Read Original Shona Union Bible 1949 Baiberi Magwaro Matȿene aMŋari Genesi 41 Bible Online

Genesi 41 - Original Shona Union Bible 1949 Baiberi Magwaro Matȿene aMŋari bible

Genesi 41

¹Makore maʋiri akati apera cose, Farao akarota hope; akaɀiʋona amire parwizi.

²Akaʋona mhou nomŋe dzicikwira dziciɓuɗa murwizi, dzakaŋga dzakanaka, dzakakora; dzikafura pakati penhokwe.

³Ɀino akaʋona dzimŋe mhou nomŋe dzicikwira mashure madzo, dzicibva murwizi, dzakaŋga dzakaipa, dzakawonda; dzikamira nedzimŋe mhou pamhenderekedzo yorwizi.

⁴Ɀino mhou dzakaipa, dzakawonda, dzikadya mhou dziya nomŋe dzakanaka, dzakakora. Farao akapepuka.

⁵Akaʋata ɀe, akarota rwecipiri; akaʋona hura nomŋe dzeɀiyo dzakaŋga dzatumbuka padzinde rimŋe, dzakaŋga dzakakora, dzakanaka,

⁶akaʋona hura nomŋe, dzakaŋga dzakatetepa, dzakaŋga dzapiswa nemhepo yokumabvazuʋa, dziciɓuɗa shure kwadzo.

⁷Ɀino hura dzakatetepa dzikamedza hura nomŋe dzakakora, dzakaŋga dzizere. Farao akapepuka, akaʋona kuti warota.

⁸Ɀino fume maŋgwana mŋeya wake ukatambudzika, akatuma ʋanhu kundoɗana ŋaŋga dzose dzeEgipita naʋakacenjera ʋose ʋo’ko; Farao akaʋaʋudza kurota kwake; asi kwakaŋga kusinomunhu waigona kuɀiɗudzira kunaFarao.

⁹Ipapo mukuru waʋaɗiri akaʋudza Farao, akati: Nhasi ndinoraŋgarira kutadza kwaŋgu;

¹⁰Farao wakaŋga akatsamŋira ʋaranda ʋake, mukandisuŋga, ndikaceŋgetwa mumba momukuru waʋarindi, ini nomukuru waʋaɓiki;

¹¹tikarota hope noʋusiku ʋumŋe, ini naiye; tikarota mumŋe nomumŋe hope dzineɗudziro yadzo.

¹²Ɀino ipapo pakaŋga panesu jaya romuHeberu, muranda womukuru waʋarindi; tikamuʋudza, iye akatiɗudzira kurota kweɗu; akaɗudzira mumŋe nomumŋe seɀaakarota.

¹³Ɀikazoitika seɀaakatiɗudzira; ini ndikadzoserwa kuɓasa raŋgu, asi iye wakasuŋgirirwa.

¹⁴Ipapo Farao akatuma munhu kundoɗana Josefa, ʋakakurumidza kumuɓuɗisa mugomba; ʋakaʋeʋura ndebvu dzake nokumufukidza dzimŋe ŋguʋo; akapinda kunaFarao.

¹⁵Farao akati kunaJosefa: Ndarota hope, asi hakunomunhu unogona kundiɗudzira idzo; ɀino ndanzwa kuti iwe, kana wanzwa kurota, unogona kuɀiɗudzira.

¹⁶Josefa akapindura Farao, akati: Kwete, handizi’ni; Mŋari ndiye uŋgapa Farao ɗudziro yorugare.

¹⁷Farao akarondedzera kunaJosefa, akati: Pakurota kwaŋgu ndakaɀiʋona ndimire pamhenderekedzo yorwizi;

¹⁸ndikaʋona murwizi muciɓuɗa mhou nomŋe, dzakaŋga dzakakora, dzakanaka; dzikafura pakati penhokwe;

¹⁹ndikaʋona ɀe dzimŋe mhou nomŋe dzicikwira shure kwadzo dzinenzara, dzakaipa kwaɀo, dzakawonda, handina‐kumboʋona dzakaipa dzakaɗai panyika yose yeEgipita.

