Read Original Shona Union Bible 1949 Baiberi Magwaro Matȿene aMŋari Genesi 34 Bible Online

Genesi 34 - Original Shona Union Bible 1949 Baiberi Magwaro Matȿene aMŋari bible

Genesi 34

¹Ɀino Dina, mŋanasikana waRea, waakaɓerekera Jakobo, wakaɓuɗa kundoʋona ʋakunda ʋenyika iyo.

²Ipapo Shekemi, mŋanakomana waHamori, muHivi, mucinda wenyika, wakamuʋona; akamutora, akaʋata naye, akamunyadza.

³Mŋeya wake ukanamatira Dina, mukunda waJakobo, akamuɗa musikana uyo, akataura ɀakafadza mŋoyo womusikana.

⁴Ɀino Shekemi akataura naɓaɓa ʋake, Hamori, akati: Nditorerei musikana uyo, aʋe mukadzi waŋgu.

⁵Ɀino Jakobo wakanzwa kuti wakacinya Dina, mukunda wake; ʋanakomana ʋake ʋakaŋga ʋari kuɀipfuwo ɀake kusaŋgo, Jakobo akanyarara hake kuȿikira ʋaʋuya.

⁶Hamori, ɓaɓa ʋaShekemi, ʋakaenda kunaJakobo kundotaurirana naye.

⁷Ʋakati ʋacinzwa iɀoɀo ʋanakomana ʋaJakobo ʋakaʋuya ʋacibva kusaŋgo; ɀino ʋarume aʋa ʋakaŋga ʋaneshuŋgu kwaɀo, ʋakatsamŋa ɀikuru, nokuti wakaŋga aita cinhu cakaipa kwaɀo pakati paʋaIsraeri kuti aʋate nomukunda waJakobo; cinhu ico cakaŋga cisiŋgafaniri kuitwa.

⁸Ɀino Hamori akataurirana naʋo, akati: Mŋeya womŋanakomana waŋgu, Shekemi, unoshuʋa mukunda wenyu; ɗomupai henyu iye, aʋe mukadzi wake.

⁹Wananai henyu nesu, tipei ʋakunda ʋenyu, mugotora ʋakunda ʋeɗu.

¹⁰Garai henyu nesu, nyika icaʋa pamberi penyu; garai’mo, mushambadzire, muɀiʋuŋganidzire’mo fuma.

¹¹Ipapo Shekemi akati kunaɓaɓa ʋake nokuhanɀadzi dzake: Ndiwane haŋgu nyasha kwamuri; ɀamunoreʋa kwandiri, ndicakupai.

¹²Kumbirai henyu kwandiri roʋoro huru necipo cikuru; ɀamunoreʋa kwandiri ndicakupai; asi ndipei musikana aʋe mukadzi waŋgu.

¹³Ipapo ʋana ʋaJakobo ʋakapindura Shekemi naHamori, ɓaɓa ʋake, nokunyeŋgera, ʋakataura nokuti wakaŋga acinya hanɀadzi yaʋo Dina,

¹⁴ʋakati kwaʋari: Hatiŋgagoni kuita cinhu ici, kuti tipe munhu usina‐kudziŋgiswa hanɀadzi yeɗu, nokuti iɀeɀo ɀiŋgatinyadza;

¹⁵tiŋgatenderana nemi kwoga kana mukaita cinhu ici, kuti muʋe sesu, murume mumŋe nomumŋe uri kwamuri adziŋgiswe;

¹⁶ipapo isu ticakupai ʋakunda ʋeɗu, nesu ʋo ticatora ʋakunda ʋenyu; tigare nemi, tiʋe saʋanhu ʋamŋe.

¹⁷Kana musiŋgatitereri, kuti mudziŋgiswe, ticatora mukunda weɗu, tikabva.

¹⁸Mashoko aʋo akafadza Hamori naShekemi, mŋanakomana waHamori.

¹⁹Jaya harina‐kunonoka kuita cinhu ico, nokuti wakaŋga acifarira mukunda waJakobo; naiye wakaŋga acikudzwa kupfuʋura ʋose ʋeimba yose yaɓaɓa ʋake.

²⁰Ɀino Hamori naShekemi, mŋanakomana wake, ʋakaʋuya kusuʋo reguta raʋo, ʋakataurirana naʋanhu ʋeguta raʋo, ʋakati:

²¹Ʋanhu aʋa ʋanorugare nesu; naiɀoɀo ŋgaʋagare haʋo munyika ino, ʋashambadzire’mo; nokuti tarirai nyika inoʋariŋgana; ŋgatitore ʋakunda ʋaʋo ʋaʋe ʋakadzi ʋeɗu, nesu tiʋape ʋakunda ʋeɗu.

²²Asi ʋanhu aʋa ʋacatenderana nesu kugara nesu, nokuita saʋanhu ʋamŋe nesu, kwoga kana ticiita cinhu ici, kuti ʋarume ʋose kwatiri ʋadziŋgiswe, seɀaʋakadziŋgiswa iʋo.

²³Ko ŋombe dzaʋo, nefuma yaʋo, neɀipfuwo ɀaʋo ɀose haɀicaʋi ɀeɗu here — Ŋgatitenderane naʋo kwoga, ʋagogara nesu.

²⁴Ɀino ʋose ʋaiɓuɗa pasuʋo reguta rake ʋakaterera Hamori, naShekemi, mŋanakomana wake; ipapo ʋarume ʋose ʋakadziŋgiswa, ʋose ʋaiɓuɗa pasuʋo reguta rake.

²⁵Ɀino pazuʋa retatu, ʋaciri pakurwadziwa, ʋanakomana ʋaʋiri ʋaJakobo, Simeoni naRevi, hanɀadzi dzaDina, ʋakatora mumŋe nomumŋe munondo wake, ʋakapinda muguta ʋanhu ʋasiŋgarindiri, ʋakaʋuraya ʋarume ʋose.

²⁶Ʋakaʋuraya naHamori naShekemi, mŋanakomana wake, neminondo inopinza, ʋakatora Dina mumba maShekemi, ʋakaenda.

²⁷Ʋanakomana ʋaJakobo ʋakaenda kunaʋakaʋurawa, ʋakapamba guta, nemhaka yokuti ʋakaŋga ʋacinya hanɀadzi yaʋo.

²⁸Ʋakatora makwai aʋo, neŋombe dzaʋo, nemboŋgoro dzaʋo, neɀakaŋga ɀiri muguta, neɀakaŋga ɀiri kusaŋgo;

²⁹ʋakatapa fuma yaʋo yose, naʋana ʋaʋo ʋaɗuku, naʋakadzi ʋaʋo, ʋakaɀiita mhambara, neɀinhu ɀose ɀakaŋga ɀiri mudzimba.

³⁰Ipapo Jakobo akati kunaSimeoni naRevi: Manditorera mufaro, ɀamandinhuwisa pakati paʋanhu ʋanogara munyika ino, pakati paʋaKanani naʋaPeresi; ini ɀandinaʋanhu ʋashoma, ʋacandiʋuŋganira, ʋakandiʋuraya; ndicaparadzwa ini naʋeimba yaŋgu.

³¹Iʋo ʋakati: Iye wagoitireiko nehanɀadzi yeɗu seɀinoitwa necifeʋe?