Read Original Shona Union Bible 1949 Baiberi Magwaro Matȿene aMŋari Genesi 28 Bible Online

Genesi 28 - Original Shona Union Bible 1949 Baiberi Magwaro Matȿene aMŋari bible

Genesi 28

¹Ɀino Isaka wakaɗana Jakobo, akamuropafadza, akamuraira, akati kwaari: Usawana mukadzi kuʋakunda ʋeKanani.

²Simuka ʋende Padani‐arami, kuimba yaBetueri, ɓaɓa ʋamai ʋako, uɀiwanire’ko mukadzi kuʋakunda ʋaRabani, hanɀadzi yamai ʋako.

³Mŋari wamasimba ose ŋgaakuropafadze, akuɓerekese ʋana, akuwanze, kuti uʋe ndudzi zhinji dzaʋanhu;

⁴akupe kuropafadzwa kwaAbrahama, iwe, naʋana ʋako pamŋe cete newe; kuti ugare nhaka yenyika maugere uri mutorwa, iyo yakapiwa Abrahama naMŋari.

⁵Isaka akati Jakobo aende, akaenda Padani‐arami, kunaRabani, mŋanakomana waBetueri, muAramia, hanɀadzi yaRebeka, mai ʋaJakobo naEsau.

⁶Ɀino Esau wakaʋona kuti Isaka wakaŋga aropafadza Jakobo, akati aende Padani‐arami, kuti aɀiwanire’ko mukadzi; ʋuye ʋo kuti pakumuropafadza kwake akamuraira, aciti: Usawana mukadzi kuʋakunda ʋeKanani;

⁷ʋuye ɀe, kuti Jakobo wakaterera ɓaɓa ʋake namai ʋake, akaenda Padani‐arami;

⁸Esau akaʋona kuti ʋakunda ʋeKanani haʋanakufadza Isaka ɓaɓa ʋake;

⁹Esau akaenda kunaIshmaeri, akawedzera kuʋakadzi ʋake, ʋaakaŋga anaʋo, Maharati mukunda waIshmaeri, mŋanakomana waAbrahama, hanɀadzi yaNebayoti, kuti aʋe mukadzi wake.

¹⁰Ɀino Jakobo wakaɓuɗa paBeeri‐sheba, akaenda Harani;

¹¹akaȿika paneimŋe nɀimbo, akaʋata’po ʋusiku, nokuti zuʋa rakaŋga raʋira; akatora rimŋe ibge ipapo, akaritsamira, akaʋata pasi ipapo.

¹²Akarota, akaʋona ɗanhu rakaŋga ramiswa panyika, musoro waro wakaȿika kuɗeŋga; akaʋona ʋatumŋa ʋaMŋari ʋacikwira nokuɓuruka naro.

¹³Akaʋona Jehova amire naye, akati: Ndini Jehova, Mŋari waAbrahama ɓaɓa ʋako, naMŋari waIsaka; nyika yauʋete pamsoro payo ndicakupa iyo, iwe naʋana ʋako;

¹⁴ʋana ʋako ʋacaita seguruʋa renyika; ucapararira kumaʋirazuʋa, nokumabvazuʋa, nokumsoro, nenyasi; ndudzi dzose dzenyika dzicaropafadzwa mauri nomuʋana ʋako.

¹⁵Tarira, ndinewe, ndicakuceŋgeta kwose kwaunoenda, nokukudzosera kunyika ino; nokuti handiŋgakusiyi kuȿikira ndaita iɀoɀo ɀandakakuʋudza.

¹⁶Ipapo Jakobo akapepuka pahope dzake, akati: Ɀirokwaɀo Jehova uri panɀimbo ino, asi ini handina‐kuɀiziʋa.

¹⁷Akatya, akati: Nɀimbo ino inotyisa seiko! Iyi iimba caiyo yaMŋari, isuʋo rokuɗeŋga.

¹⁸Jakobo akamuka maŋgwanani, akatora ibge raakaŋga akatsamira, akarimisa kuti riʋe shoŋgwe, akaɗira mafuta pamsoro paro;

¹⁹akatumidza nɀimbo iyo zita rinonzi Beteri; asi zita reguta pakutaŋga rainzi Ruzi.

²⁰Ipapo Jakobo akapika mhiko, aciti: Kana Mŋari akaʋa neni, akandiceŋgeta panzira yandinoenda, akandipa ɀokudya, ndidye, neɀokufuka, ndifuke;

²¹ndikadzokera ɀe norugare kuimba yaɓaɓa ʋaŋgu, Jehova ucaʋa Mŋari waŋgu;

²²neriri ibge, randakamisa rikaʋa shoŋgwe, ricaʋa imba yaMŋari; neɀinhu ɀose ɀamucandipa, ɀirokwaɀo ndicakupai cegumi caɀo.