Read Original Shona Union Bible 1949 Baiberi Magwaro Matȿene aMŋari Genesi 46 Bible Online

Genesi 46 - Original Shona Union Bible 1949 Baiberi Magwaro Matȿene aMŋari bible

Genesi 46

¹Ɀino Israeri wakabva neɀose ɀaakaŋga anaɀo, akaȿika Beeri‐sheba, akaɓayira Mŋari waɓaɓa ʋake Isaka ɀiɓayiro.

²Mŋari akataura naIsraeri neɀiratidzo ʋusiku, akati: Jakobo! Jakobo! Iye akati: Ndiri pano haŋgu.

³Akati: Ndini Mŋari, iye Mŋari waɓaɓa ʋako; usatya hako kuɓurukira Egipita; nokuti ndicakuita rudzi rukuru ikoko;

⁴ndicaɓurukira Egipita newe, ndigokudzosa ɀe ɀirokwaɀo; Josefa ndiye ucatsika meso ako.

⁵Jakobo akasimuka, akabva Beeri‐sheba; ʋanakomana ʋaIsraeri ʋakatakura Jakobo, ɓaɓa ʋaʋo, naʋana ʋaʋo ʋaɗuku, naʋakadzi ʋaʋo, neŋgoro dzakaŋga dzatumŋa naFarao kuti dziʋatakure.

⁶Ʋakatora ŋombe dzaʋo nenhumbi dzaʋo dzaʋakaŋga ʋawana munyika yeKanani, ʋakaȿika Egipita, Jakobo naʋanakomana ʋake ʋose pamŋe cete naye;

⁷ʋanakomana ʋake, naʋana ʋaʋanakomana ʋake pamŋe cete naye, naʋakunda, ʋake, naʋakunda ʋaʋanakomana ʋake, naʋose ʋorudzi rwake, ʋakaenda naʋo Egipita.

⁸Ndiwo mazita aʋana ʋaIsraeri ʋakaȿika Egipita: Jakobo, naʋanakomana ʋake, ʋaiti: Rubeni, ɗaŋgwe raJakobo.

⁹Naʋanakomana ʋaRubeni: Hanoki, naParu, naHezroni, naKarmi.

¹⁰Naʋanakomana ʋaSimeoni: Jemueri, naJamini, naOhadi, naJakini, naZohari, naShauri, waiʋa mŋanakomana womukadzi weKanani.

¹¹Naʋanakomana ʋaRevi: Gershoni, naKohati, naMerari.

¹²Naʋanakomana ʋaJuda: Eri, naOnani, naShera, naPerezi, naZera; asi Zera naOnani ʋakafira panyika yeKanani. Ʋanakomana ʋaPerezi ʋaiʋa Hezroni, naHamuri.

¹³Naʋanakomana ʋaIsakari: Tora, naPuva, naJobo, naShimroni.

¹⁴Naʋanakomana ʋaZeburuni: Seredi, naEroni, naJareeri.

¹⁵Ndiʋo ʋanakomana ʋaRea, ʋaakaɓerekera Jakobo paPadani‐arami, nomukunda wake Dina; ʋanakomana ʋake naʋakunda ʋake ʋose ʋaiʋa ʋanhu ʋanamakumi matatu naʋatatu.

¹⁶Naʋanakomana ʋaGadi: Zifioni, naHagi, naShumi, naEzboni, naEri, naArodi, naAreri.

¹⁷Naʋanakomana ʋaAsheri: Imna, naIshva, naIshvi, naBeria, naSera, hanɀadzi yaʋo; naʋanakomana ʋaBeria ʋaiʋa Heberi, naMarkieri.

¹⁸Ndiʋo ʋanakomana ʋaZirpa, Rabani waakapa Rea, mukunda wake; wakaɓerekera Jakobo ʋanhu aʋa ʋanegumi naʋatanhatu.

¹⁹Ʋanakomana ʋaRakeri, mukadzi waJakobo, ʋaiʋa Josefa naBenjamini.

²⁰Josefa akaɓerekerwa Manase naEfraimi panyika yeEgipita, ndiʋo ʋaakaɓerekerwa naAsenati, mukunda waPotifera, muprista weOni.

²¹Naʋanakomana ʋaBenjamini: Bera, naBekeri, naAshberi naGera, naNaamani, naEhi, naRoshi, naMupimi, naHupimi, naArdi.

²²Ndiʋo ʋanakomana ʋaRakeri, ʋakaɓerekerwa Jakobo; ʋose ʋaiʋa ʋanegumi naʋanna.

²³Naʋanakomana ʋaDani: Hushimi

²⁴Naʋanakomana ʋaNaftari: Jazeeri, naGuni, naJezeri, naShiremi.

²⁵Ndiʋo ʋanakomana ʋaBirha, Rabani waakapa Rakeri, mukunda wake; ndiʋo ʋaakaɓerekera Jakobo; ʋose ʋaiʋa ʋanomŋe.

²⁶Ɀino ʋanhu ʋose ʋakaʋuya naJakobo Egipita, ʋakaŋga ʋaɓuɗa paciʋuno cake, ʋakadzi ʋaʋanakomana ʋaJakobo ʋasiŋgaʋereŋgwi, ʋose ʋaiʋa ʋanhu ʋanamakumi matanhatu naʋatanhatu.

²⁷Ʋanakomana ʋaJosefa ʋaakaŋga aɓerekerwa Egipita ʋaiʋa ʋanhu ʋaʋiri; ʋose ʋeimba yaJakobo, ʋakaʋuya Egipita, ʋaiʋa ʋanhu ʋanamakumi manomŋe.

²⁸Akatuma Juda pamberi pake kunaJosefa kuti amuratidze nzira inoenda Gosheni.

²⁹Ipapo Josefa akagadzira ŋgoro yake, akakwira Gosheni, kundosoŋgana naIsraeri, ɓaɓa ʋake; akaɀiziʋisa kwaʋari, akawira pamutsipa waʋo, akacema pamutsipa waʋo ŋguʋa huru.

³⁰Israeri akati kunaJosefa: Ɀino ŋgandicifa haŋgu, nokuti ndaʋona ciso cako, kuti uciri mupenyu.

³¹Ɀino Josefa akati kuʋana ʋaɓaɓa ʋake naʋeimba yaɓaɓa ʋake: Ini ndicakwira kundoʋudza Farao, ndiciti kwaari: Ʋana ʋaɓaɓa ʋaŋgu, naʋeimba yaɓaɓa ʋaŋgu, ʋaigara kunyika yeKanani, ʋaȿika kwandiri;

³²ʋarume aʋa ʋafudzi, nokuti ʋaipfuwa ɀipfuwo; ʋaʋuya namakwai aʋo, neŋombe dzaʋo, neɀose ɀaʋanaɀo.

³³Ɀino kana moɗanwa naFarao, akati: Ƃasa renyu nderei?

³⁴Muti: Ʋaranda ʋenyu ʋaiʋa ʋapfuwi ʋeɀipfuwo kubva paʋucece bgeɗu kuȿikira ɀino, isu namadziɓaɓa eɗu; kuti mugare munyika yeGosheni, nokuti ʋafudzi ʋose ʋanonyaŋgadza ʋaEgipita.