Read Original Shona Union Bible 1949 Baiberi Magwaro Matȿene aMŋari Genesi 31 Bible Online

Genesi 31 - Original Shona Union Bible 1949 Baiberi Magwaro Matȿene aMŋari bible

Genesi 31

¹Ɀino wakanzwa mashoko aʋanakomana ʋaRabani, ʋaciti: Jakobo watora ɀose ɀaiʋa ɀaɓaɓa ʋeɗu; waɀiwanira fuma yose iyi kuneɀaiʋa ɀaɓaɓa ʋeɗu.

²Jakobo akaʋona ʋo kuti ciso caRabani cakaŋga cisakaita kwaari sapakutaŋga.

³Jehova akati kunaJakobo: Dzokera kunyika yamadziɓaɓa ako, nokuhama dzako; ini ndicaʋa newe.

⁴Ipapo Jakobo akatuma munhu kundoɗana Rakeri naRea ʋaʋuye kusaŋgo kuɀipfuwo ɀake;

⁵akati kwaʋari: Ndinoʋona kuti ciso caɓaɓa ʋenyu hacizakaita kwandiri sapakutaŋga; asi Mŋari waɓaɓa ʋaŋgu wakaŋga aneni.

⁶Munoziʋa kuti ndakaɓatira ɓaɓa ʋenyu nesimba raŋgu rose.

⁷Ƃaɓa ʋenyu ʋakandinyeŋgedzera, ʋakashandura muɓairo waŋgu kagumi; asi Mŋari haana‐kutendera kuti ʋandiitire ɀakaipa.

⁸Kana ʋakati: Ɀinamaʋara ŋgaɀiʋe muɓairo wako, ɀipfuwo ɀose ndokuɓereka ɀinamaʋara; kana ʋakati: Ɀinemitsetsa ŋgaɀiʋe muɓairo wako, ɀipfuwo ɀose ndokuɓereka ɀinemitsetsa.

⁹Naiɀoɀo Mŋari wakatorera ɓaɓa ʋenyu ɀipfuwo ɀaʋo, akandipa ini iɀo.

¹⁰Ɀino ɀipfuwo ɀakati ɀicitora mazamu, ndakatarira ndikaʋona pakurota kwaŋgu nhoŋgo, dzakaŋga dzicikwira ɀipfuwo, dzakaŋga dzinemitsetsa, namaʋara, nedzakaita pfumbu.

¹¹Ipapo mutumŋa waMŋari akati kwandiri pakurota kwaŋgu: Jakobo! Ini ndikati: Ndiri pano haŋgu.

¹²Akati: Ɀino tarira, uʋone, kuti nhoŋgo dzose, dzinokwira ɀipfuwo, dzinemitsetsa, namaʋara, dzakaita pfumbu; nokuti ndaɀiʋona ɀose Rabani ɀaanoita kwauri.

¹³Ndini Mŋari weBeteri, paya pawakazodza shoŋgwe, paya pawakandipikira mhiko; ɀino simuka, ubve munyika ino, udzokere kunyika kwawakaɓerekerwa.

¹⁴Ipapo Rakeri naRea ʋakapindura ʋakati kwaari: Ko ticinomugoʋe nenhaka kuimba yaɓaɓa ʋeɗu here?

¹⁵Hatizaʋa saʋatorwa kwaʋari here — Nokuti ʋakatiteŋgesa, ʋakapedza ʋo cose muteŋgo weɗu.

¹⁶Nokuti fuma yose, yakatorerwa ɓaɓa ʋeɗu naMŋari, ndeyeɗu neyaʋana ʋeɗu; naiɀoɀo ɀino ciita hako seɀawaʋudzwa naMŋari.

¹⁷Ipapo Jakobo akasimuka, akataȿisa ʋana ʋake naʋakadzi ʋake pamakamera;

¹⁸akatora ɀipfuwo ɀake ɀose, nefuma yake yose, yaakaŋga aʋuŋganidza, ɀipfuwo ɀaakaŋga apfuwa, ɀaakaŋga aʋuŋganidza paPadani‐arami, kuti aende kunaIsaka ɓaɓa ʋake, kunyika yeKanani.

