Read Original Shona Union Bible 1949 Baiberi Magwaro Matȿene aMŋari Genesi 43 Bible Online

Genesi 43 - Original Shona Union Bible 1949 Baiberi Magwaro Matȿene aMŋari bible

Genesi 43

¹Ɀino nzara yakaŋga iri huru munyika iyo.

²Ɀino ʋakati ʋapedza ɀiyo, ɀaʋakaŋga ʋabva naɀo Egipita, ɓaɓa ʋaʋo ʋakati kwaʋari: Dzokai, endai ɀe mutiteŋgere ɀokudya ɀishoma.

³Juda akataura naʋo, akati: Murume uya wakatinyeʋera kwaɀo, akati: Hamuŋgatoŋgoʋoni ciso caŋgu, kana munuŋuna wenyu asati anemi.

⁴Kana mukatuma munuŋuna weɗu nesu, ticaɓuruka, kundoteŋga ɀokudya;

⁵asi kana musiŋgamutumi, hatiŋgaɓuruki; nokuti murume uya wakati kwatiri: Hamuŋgaʋoni ciso caŋgu, kana munuŋuna wenyu asati anemi.

⁶Israeri akati: Makandiitireiko ɀakaipa ɀakaɗai, ɀamakaʋudza murume uya kuti munomunuŋuna?

⁷Iʋo ʋakati: Murume uya wakatibvunzisisa pamsoro peɗu, napamsoro pehama dzeɗu, akati: Ƃaɓa ʋenyu ʋapenyu here — Munomunuŋuna here — Tikamupindura namashoko awa; taigoziʋa here kuti ucati: Ƃurukai nomunuŋuna wenyu?

⁸Ɀino Juda akati kunaIsraeri, ɓaɓa ʋake: Tumai henyu mukomana neni, tisimuke, tiende, tirarame, tirege kufa, isu nemi, naʋanana ʋeɗu.

⁹Ini ndicaʋa ruɓatso rwake; muŋgamureʋa paruʋoko rwaŋgu; kana ndikasaʋuya naye, ndikamuisa pamberi penyu, ini ndicaʋa nemhoȿa kwamuri nokusiŋgaperi.

¹⁰Nokuti ɗai tisina‐kunonoka, ɀirokwaɀo, tiŋgaɗai tadzoka ɀino rwecipiri.

¹¹Ipapo Israeri, ɓaɓa ʋaʋo, akati kwaʋari: Kana ɀakaɗaro, itai cinhu ici: Torai micero yakanaka yenyika mumidziyo yenyu, muɓuruke necipo kumunhu uyo, cebarsami shomanene, noʋuci ʋushomanene, neɀinonhuwira, nemura, nemicero yomuti wepistakio, namaamanda;

¹²mutore mari yakapamhidzwa kaʋiri mumaʋoko enyu, neiya mari yakaŋga yadzoserwa mumiromo yehomo dzenyu, muende makaiɓata mumaʋoko enyu; ɀimŋe ʋakakaŋganisa.

¹³Nomunuŋuna wenyu mumutorei, musimuke, mudzokere kumurume uyo;

¹⁴Mŋari wamasimba ose ŋgaakupei nyasha pamberi pomurume uyo, akusunuŋgurirei mumŋe munuŋuna wenyu naBenjamini ʋo. Kana ndatorerwa ʋana ʋaŋgu, ndatorerwa haŋgu.

¹⁵Ɀino ʋarume ʋakatora cipo ico, ʋakaɓata mumaʋoko aʋo mari yakapamhidzwa kaʋiri, naBenjamini, ʋakasimuka, ʋakaɓurukira Egipita, ʋakandomira pamberi paJosefa.

¹⁶Ɀino Josefa wakati aciʋona Benjamini anaʋo, akati kumutariri weimba yake: Ʋuya naʋarume mumba, uɓaye, ugadzire; nokuti ʋarume aʋa ʋacadya neni masikati.

¹⁷Murume uyo akaita seɀaakaʋudzwa naJosefa; murume uyo akaisa ʋarume aʋo mumba maJosefa.

