma neɀokudya ɀizhinji, nopokuʋata ʋo.

²⁶Murume akakotamisa musoro wake, akanamata Jehova.

²⁷Akati: Jehova, Mŋari watenzi waŋgu Abrahama ŋgaaʋoŋgwe, usina‐kurega nyasha dzake nokutendeka kwake kunatenzi waŋgu; kana ndirini, Jehova wakandifambisa, akandiȿitsa kuimba yehama dzatenzi waŋgu

²⁸Ipapo musikana wakamhanya, akandoʋudza ʋeimba yamai ʋake mashoko iwaya.

²⁹Ɀino Rebeka wakaŋga anehanɀadzi yainzi Rabani; Rabani akaɓuɗa, akamhanyira kumurume kutsime.

³⁰Nokuti wakati aciʋona cindori neɀishoŋgo pamaʋoko ehanɀadzi yake, nokunzwa ʋo mashoko aRebeka, hanɀadzi yake, aciti: Ndiɀo ɀakataura murume kwandiri, akaenda kumurume, akamuwana amire pamakamera patsime.

³¹Akati: Pinda, iwe, wakaropafadzwa naJehova; unomirireiko kunze — Nokuti ndagadzira imba nenɀimbo yamakamera.

³²Murume akapinda mumba; akasunuŋgura makamera, akapa makamera ʋuswa bgakawoma neɀokudya; nemvura kuti ashambidze tsoka dzake netsoka dzaʋarume ʋaakaŋga anaʋo.

³³Ipapo ɀokudya ɀakaiswa pamberi pake kuti adye; asi iye wakati: Handiŋgadyi ndisati ndambotaura mashoko aŋgu. Akati: Taura hako.

³⁴Iye akati: Ndiri muranda waAbrahama.

³⁵Jehova wakaropafadza tenzi waŋgu kwaɀo; waʋa mukuru; wakamupa makwai, neŋombe, nesirveri, nendarama, naʋaranda, naʋarandakadzi, namakamera, nemboŋgoro.

³⁶NaSara, mukadzi watenzi waŋgu, wakaɓerekera tenzi waŋgu mŋanakomana pakukwegura kwake; ndiye waakapa ɀose ɀaanaɀo.

³⁷Tenzi waŋgu akandipikisa, akati: Usatorera mŋanakomana waŋgu mukadzi kuʋanasikana ʋeKanani, pandigere munyika yaʋo;

³⁸asi uende kunaʋeimba yaɓaɓa ʋaŋgu nokuhama dzaŋgu, undotorera mŋanakomana waŋgu mukadzi ikoko.

³⁹Ndikati kunatenzi waŋgu: Ɀimŋe mukadzi haaŋgatendi kunditeʋera.

⁴⁰Iye akati: Jehova wandinosifamba pamberi pake, ucatuma mutumŋa wake newe, akufambise ɀakanaka parwendo rwako; undotorera mŋanakomana waŋgu mukadzi kuhama dzaŋgu nokunaʋeimba yaɓaɓa ʋaŋgu;

⁴¹ucasunuŋgurwa pakupika kwako kwandiri kana waȿika kuhama dzaŋgu; kana ʋakaramba kukupa iye, ucasunuŋgurwa pakupika kwako kwandiri.

⁴²Ɀino ndakaȿika nhasi kutsime, ndikati: Jehova, Mŋari watenzi waŋgu Abrahama, kana muciɗa kundifambisa ɀakanaka parwendo rwaŋgu rwandinofamba,

⁴³tarirai, ndimire patsime remvura; ɀino ŋgaɀiitwe, kuti musikana unoɓuɗa kuzocera mvura, wandicati kwaari: Ƌondipa ʋo ɀimvura paciroŋgo cako, ndinwe,

⁴⁴iye akati kwandiri: Inwai henyu, imi, ʋuye ndicacerera makamera enyu ʋo, iye aʋe mukadzi wakatsaurirwa mŋanakomana watenzi waŋgu naJehova.

⁴⁵Ɀino ndisati ndapedza kutaura mumŋoyo maŋgu, ndikaʋona Rebeka aciʋuya aneciroŋgo cake pafudzi rake; akaɓurukira kutsime, akacera; ndikati kwaari: Ƌondipa ʋo, ndinwe.

⁴⁶Iye akakurumidza, akatura ciroŋgo cake pafudzi rake, akati: Inwai henyu, ʋuye ndicanwisa makamera enyu ʋo; ini ndikanwa, akanwisa makamera ʋo.