¹⁹Ɀino Rabani wakaŋga aenda kundoʋeʋura makushe amakwai ake; Rakeri akaɓa cifananidzo cainamatwa caɓaɓa ʋake.

²⁰Jakobo akanyeŋgedzera Rabani, muAramia, nokuti haana‐kumuʋudza kuti ndotiza.

²¹Naiɀoɀo wakatiza neɀose ɀaakaŋga anaɀo; akasimuka, akayambuka Rwizi, akariŋgira kugomo reGiriadi.

²²Ɀino nomusi wetatu Rabani akaʋudzwa kuti Jakobo watiza.

²³Iye akaenda nehama dzake, akamuteʋerera rwendo rwamazuʋa manomŋe; akandomuɓata kugomo reGireadi.

²⁴Mŋari akaʋuya kunaRabani, muAramia, pakurota ʋusiku, akati kwaari: Cenjera, kuti urege kutaura kunaJakobo cinhu, kana cakanaka kana cakaipa.

²⁵Rabani akaȿika kunaJakobo. Ɀino Jakobo wakaŋga adzika tente rake mugomo; Rabani nehama dzake ʋakadzika matente aʋo ʋo mugomo reGireadi.

²⁶Ɀino Rabani akati kunaJakobo: Waita seiko iwe, nokuti wandinyeŋgedzera, ukaenda naʋakunda ʋaŋgu ʋakaita saʋakatapxa nomunondo?

²⁷Watizireiko pakaʋanda, ukandinyeŋgedzera; wakaregerei kundiʋudza, ndikakutendera kuti uende nomufaro, nenziyo, neŋgoma, noruɗimbga?

²⁸Hauna‐kunditendera kuti ndiȿete ʋanakomana ʋaŋgu naʋakunda ʋaŋgu. Ɀino waita seɓenzi.

²⁹Ndinesimba paruʋoko rwaŋgu rokukuitira ɀakaipa; asi Mŋari waɓaɓa ʋako wakataura neni ʋusiku bgazuro, akati: Cenjera, kuti urege kutaura kunaJakobo kana cakanaka kana cakaipa.

³⁰Ɀino, kana wakaɗa kuenda hako, ɀawakaŋga ucishuʋa ɀikuru imba yaɓaɓa ʋako, wagoɓireiko ʋamŋari ʋaŋgu?

³¹Jakobo akapindura, akati kunaRabani: Nokuti ndakaŋga ndicitya; nokuti ndakati: Ɀimŋe muŋganditorera ʋakunda ʋenyu nesimba.

³²Iye wamuŋgawana anaʋamŋari ʋenyu, ŋgaarege kurarama. Ɀino hama dzeɗu dziciri’ko, natsai kutȿaka ɀinhu ɀenyu ɀiri kwandiri, mugoɀitora; nokuti Jakobo wakaŋga asiŋgaziʋi kuti Rakeri wakaŋga aɀiɓa.

³³Ɀino Rabani akapinda mutente raJakobo, nomutente raRea, nomutente raʋarandakadzi ʋaʋiri, asi haana‐kuɀiwana. Ipapo akaɓuɗa patente raRea, akapinda patente raRakeri.

³⁴Ɀino Rakeri wakaŋga atora ʋamŋari, akaʋaisa mucigaro cekamera, akagara pamsoro paɀo. Rabani akaɓata‐ɓata pose mutente, asi haana‐kuɀiwana.

³⁵Iye akati kunaɓaɓa ʋake: Ishe waŋgu ŋgaarege kutsamŋa, nokuti handigoni kusimuka pamberi penyu; nokuti mutoʋo waʋakadzi uri kwandiri. Iye akatȿakisisa, asi haana‐kuwana ʋamŋari.

³⁶Ɀino Jakobo akatsamŋa, akapopotera Rabani; Jakobo akapindura akati kunaRabani: Kuɗarika kwaŋgu ndokweiko — Ko kutadza kwaŋgu ndokwei, ɀamanditeʋera neshuŋgu dzakaɗai?

³⁷Ɀino ɀamaɓata‐ɓata nhumbi dzaŋgu dzose, magowaneiko panhumbi dzose ɀokumba kwenyu — Ɀiisei pano pamberi pehama dzaŋgu nedzenyu, ʋatoŋge pakati peɗu isu ʋaʋiri.

