Read Original Shona Union Bible 1949 Baiberi Magwaro Matȿene aMŋari Genesi 29 Bible Online

Genesi 29 - Original Shona Union Bible 1949 Baiberi Magwaro Matȿene aMŋari bible

Genesi 29

¹Jakobo akasimuka’po, akaenda kunyika yaʋanhu ʋamabvazuʋa.

²Akatarira, akaʋona tsime kusaŋgo, namapoka matatu amakwai aʋete pasi pariri; nokuti ʋainwisa mapoka aʋo patsime irero; pamuromo wetsime irero pakaŋga panebge guru.

³Ndipapo paiʋuŋgana mapoka ose; ɀino ʋaikuŋgurusa ibge pamuromo wetsime, ʋakanwisa makwai aʋo, ʋacidzosera ɀe ibge pamuromo wetsime paʋugaro bgaro;

⁴Jakobo akati kwaʋari: Hama dzaŋgu, mabvepiko — Iʋo ʋakati: Tabva Harani.

⁵Iye akati kwaʋari: Munoziʋa Rabani, mŋanakomana waNahori, here — Ʋakati: Tinomuziʋa.

⁶Akati kwaʋari: Wakafara here — Iʋo ʋakati: Wakafara hake; hoyo Rakeri mukunda wake, woʋuya namakwai.

⁷Akati: Tarirai, aciri masikati makuru, ŋguʋa yokuʋuŋganidza ɀipfuwo icigere kuȿika; nwisai makwai, mugondoafudza.

⁸Iʋo ʋakati: Hatiŋgagoni kuȿikira mapoka ose aʋuŋganidzwa pamŋe cete, ibge rikakuŋguruswa pamuromo wetsime; ipapo tinonwisa makwai.

⁹Wakati acataura naʋo, Rakeri akaȿika namakwai aɓaɓa ʋake, nokuti ndiye waiʋa mufudzi wawo.

¹⁰Ɀino Jakobo wakati aciʋona Rakeri, mukunda waRabani, hanɀadzi yamai ʋake, Jakobo akasweɗera, akakuŋgurusa ibge pamuromo wetsime, akanwisa makwai aRabani, hanɀadzi yamai ʋake.

¹¹Jakobo akaȿeta Rakeri, akacema kwaɀo.

¹²Jakobo akaʋudza Rakeri kuti iye ihama yaɓaɓa ʋake, mŋanakomana waRebeka ipapo iye akamhanya, akandoʋudza ɓaɓa ʋake.

¹³Rabani wakati anzwa mashoko aJakobo, mŋanakomana wehanɀadzi yake, akamhanya kundosoŋgana naye, akamumbundikira, akamuȿeta, akamuisa kumba kwake. Iye akaʋudza Rabani ɀinhu iɀo ɀose.

¹⁴Rabani akati kwaari: Ɀirokwaɀo uri fupa raŋgu nenyama yaŋgu. Akagara naye mŋedzi wose.

¹⁵Ɀino Rabani akati kunaJakobo: Ko uŋgandiɓatira usiŋgapiwi muɓairo, nokuti uri hama yaŋgu here — Ndiʋudze kuti muɓairo wako uʋe weiko.

¹⁶Ɀino Rabani wakaŋga anaʋakunda ʋaʋiri; zita romukuru rakaŋga riri Rea, nezita romuɗuku Rakeri.

¹⁷Rea wakaŋga anameso akaneta, asi Rakeri wakaŋga akanaka kwaɀo pamuʋiri napaciso.

¹⁸Ɀino Jakobo wakaŋga aciɗa Rakeri, akati: Ndicakuɓatirai makore manomŋe pamsoro paRakeri, mukunda wenyu muɗuku.

¹⁹Rabani akati kwaari: Ɀirinani kuti ndimupe iwe, ndirege kumupa mumŋe murume; gara hako neni.

²⁰Jakobo akamuɓatira makore manomŋe pamsoro paRakeri: asi akaʋa samazuʋa mashoma kwaari, nokuti wakaŋga acimuɗa.

²¹Ɀino Jakobo akati kunaRabani: Ndipei mukadzi waŋgu, nokuti mazuʋa aŋgu aȿika, kuti ndipinde kwaari.

²²Rabani akakoka ʋanhu ʋose ʋo’ko, akaita mutambo.

²³Ɀino kuzoti aʋa maɗeko, akatora Rea, mukunda wake, akamuisa kwaari; iye akapinda kwaari.

²⁴Rabani akapa Rea, mukunda wake, Zirpa, murandakadzi wake, kuti aʋe mushandiri wake.

²⁵Ɀino maŋgwana akaʋona kuti ndiRea; akati kunaRabani: Cinyiko ici cawandiitira — Handina‐kukuɓatira pamsoro paRakeri here — Wandinyeŋgedzera seiko?

²⁶Rabani akati: Hakunzarwo ʋuno kweɗu, kuti munuŋuna ataŋge kuwaniswa, mukuru acigere.

²⁷Pedzisa viki yewaniso naiyeyi, tigokupa mumŋe ʋo pamsoro peɓasa raucandiɓatira mamŋe makore manomŋe ɀe.

²⁸Jakobo akaita saiɀoɀo, akapedza viki yewaniso naye; akamupa Rakeri, mukunda wake, kuti aʋe mukadzi wake.

²⁹Rabani akapa Rakeri, mukunda wake, Birha murandakadzi wake, kuti aʋe mushandiri wake.

³⁰Akapinda ʋo kunaRakeri, akaɗa Rakeri ʋo kupfuʋura Rea, akamuɓatira mamŋe makore manomŋe ɀe.

³¹Ɀino Jehova wakaʋona kuti Rea wakaŋga asiŋgaɗikanwi, akamuɓerekesa; asi Rakeri wakaŋga asiŋgaɓereki.

³²Rea akaʋa nemimba, akaɓereka mŋanakomana, akamutumidza zita rinonzi Rubeni; nokuti wakati: Jehova wakaʋona ɗambudziko raŋgu; nokuti ɀino murume waŋgu ucandiɗa.

³³Akaʋa nemimba ɀe, akaɓereka mŋanakomana, akati: Jehova wakanzwa kuti handiɗikanwi, naiɀoɀo wakandipa ʋo uyu; akamutumidza zita rinonzi Simeoni.

³⁴Akaʋa nemimba ɀe, akaɓereka mŋanakomana, akati: Ɀino ŋguʋa ino murume waŋgu ucandinamatira, nokuti ndamuɓerekera ʋanakomana ʋatatu; naiɀoɀo zita rake rakanzi Revi.

³⁵Akaʋa nemimba ɀe, akaɓereka mŋanakomana, akati: Ŋguʋa ino ndicarumbidza Jehova; naiɀoɀo wakamutumidza zita rinonzi Juda; akaguma kuɓereka.