²⁰Ɀino mhou idzo dzakawonda, dzakaipa, dzikadya mhou dziya dzakakora dzokutaŋga;

²¹dzakat dzadzidya, hadzina‐kutoŋgozikanwa kuti dzadzidya; asi dzakaŋga dzakaŋgoipa sapakutaŋga. Ɀino ndikapepuka.

²²Ndikaʋona ɀe pakurota kwaŋgu hura nomŋe dzakaŋga dzatumbuka padzinde rimŋe, dzizere, dzakanaka;

²³ndikaʋona ɀe dzimŋe hura nomŋe, dzakawoma, dzakatetepa, dzakapiswa nemhepo yokumabvazuʋa, dziciɓuɗa shure kwadzo.

²⁴Hura idzo dzakatetepa dzikamedza hura nomŋe dzakanaka; ndikaʋudza ŋaŋga, asi kwakaŋga kusinomunhu wakagona kundiɗudzira iɀoɀo.

²⁵Ipapo Josefa akati kunaFarao: Kurota kwaFarao ndokumŋe; iɀo Mŋari ɀaanoɗa kuita, ndiɀo ɀaakaziʋisa Farao.

²⁶Mhou nomŋe dzakanaka makore manomŋe, nehura nomŋe dzakanaka makore manomŋe ʋo; kurota ndokumŋe.

²⁷Mhou nomŋe dzakawonda, dzakaipa, dzakakwira shure kwaidzedzo, makore manomŋe, nehura nomŋe dzakaputa, dzakapiswa nemhepo yokumabvazuʋa, acaʋa makore manomŋe enzara.

²⁸Ndiro shoko randataura kunaFarao; iɀo Mŋari ɀaanoɗa kuita, ndiɀo ɀaakaratidza Farao.

²⁹Tarirai, kunoʋuya makore manomŋe amaguta kwaɀo panyika yose yeEgipita;

³⁰shure kwaiwayo kucateʋera makore manomŋe enzara; ipapo maguta ose acakaŋganikwa panyika yeEgipita; nzara icapedza nyika;

³¹maguta haaŋgazozikanwi munyika nokuɗa kwenzara iyo inozoteʋera, nokuti icanyanya kwaɀo.

³²Kurota uku kwakapamhidzwa kunaFarao kaʋiri, nokuti iɀoɀo ɀakatarwa naMŋari, ʋuye Mŋari ucakurumidza kuɀiita.

³³Naiɀoɀo Farao ŋgaatȿake munhu wakaŋgwara, wakacenjera, amuite muɓati wenyika yeEgipita.

³⁴Farao ŋgaaite iɀoɀo, ŋgaaise ʋatariri panyika yose, atore ceshanu ceɀiyo ɀenyika yeEgipita pamakore manomŋe eguta.

³⁵Ŋgaʋaʋuŋganidze ɀokudya ɀose ɀamakore iwayo akanaka anoʋuya, ʋaʋige ɀiyo nomurairo waFarao, ɀiʋe ɀokudya mumaguta; ʋaɀiceŋgete.

³⁶Ɀokudya iɀo ɀicaceŋgeterwa nyika makore manomŋe enzara, icazoʋa’po panyika yeEgipita, kuti nyika irege kuparadzwa nenzara.

³⁷Cinhu ici cakaŋga cakanaka kunaFarao naʋaranda ʋake ʋose.

³⁸Farao akati kuʋaranda ʋake: Ko tiŋgawana mumŋe munhu wakafanana noyuyu, unomŋeya waMŋari maari here?

³⁹Farao akati kunaJosefa: Mŋari ɀaakakuratidza iɀoɀo ɀose, hapanomunhu wakaŋgwara, wakacenjera sewe;

⁴⁰ndiwe ucaʋa muɓati weimba yaŋgu; ʋanhu ʋaŋgu ʋose ʋacarairwa neshoko rako; asi pacigaro caŋgu coʋushe ndi’po pandicaʋa mukuru kwauri.