³⁸Ndakagara nemi makore aya makumi maʋiri; matunɀi enyu amakwai nenhunɀi dzenyu dzembudzi haɀina‐kuȿodza, makondobge enyu amakwai handinakuadya.

³⁹Ɀakarumŋa neɀikara handina‐kuʋuya naɀo kwamuri; asi ndakaɀiripa ini; makaɀireʋa pamaʋoko aŋgu, kana ɀakaɓiwa masikati, kana ɀakaɓiwa ʋusiku.

⁴⁰Masikati ndakafa nezuʋa, ʋusiku necando; hope dzaŋgu dzikabva kumeso aŋgu.

⁴¹Makore aya makumi maʋiri ndakagara mumba menyu; ndakakuɓatirai makore anegumi namanna pamsoro paʋakunda ʋenyu ʋaʋiri, namakore matanhatu pamsoro peɀipfuwo ɀenyu; makashandura muɓairo waŋgu kagumi.

⁴²Ƌai Mŋari waɓaɓa ʋangu, Mŋari waAbrahama, iye wakatyiwa naIsaka, asaiʋa neni, ɀirokwaɀo muŋgaɗai maindiendisa ndisinecinhu. Mŋari wakaʋona kutambudzika kwaŋgu namaɓasa amaʋoko aŋgu, akakurairai ʋusiku bgazuro.

⁴³Rabani akapindura, akati kunaJakobo: Ʋakunda aʋa ʋakunda ʋaŋgu; ʋana aʋa ʋana ʋaŋgu; ɀipfuwo iɀi ɀipfuwo ɀaŋgu, neɀose ɀaunoʋona ndeɀaŋgu; nhasi ndiŋgaitei kuʋakunda ʋaŋgu aʋa, kana ʋana ʋaʋo ʋaʋakaɀara?

⁴⁴Ʋuya ɀino ŋgatiite suŋgano, ini newe; ciʋe capupu pakati paŋgu newe.

⁴⁵Jakobo akatora ibge, akarimisa, rikaʋa shoŋgwe.

⁴⁶Jakobo akati kuhama dzake: Ʋuŋganidzai mabge; iʋo ʋakatora mabge, ʋakaita murwi; ʋakadya ipapo pamurwi.

⁴⁷Rabani akautumidza Jegari‐sahaduta; asi Jakobo wakautumidza Garidi.

⁴⁸Rabani akati: Murwi uyu ŋgaciʋe capupu pakati paŋgu newe zuʋa ranhasi. Naiɀoɀo wakatumidzwa zita rinonzi Garidi;

⁴⁹ʋuye ʋo Mizpa, nokuti wakati: Jehova ŋgaarinde pakati paŋgu newe, kana tisiŋgaʋonani.

⁵⁰Kana ukazotambudza ʋakunda ʋaŋgu, kana kuwana ʋamŋe ʋakadzi kunze kwaʋakunda ʋaŋgu, hakunomunhu ucaʋa nesu; asi tarira, Mŋari ndico capupu pakati paŋgu newe.

⁵¹Ɀino Rabani akati kunaJakobo: Tarira murwi uyu, tarira shoŋgwe iyi, yandakamisa pakati paŋgu newe.

⁵²Murwi uyu cicaʋa capupu, neshoŋgwe iyi cicaʋa capupu, kuti ini handiŋgapfuʋuri murwi uyu ndicienda kwauri, newe kuti urege kupfuʋura murwi uyu, neshoŋgwe iyi, ucienda kwandiri, kuti tiitirane ɀakaipa.

⁵³Mŋari waAbrahama, Mŋari waNahori, Mŋari waɓaɓa ʋaʋo, ŋgaatoŋge pakati peɗu. Jakobo akapika naiye waityiwa naIsaka, ɓaɓa ʋake.

⁵⁴Ipapo Jakobo akaɓayira ciɓayiro mugomo; akakoka hama dzake kuti ʋadye ɀokudya; ʋakadya ɀokudya, ʋakaʋata ʋusiku mugomo.

⁵⁵Rabani akamuka maŋgwanani, akaȿeta ʋanakomana ʋake naʋakunda ʋake, akaʋaropafadza; Rabani akabva, akadzokera kumusha kwake.