Read Original Shona Union Bible 1949 Baiberi Magwaro Matȿene aMŋari Genesi 25 Bible Online

Genesi 25 - Original Shona Union Bible 1949 Baiberi Magwaro Matȿene aMŋari bible

Genesi 25

¹Ɀino Abrahama wakawana ɀe mumŋe mukadzi, wainzi Ketura.

²Iye akamuɓerekera Zimrami, naJokshani, naMedani, naMidiani, naIshbaki, naShua.

³Jokshani akaɓereka ShebanaDedani. Ʋanakomana ʋaDedani ʋakaŋga ʋari ʋaAshuri, naʋaRetushi, naʋaReumi.

⁴Ʋanakomana ʋaMidiani ʋakaŋga ʋari Efa, naEferi, naHanoki, naAbida, naErda Aʋa ʋose ʋakaŋga ʋari ʋana ʋaKetura.

⁵Abrahama akapa Isaka ɀose ɀaakaŋga anaɀo.

⁶Asi ʋanakomana ʋaʋaroŋgo ʋaAbrahama ʋaakaŋga anaʋo, Abrahama wakaʋapa ɀipo; akaʋatuma, iye aciri mupenyu, ʋabve kunaIsaka mŋanakomana wake, ʋaende kumabvazuʋa, kunyika yokumabvazuʋa.

⁷Ndiwo mazuʋa amakore oʋupenyu bgaAbrahama: Makore anezana namakumi manomŋe namashanu.

⁸Abrahama akaɓuɗisa mŋeya wake, akafa akwegura kwaɀo, aʋa mutana, makore ake aʋa mazhinji, akasoŋganiswa naʋanhu ʋake.

⁹Isaka naIshmaeri, ʋanakomana ʋake, ʋakamuʋiga muɓako reMakpera, mumunda waEfroni, mŋanakomana waZohari, waʋaHeti, wakatarisana neMamre;

¹⁰ndiwo munda wakaŋga wateŋgwa naAbrahama kuʋana ʋaHeti; ndi’po pakaʋigwa Abrahama naSara, mukadzi wake.

¹¹Ɀino Abrahama wakati afa, Mŋari akaropafadza Isaka, mŋanakomana wake; Isaka akagara paBeeri‐rakai‐roi.

¹²Ndiwo marudzi aIshmaeri, mŋanakomana waAbrahama, wakaɓerekerwa Abrahama naHagari, muEgipita, murandakadzi waSara.

¹³Ndiwo mazita aʋanakomana ʋaIshmaeri, ndiwo mazita aʋo pakuɀarwa kwaʋo: Weɗaŋgwe waIshmaeri wakaŋga ari Nebayoti, naKedari, naAdberi, naMibsami,

¹⁴naMishma, naDuma, naMasa,

¹⁵naHadadi, naTema, naJeturi, naNafishi, naKedema;

¹⁶ndiʋo ʋanakomana ʋaIshmaeri, ndiwo mazita aʋo, pamisha yaʋo napamatente aʋo; macinda anegumi namaʋiri nendudzi dzaʋo.

¹⁷Ndiwo makore oʋupenyu bgaIshmaeri, makore anezana namakumi matatu namanomŋe; akaɓuɗisa mŋeya wake, akafa, akasoŋganiswa naʋanhu ʋake.

¹⁸Ʋakagara kubva paHavira kuȿikira paShuri, mberi kweEgipita, kana munhu acienda Asiria; akandogara akatarisana nehama dzake dzose.

¹⁹Ndiwo marudzi aIsaka, mŋanakomana waAbrahama: Abrahama wakaɓereka Isaka;

²⁰Isaka wakaŋga anamakore anamakumi manna pakuwana kwake Rebeka, mukunda waBetueri, muAramia, wePadani‐arami, hanɀadzi yaRabani, muAramia, kuti aʋe mukadzi wake.

²¹Ɀino Isaka wakanyeŋgeterera mukadzi wake kunaJehova, nokuti wakaŋga asiŋgaɓereki; Jehova akanzwa kunyeŋgetera kwake, Rebeka, mukadzi wake, akaʋa nemimba.

²²Ɀino ʋana ʋakasundana mukati make, akati: Kana ɀakaɗaro, ndakaitirweiko iɀoɀi — Akandobvunza Jehova.

²³Jehova akati kwaari: Munendudzi mbiri muciɀaro cako, Ndudzi mbiri dzicaparadzana, dzicibva muɗumbu rako; Rumŋe rudzi rucakunda rumŋe rudzi nesimba; Mukuru ucashumira muɗuku.

²⁴Ɀino mazuʋa ake okuɓereka akati aȿika, ʋonei ʋana ʋaʋiri ʋari muciɀaro cake.

²⁵Wokutaŋga akaɓuɗa ari mutȿuku, muʋiri wose wakaita seŋguʋo inemvere; ʋakatumidza zita rake Esau.

²⁶Pashure munuŋuna wake akaɓuɗa, ruʋoko rwake rwakaɓata citsitsinho caEsau, ʋakatumidza zita rake Jakobo; Isaka wakaŋga anamakore makumi matanhatu pakuɓerekwa kwaʋo.

²⁷Ʋakomana ʋakakura; Esau akaʋa mudzimba wakacenjera, murume wesaŋgo; Jakobo wakaŋga ari murume wakarurama, waigara mumatente.

²⁸Isaka akaɗa Esau, nokuti waiɗa nyama yemhuka, asi Rebeka wakaŋga aciɗa Jakobo.

²⁹Ɀino Jakobo wakaŋga aɓika ɀokudya, Esau akaȿika acibva kusaŋgo aɀiya;

³⁰Esau akati kunaJakobo: Ƌondipa ʋo iɀo ɀakatȿuka ndidye, nokuti ndaziya; saka wakatumidzwa zita rinonzi Edomi.

³¹Jakobo akati: Cimbonditeŋgesera ʋuɗaŋgwe bgako.

³²Esau akati: Tarira, ndofa haŋgu, ʋuɗaŋgwe ʋucandiɓatsireiko?

³³Jakobo akati: Cimbondipikira; akamupikira, akateŋgesera Jakobo ʋuɗaŋgwe bgake.

³⁴Jakobo akapa Esau ciŋgwa neɀokudya ɀenyemba; akadya, akanwa, akasimuka, ndokuenda hake; Esau akaɀidza ʋuɗaŋgwe bgake saiɀoɀo.