Read Original Shona Union Bible 1949 Baiberi Magwaro Matȿene aMŋari Genesi 27 Bible Online

Genesi 27 - Original Shona Union Bible 1949 Baiberi Magwaro Matȿene aMŋari bible

Genesi 27

¹Ɀino Isaka wakati aʋa mutana, meso ake oʋonera madzerere, asicagoni kuʋona, wakaɗana Esau, mŋanakomana wake mukuru, akati kwaari: Mŋana waŋgu; iye akati kwaari: Ndiri pano haŋgu.

²Akati: Tarira ɀino ndakwegura; handiziʋi zuʋa rokufa kwaŋgu.

³Ɀino ɗotora hako nhumbi dzako dzokuvima nadzo, dzinoti goɓa rako, noʋuta bgako, uende kusaŋgo undivimire mhuka;

⁴undigadzirire nyama yakanaka, seɀandinoiɗa, uʋuye nayo kwandiri, ndidye, mŋeya waŋgu ukuropafadze ndisati ndafa.

⁵Ɀino Rebeka wakanzwa Isaka acitaura naEsau, mŋanakomana wake. Esau akaenda kusaŋgo kundovima mhuka, kuti aʋuye nayo.

⁶Rebeka akataura naJakobo, mŋanakomana wake, akati: Tarira, ndanzwa ɓaɓa ʋako ʋacitaura naEsau, mukoma wako, ʋaciti:

⁷Nditorere mhuka, undigadzirire nyama yakanaka, kuti ndiidye, ndikuropafadze pamberi paJehova ndisati ndafa.

⁸Ɀino mŋana waŋgu, terera inzwi raŋgu seɀandinokuraira.

⁹Enda ɀino kuɀipfuwo, unditorere’po mbudzana mbiri dzakanaka, ndigadzirire ɓaɓa ʋako nadzo nyama yakanaka, seɀaʋanoɗa;

¹⁰ugoenda nayo kunaɓaɓa ʋako, ʋadye, kuti ʋakuropafadze ʋasati ʋafa.

¹¹Jakobo akati kunaRebeka, mai ʋake: Tarirai, Esau, mukoma waŋgu, munhu unemvere, asi ini ndiri munhu ndisinemvere.

¹²Ɀimŋe ɓaɓa ʋaŋgu ʋacandiɓata‐ɓata, ndikaʋa somunyeŋgedzeri pamberi paʋo, ndikaɀiʋuyisira kutukwa pacigaro cokuropafadzwa.

¹³Mai ʋake ʋakati kwaari: Kutukwa kwako ŋgakuʋe pamsoro paŋgu, mŋana waŋgu; terera hako inzwi raŋgu, ʋende unditorere idzo.

¹⁴Iye akaenda, akadzitora, akadziisa kunamai ʋake; mai ʋake ʋakagadzira nyama yakanaka, yaiɗikanwa naɓaɓa ʋake

¹⁵Ɀino Rebeka akatora nguʋo dzakaiȿo‐naka dzaEsau, mŋanakomana wake mukuru, dzaaiʋa nadzo mumba, akadzifukidza Jakobo, mŋanakomana wake muɗuku;

¹⁶akaisa ŋguʋo dzembudzana pamaʋoko ake, napamutsipa wake pakaŋga pasinemvere;

¹⁷akaisa nyama yakanaka neciŋgwa, ɀaakaŋga agadzira, muruʋoko rwaJakobo, mŋanakomana wake.

¹⁸Iye akaenda kunaɓaɓa ʋake, akati: Ƃaɓa ʋaŋgu; iʋo ʋakati: Ndiri pano haŋgu; ndiwe aniko mŋana waŋgu?

¹⁹Jakobo akati kunaɓaɓa ʋake: Ndini Esau, ɗaŋgwe renyu; ndaita seɀamandiraira; simukai henyu, mugare, mudye nyama yaŋgu yemhuka, mŋeya wenyu undiropafadze.

²⁰Isaka akati kumŋanakomana wake: Wakurumidza seiko kuiwana, mŋana waŋgu — Iye akati: Nokuti Jehova, Mŋari wenyu, waituma pamberi paŋgu.

²¹Isaka akati kunaJakobo: Cimbosweɗera hako, ndikuɓate‐ɓate, mŋana waŋgu, kuti ndiziʋe kana uri mŋanakomana waŋgu Esau amene, kana usi’we.

²²Jakobo akasweɗera kunaIsaka, ɓaɓa ʋake; iʋo ʋakamuɓata‐ɓata, ʋakati: Inzwi inzwi raJakobo, asi maʋoko maʋoko aEsau.

²³Asi haana‐kumuziʋa, nokuti maʋoko ake akaŋga anemvere, samaʋoko omukuru wake Esau; akamuropafadza.

²⁴Akati: Ndiwe mŋanakomana waŋgu Esau amene here — Iye akati: Ndini iye.

²⁵Akati: Uisweɗedze pedyo neni, kuti ndidye nyama yemhuka yomŋanakomana waŋgu, mŋeya waŋgu ukuropafadze. Iye akaisweɗedza pedyo naye, akadya; akamupa ʋo waini, akanwa.

²⁶Ipapo ɓaɓa ʋake Isaka ʋakati kwaari: Sweɗera ɀino undiȿete, mŋana waŋgu.