¹⁸Ʋarume ʋakatya, ɀaʋakaiswa mumba maJosefa, ʋakati: Tinoiswa’mo nokuɗa kwemari yakadzoserwa muhomo dzeɗu paŋguʋa yokutaŋga, kuti atȿake mhoȿa kwatiri, atiʋambe, nokutiita ʋaranda ʋake, acitora ʋo mboŋgoro dzeɗu.

¹⁹Ipapo ʋakasweɗera kumutariri weimba yaJosefa, ʋakataura naye pamukoʋa weimba;

²⁰ʋakati: Haiwa, ishe weɗu, ɀirokwaɀo paŋguʋa yokutaŋga takaɓuruka kuzoteŋga ɀokudya;

²¹tikati ticiȿika patakaʋata ʋusiku, tikasunuŋgura homo dzeɗu, ʋonei mari yomumŋe nomumŋe iri mumuromo wehomo yake, mari yeɗu yose seɀayakayerwa; ɀino tadzoka nayo pamaʋoko eɗu.

²²Ɀino taɓuruka tineimŋe mari ɀe mumaʋoko eɗu kuti titeŋge ɀokudya nayo; hatiziʋi kuti mari yeɗu yakaiswa muhomo dzeɗu nani.

²³Iye akati: Farai henyu, musatya; Mŋari wenyu, Mŋari waɓaɓa ʋenyu, wakakupai fuma muhomo dzenyu; mari yenyu yakaȿika kwandiri. Akaʋaɓuɗisira Simeoni.

²⁴Murume uyo akaisa ʋarume aʋo muimba yaJosefa, akaʋapa mvura, ʋakashambidza tsoka dzaʋo, akapa ʋo mboŋgoro dzaʋo ɀokudya.

²⁵Ʋakagadzira cipo kuȿikira kuʋuya kwaJosefa masikati, nokuti ʋakaŋga ʋanzwa kuti ʋacadya ɀokudya ipapo.

²⁶Josefa wakati aȿika kumba, ʋakapinda mumba necipo cakaŋga ciri mumaʋoko aʋo, ʋakakotamira pasi pamberi pake.

²⁷Iye akaʋabvunza mufaro waʋo, akati: Ƃaɓa ʋenyu ʋakafara here, uya mutana wamaireʋa — Ʋaciri ʋapenyu here?

²⁸Iʋo ʋakati: Muranda wenyu, ɓaɓa ʋeɗu, ʋakafara haʋo, ʋaciri ʋapenyu. Ʋakakotama, ʋakanamata.

²⁹Iye akasimudza meso ake, akaʋona Benjamini, munuŋuna wake, mŋanakomana wamai ʋake, akati: Ndiye here munuŋuna wenyu muɗuku, worugotwe, wamakandiʋudza — Akati: Mŋari ŋgaaʋe nenyasha newe, mŋana waŋgu.

³⁰Ɀino Josefa akakurumidza, nokuti mŋoyo wake wakacema munuŋuna wake, akatȿaka paaŋgacema; akapinda muimba yake yomukati, akacema’po.

³¹Akazoshambidza ciso cake, akaɓuɗa ɀe, akaɀidzora, akati: Pakurai ɀokudya.

³²Ʋakamupakurira iye oga, naiʋo ʋoga, naʋaEgipita, ʋaisidya naye, ʋoga ʋo, nokuti ʋaEgipita haʋana‐kutenderwa kudya naʋaHeberu, nokuti ɀinonyaŋgadza kunaʋaEgipita.

³³Ʋakagara pamberi pake, weɗaŋgwe paʋuɗaŋgwe bgake, nomuɗuku kunaʋose paʋuɗuku bgake; ʋarume ʋakatarirana, ʋakashamiswa.

³⁴Akaʋagoʋera ɀokudya ɀakaŋga ɀiri pamberi pake, asi mugoʋe waBenjamini wakaenzana nowaʋashanu ʋaʋo. Ʋakanwa, ʋakafara naye.