Read Original Shona Union Bible 1949 Baiberi Magwaro Matȿene aMŋari Genesi 48 Bible Online

Genesi 48 - Original Shona Union Bible 1949 Baiberi Magwaro Matȿene aMŋari bible

Genesi 48

¹Shure kwaiɀoɀo Josefa wakaʋudzwa, ɀicinzi: Tarira, ɓaɓa ʋako ʋanorwara; iye akatora ʋanakomana ʋake ʋaʋiri, Manase naEfraimi.

²Jakobo akaʋudzwa, ɀicinzi: Tarirai, mŋanakomana wenyu, Josefa, woʋuya kwamuri. Israeri akaɀisimbaradza, akagara paʋuʋato.

³Ɀino Jakobo akati kunaJosefa: Mŋari wamasimba ose wakaɀiratidza kwandiri paRuzi, panyika yeKanani, akandiropafadza,

⁴akati kwandiri: Tarira, ndicakuɓerekesa, ndicakuwanza, ndicakuita ndudzi zhinji; ndicapa ʋana ʋako ʋanokuteʋera nyika ino, iʋe yaʋo nokusiŋgaperi.

⁵Ɀino ʋanakomana ʋako ʋaʋiri, ʋawakaɓerekerwa panyika yeEgipita, ndisati ndaȿika kwauri paEgipita, ndaʋaŋgu; Efraimi naManase ʋacaʋa ʋaŋgu saʋanaRubeni naSimeoni.

⁶Asi ʋana ʋako, ʋawakaɓereka shure kwaʋo, ʋacaʋa ʋana ʋako, ʋacatumidzwa nezita raʋakuru ʋaʋo panhaka yaʋo.

⁷Kana ndirini, pakubva kwaŋgu paPadani, ndakafirwa naRakeri panyika yeKanani munzira ndaȿika pedyo neEfrati, ndikamuʋiga’po panzira inoenda Efrati (rimŋe zita ndiBetrehema).

⁸Israeri akaʋona ʋanakomana ʋaJosefa, akati: Ndiʋananiko?

⁹Josefa akati kunaɓaɓa ʋake: Ndiʋo ʋanakomana ʋaŋgu ʋandakapiwa pano naMŋari. Ʋakati: Ƌoʋuya naʋo kwandiri ndiʋaropafadze.

¹⁰Ɀino meso aIsraeri akaŋga oʋona madzerere nokukwegura, wakaŋga asicagoni kuʋona. Akaʋasweɗedza kwaʋari, Israeri akaʋaȿeta, akaʋambundikira.

¹¹Israeri akati kunaJosefa: Handina‐kufuŋga kuti ndicaʋona ciso cako ɀe, ɀino tarira, Mŋari wakandiʋonesa naʋana ʋako ʋo.

¹²Josefa akaʋabvisa pakati pamabvi aʋo, akakotamira pasi neciso cake.

¹³Josefa akaʋaɓata ʋari ʋaʋiri, Efraimi norudyi rwake kuruɓoshwe rwaIsraeri, naManase noruɓoshwe rwake kurudyi rwaIsraeri, akaʋasweɗedza pedyo naye.

¹⁴Israeri akatambanudza ruʋoko rwake rworudyi, akaruisa pamusoro waEfraimi, waiʋa muɗuku, noruʋoko rwake rworuɓoshwe pamusoro waManase, akapesanisa maʋoko ake aciɀiziʋa, nokuti Manase wakaŋga ari weɗaŋgwe.

¹⁵Akaropafadza Josefa, akati: Mŋari uya, wakafamba madziɓaɓa aŋgu pamberi pake, ʋana‐Abrahama naIsaka, Mŋari wakandifudza paʋupenyu bgaŋgu bgose kuȿikira zuʋa ranhasi;

¹⁶mutumŋa wakandidzikinura paneɀakaipa ɀose, ŋgaaropafadze ʋakomana aʋa; zita raŋgu ŋgaritumidzwe kwaʋari, namazita amadziɓaɓa aŋgu, Abrahama naIsaka, ʋawande kwaɀo panyika.

¹⁷Ɀino Josefa wakati aciʋona kuti ɓaɓa ʋake ʋaisa ruʋoko rwaʋo rworudyi pamusoro waEfraimi, haɀina‐kumufadza, akaɓata ruʋoko rwaɓaɓa ʋake, kuti arubvise pamusoro waEfraimi, aruise pamusoro waManase.

¹⁸Josefa akati kunaɓaɓa ʋake: Regai kuɗaro, ɓaɓa ʋaŋgu, nokuti ndiye weɗaŋgwe, isai ruʋoko rwenyu pamusoro wake.

¹⁹Ƃaɓa ʋake ʋakaramba, ʋakati: Ndinoziʋa, mŋana waŋgu, ndinoziʋa; naiye ʋo ucaʋa rudzi, naiye ucaʋa mukuru ʋo; asi munuŋuna wake ucaʋa mukuru kwaari, ʋana ʋake ʋacaʋa ndudzi zhinji.

²⁰Akaʋaropafadza nomusi iwoyo, akati: Newe ʋaIsraeri ʋacaropafadza, ʋaciti: Mŋari ŋgaakuite saEfraimi naManase. Akaisa Efraimi pamberi paManase.

²¹Ɀino Israeri akati kunaJosefa: Tarira, ndofa, asi Mŋari ucaʋa nemi, ucakudzoserai kunyika yamadziɓaɓa enyu.

²²Newe ndinokupa mugoʋe mumŋe kupfuʋura ʋamŋe ʋana ʋaɓaɓa ʋako, uya wandakatorera ʋaAmori nomunondo waŋgu noʋuta bgaŋgu.