Read Original Shona Union Bible 1949 Baiberi Magwaro Matȿene aMŋari Genesi 33 Bible Online

Genesi 33 - Original Shona Union Bible 1949 Baiberi Magwaro Matȿene aMŋari bible

Genesi 33

¹Ɀino Jakobo akasimudza meso ake, akatarira, akaʋona Esau aciʋuya anaʋarume ʋanamazana manna. Akagoʋera ʋana kunaRakeri naRea naʋarandakadzi ʋaʋiri.

²Akaisa ʋarandakadzi naʋana ʋaʋo mberi, Rea naʋana ʋake shure kwaʋo, naRakeri naJosefa pakupedzisira.

³Iye amene akapfuʋura aciʋatuŋgamirira, akakotamira pasi kaŋomŋe, kuȿikira asweɗera pedyo nomukuru wake.

⁴Ipapo Esau akamhanyira kundosoŋgana naye, akamumbundikira, akawira pamutsipa wake, ndokumuȿeta; ʋakacema ʋose.

⁵Akasimudza meso ake, akaʋona ʋakadzi naʋana, akati: Aʋa ʋaunaʋo ndiʋanani — Iye akati: Ndiʋo ʋana ʋakapiwa muranda wenyu naMŋari nenyasha dzake.

⁶Ʋarandakadzi ʋakasweɗera, iʋo naʋana ʋaʋo, ʋakakotama.

⁷NaRea naʋana ʋake ʋakasweɗera ʋo, ʋakakotama; pashure Josefa naRakeri ʋakasweɗera, ʋakakotama.

⁸Akati: Ko ɓoka iri rose randasoŋgana naro ndereiko — Iye akati: Kuti ndiwane nyasha kunashe waŋgu.

⁹Esau akati: Ini ndineɀizhinji, munuŋuna waŋgu; iɀo ɀaunaɀo, ŋgaɀiʋe ɀako.

¹⁰Jakobo akati: Kwete, kana ndawana nyasha kwamuri ɀino, ndinokumbiro kuti mugamucire cipo caŋgu paruʋoko rwaŋgu; nokuti ndaʋona ciso cenyu, cikaita seciso caMŋari, mukafara neni.

¹¹Gamucirai henyu cipo caŋgu camunopiwa; nokuti Mŋari wakandiitira nyasha, ndineɀizhinji. Akamugwaririra, akazocitora.

¹²Akati: Ŋgatipfuʋure heɗu parwendo rweɗu, tiende, ini ndicakutuŋgamirira.

¹³Iye akati kwaari: Ishe waŋgu unoziʋa kuti ʋana ʋaciri ʋaɗuku, ʋuye kuti makwai neŋombe ɀandinaɀo ɀinomŋisa; kana ʋakaɀitinhisa zuʋa rimŋe, ɀipfuwo ɀose ɀicafa.

¹⁴Ishe waŋgu ŋgaapinde hake mberi kwomuranda wake; ini ndicanatso‐ɀisesedza seɀaɀinogona kufamba, iɀi ɀipfuwo ɀiri pamberi paŋgu, naʋana seɀaʋanogona kufamba, kudzimana ndaȿika kunashe waŋgu paSeiri.

¹⁵Esau akati: Ɀino ŋgandisiye kwauri ʋamŋe ʋanhu ʋandinaʋo. Iye akati: Mucaitireiko kuɗaro — Ndiwane haŋgu nyasha kunashe waŋgu.

¹⁶Naiɀoɀo Esau akadzoka zuʋa iro, akaenda Seiri.

¹⁷Asi Jakobo wakaenda Sukoti, akaɀiʋakira imba, akaitira ɀipfuwo ɀake mataŋga; naiɀoɀo zita renɀimbo iyo rakanzi Sukoti.

¹⁸Jakobo akaȿika ɀakanaka kuguta reShekemi, riri panyika yeKanani, pakubva kwake paPadani‐arami; akadzika matente ake pakatarisana neguta.

¹⁹Akateŋga rutiʋi rwenyika, paakaŋga apetenura tente rake, kuʋana ʋaHamori, ɓaɓa ʋaShekemi, nezana remari.

²⁰Akaʋaka’po artari, akaritumidza zita rinonzi Eri‐erohe‐Israeri.