⁴⁷Ɀino ndakamubvunza, ndikati: Uri mukunda waaniko — Iye akati: Ndiri mukunda waBetueri, mŋanakomana waNahori, waakaɓerekerwa naMirka; ipapo ndakaisa cindori mumhino dzake, neɀishoŋgo pamaʋoko ake.

⁴⁸Ndikakotamisa musoro waŋgu, ndikanamata Jehova, ndikaʋoŋga Jehova, Mŋari watenzi waŋgu Abrahama, iye wakandifambisa panzira yakarurama, kuti nditorere mŋanakomana watenzi waŋgu mukunda womunuŋuna watenzi waŋgu, kuti aʋe mukadzi wake.

⁴⁹Ɀino kana muciɗa kuitira tenzi waŋgu noʋunyoro nokutendeka, mundiʋudze; kana musiŋgaɗi, mundiʋudze, kuti ndiende kurudyi kana kuruɓoshwe.

⁵⁰Ipapo Rabani naBetueri ʋakapindura, ʋakati: Cinhu ici cinobva kunaMŋari: isu hatigoni kutaura kwauri ɀakaipa kana ɀakanaka.

⁵¹Tarira, Rebeka uri pamberi pako, umutore, uende, kuti aʋe mukadzi wake, seɀakarebga naJehova.

⁵²Ɀino muranda waAbrahama wakati anzwa mashoko aʋo, akakotamira pasi pamberi paJehova;

⁵³muranda akaɓuɗisa ɀishoŋgo ɀesirveri, neɀendarama, neŋguʋo; akaɀipa Rebeka; akapa ʋo hanɀadzi yake namai ʋake nhumbi dzinokosha.

⁵⁴Ʋakadya, ʋakanwa, iye naʋarume ʋaakaŋga anaʋo; ʋakagara’po ʋusiku bgose, ʋakamuka maŋgwanani; iye akati: Regai, ndiende kunatenzi waŋgu.

⁵⁵Asi hanɀadzi yake namai ʋake ʋakati: Musikana acimbogara nesu mazuʋa ɀimŋe anegumi, agozoenda hake.

⁵⁶Asi iye wakati kwaʋari: Musandidzora henyu, Jehova ɀaakandifambisa ɀakanaka parwendo rwaŋgu; regai ndiende kunatenzi waŋgu.

⁵⁷Iʋo ʋakati: Ŋgatiɗane musikana, tinzwe muromo wake.

⁵⁸Ʋakaɗana Rebeka, ʋakati kwaari: Ucaenda nomurume uyu here — Akati: Ndicaenda.

⁵⁹Ipapo ʋakatendera Rebeka, hanɀadzi yaʋo, nomureri wake, kuti ʋaende nomuranda waAbrahama, naʋanhu ʋake.

⁶⁰Ʋakaropafadza Rebeka, ʋakati kwaari: Iwe, hanɀadzi yeɗu, uʋe mai ʋeɀuru ɀamazana; ʋana ʋako ŋgaʋaʋe ʋaridzi ʋamasuʋo aʋaʋeŋgi ʋaʋo.

⁶¹Rebeka akasimuka, naʋasikana ʋake, ʋakataȿa makamera, ʋakateʋera murume uyo; muranda akatora Rebeka, akaenda parwendo rwake.

⁶²Ɀino Isaka wakaŋga acibva nenzira yeBeeri‐rakai‐roi; nokuti wakaŋga agere kunyika yenyasi.

⁶³Isaka akaɓuɗa kundoraŋgarira kusaŋgo neŋguʋa yamaɗekwana; akasimudza meso ake, akatarira, akaʋona makamera aciʋuya.

⁶⁴Rebeka akasimudza ʋo meso ake; wakati aciʋona Isaka, akaɓuruka pakamera rake.

⁶⁵Akati kumuranda: Murume uyo, unofamba musaŋgo kuzosoŋgana nesu ndianiko — Muranda akati: Nditenzi waŋgu; iye akatora cokufukidzira ciso cake, akaɀifukidza.

⁶⁶Ɀino muranda akaʋudza Isaka ɀose ɀaakaŋga aita.

⁶⁷Isaka akamuisa mutente ramai ʋake Sara, akawana Rebeka, akaʋa mukadzi wake; akamuɗa. Isaka akanyaradzwa shure kwokufa kwamai ʋake.