⁴¹Ɀino Farao akati kunaJosefa: Tarira, ndakuita muɓati panyika yeEgipita yose.

⁴²Farao akabvisa cimhete cake paruʋoko rwake, akaciisa paruʋoko rwaJosefa, akamufukidza ŋguʋo dzomuceka wakanakisa, akamushoŋgedza ciketani cendarama pamutsipa wake;

⁴³akamufambisa neŋgoro yecipiri yaakaŋga anayo; ʋakaɗanidzira pamberi pake, ʋaciti: Fugamai! Akamuita muɓati wenyika yose yeEgipita.

⁴⁴Farao akati kunaJosefa: Ndini Farao, asi kunze kwako hapanomunhu ucasimudza ruʋoko rwake kana rutsoka rwake panyika yose yeEgipita.

⁴⁵Farao akatumidza Josefa zita rinonzi Zafanati‐panea; akamupa Asenati, mukunda waPotifera, muprista weOni, aʋe mukadzi wake. Josefa akaɓuɗa, akafamba nenyika yose yeEgipita.

⁴⁶Ɀino Josefa wakaŋga anamakore makumi matatu, ŋguʋa yaakamira pamberi paFarao, mambo weEgipita. Josefa akaɓuɗa pamberi paFarao, akafamba, akapota nenyika yose yeEgipita.

⁴⁷Nyika ikaɓereka ɀizhinji‐zhinji namakore manomŋe amaguta.

⁴⁸Akaʋuŋganidza ɀokudya ɀose ɀamakore manomŋe, akaŋga ari’po panyika yeEgipita, akaʋiga ɀokudya mumaguta; ɀokudya ɀeminda yakaŋga yakapoteredza guta rimŋe nerimŋe, wakaɀiʋiga’mo.

⁴⁹Josefa akaʋiga ɀiyo, ɀikaita sejeca reguŋgwa, ɀizhinji‐zhinji, kuȿikira akarega kuɀiʋereŋga; nokuti ɀakaŋga ɀisiŋgagoni kuʋereŋgwa.

⁵⁰Ɀino gore renzara risati raȿika, Josefa wakaɓerekerwa ʋanakomana ʋaʋiri, ʋaakaɓerekerwa naAsenati, mukunda waPotifera, muprista weOni.

⁵¹Josefa akatumidza weɗaŋgwe zita rinonzi Manase, aciti: Nokuti Mŋari wakandikaŋganwisa kutambudzika kwaŋgu kwose, neimba yaɓaɓa ʋaŋgu yose.

⁵²Zita rowecipiri wakaritumidza Efraimi, aciti: Nokuti Mŋari wakandiɓerekesa ʋana panyika yokutambudzika kwaŋgu.

⁵³Ɀino makore manomŋe amaguta, akaŋga aʋa’po panyika yeEgipita, akapera.

⁵⁴Makore manomŋe enzara akataŋga kuȿika, seɀakataura Josefa; nzara ikaʋa’po panyika dzose; asi panyika yose yeEgipita pakaŋga paneɀokudya.

⁵⁵Ɀino ʋanhu ʋose ʋeEgipita ʋofa nenzara, ʋakacemera ɀokudya kunaFarao; Farao akati kunaʋose ʋeEgipita: Endai kunaJosefa; itai ɀaanotaura kwamuri.

⁵⁶Nzara ikaʋa’po panyika dzose; Josefa akazarura matura ose, akateŋgesera ʋaEgipita; nokuti nzara yakaŋga yakanyanya panyika yeEgipita.

⁵⁷Ʋanhu ʋenyika dzose ʋakaenda Egipita kunaJosefa kuzoteŋga ɀiyo; nokuti nzara yakaŋga yakanyanya panyika dzose.