²⁷Akasweɗera, akamuȿeta; akanzwa munhuwi weŋguʋo dzake, akamuropafadza, akati: Tarira munhuwi womŋakomana waŋgu Wakaita somunhuwi wesaŋgo rakaropafadzwa naJehova;

²⁸Mŋari ŋgaakupe ɗoʋa rokuɗeŋga, Mafuta enyika, Neɀiyo newaini ɀakawanda.

²⁹Ʋanhu ŋgaʋakushumire, Marudzi ose ŋgaakufugamire; Uʋe ishe wehama dzako, Ʋanakomana ʋamai ʋako ŋgaʋakufugamire; Ʋose ʋanokutuka ŋgaʋatukwe, Ʋose ʋanokuropafadza ŋgaʋaropafadzwe.

³⁰Ɀino Isaka wakati apedza kuropafadza Jakobo, Jakobo acaŋgoɓuɗa pamberi paIsaka ɓaɓa ʋake, Esau mukoma wake, akapinda, acibva pakuvima kwake.

³¹Naiye akagadzira nyama yakanaka, akaenda nayo kunaɓaɓa ʋake; akati kunaɓaɓa ʋake: Ƃaɓa ʋaŋgu ŋgaʋasimuke, ŋgaʋadye nyama yemhuka yomŋanakomana waʋo, kuti mŋeya wenyu undiropafadze.

³²Ipapo Isaka ɓaɓa ʋake ʋakati: Ndiwe aniko — Iye akati: Ndini mŋanakomana wenyu, ɗaŋgwe renyu Esau.

³³Isaka akabvunda kwaɀo‐kwaɀo, akati: Ndianiko wakaŋga avima mhuka, akaʋuya nayo kwandiri, ndikadya ɀose, iwe usati waȿika, ndikamuropafadza — Hoŋo, ɀirokwaɀo iye ucaropafadzwa hake.

³⁴Esau wakati acinzwa mashoko aɓaɓa ʋake, akacema nokucema kukuru kunorwadza mŋoyo, akati kunaɓaɓa ʋake: Ndiropafadzei neni ʋo, ɓaɓa ʋaŋgu!

³⁵Akati: Munuŋuna wako wakaʋuya nokunyeŋgedzera, akatora kuropafadzwa kwako.

³⁶Iye akati: Haana‐kutumidzwa zita rakamufanira here, rokuti Jakobo — Nokuti ɀino wandinyeŋgedzera kaʋiri; wambonditorera ʋuɗaŋgwe bgaŋgu, ɀino tarira, wanditorera kuropafadzwa kwaŋgu. Akati: Hamuna‐kundiceŋgetera ʋo kuropafadzwa here?

³⁷Isaka akapindura, akati kunaEsau: Tarira, ndamuita ishe wako, nehama dzake dzose ndakamupa iye, kuti ʋaʋe ʋaranda ʋake; ndamusimbisa neɀiyo newaini; ɀino cinyiko candiŋgakuitira iwe, mŋana waŋgu?

³⁸Esau akati kunaɓaɓa ʋake: Munoŋgoʋa nokuropafadza kumŋe kwoga here, ɓaɓa ʋaŋgu — Ndiropafadzei, neni ʋo, ɓaɓa ʋaŋgu! Esau akacema nokucema kukuru.

³⁹Ipapo Isaka ɓaɓa ʋake, akapindura, akati kwaari: Tarira, ʋugaro bgako ʋucaʋa kure namafuta enyika, Kure neɗoʋa rokuɗeŋga rinobva kumsoro;

⁴⁰Ucararama nomunondo wako, ucashumira munuŋuna wako; Ucati kana woɀimutsa iwe, Ucavuna joko rake ribve pamutsipa wako.

⁴¹Esau akaʋeŋga Jakobo nokuɗa kwokuropafadzwa kwaakaropafadzwa nako naɓaɓa ʋake; Esau akati mumŋoyo make: Mazuʋa okucema ɓaɓa ʋaŋgu oɗo‐kuȿika; ipapo ndicaʋuraya munuŋuna waŋgu Jakobo.

⁴²Ɀino Rebeka wakaʋudzwa mashoko aEsau, mŋanakomana wake mukuru; akatuma munhu kundoɗana Jakobo, mŋanakomana wake muɗuku, akati kwaari: Tarira, mukoma wako Esau unoɀiʋaraidza pamsoro pako, aciti ucakuʋuraya.

⁴³Saka ɀino, mŋana waŋgu, terera inzwi raŋgu; simuka, utizire Harani kunaRabani hanɀadzi yaŋgu;

⁴⁴undogara kwaari mazuʋa mashomanene, kuȿikira shuŋgu dzomukoma wako dzanyarara;

⁴⁵kuȿikira kutsamŋa kwomukoma wako kwanyarara kwauri, kana akaŋganwa iɀo ɀawamuitira: ipapo ndicatuma munhu kuzokutora ikoko; ndicatorerwa seiko nomusi mumŋe imi mose muri ʋaʋiri?

⁴⁶Rebeka akati kunaIsaka: Ndanetswa noʋupenyu bgaŋgu nokuɗa kwaʋakunda ʋaHeti; kana Jakobo akawana ʋo mukadzi kuʋakunda ʋaHeti, wakaita saiʋaʋa, kuʋakunda ʋenyika ino, ʋupenyu bgaŋgu ʋuŋgandiɓatsirei?