Read Original Shona Union Bible 1949 Baiberi Magwaro Matȿene aMŋari Genesi 8 Bible Online

Genesi 8 - Original Shona Union Bible 1949 Baiberi Magwaro Matȿene aMŋari bible

Genesi 8

¹Ɀino Mŋari wakaraŋgarira Noa neɀipenyu ɀose, neɀipfuwo ɀose ɀakaŋga ɀiri muareka naye; Mŋari akafambisa mhepo panyika, mvura ikaserera,

²namatsime apakadzika namawindi eɗeŋga akazarirwa, nemvura yakabva kuɗeŋga ikadziʋiswa,

³mvura ikaramba icidzoka panyika; mazuʋa anezana namakumi mashanu akati apfuʋura, mvura ikaɗerera.

⁴Nomŋedzi wecinomŋe, nezuʋa regumi namanomŋe romŋedzi, areka ikamira pamsoro pamakomo eArarati.

⁵Mvura ikaramba iciɗerera kuȿikira pamŋedzi wegumi; nomŋedzi wegumi, nezuʋa rokutaŋga romŋedzi misoro yamakomo ikaʋonekwa.

⁶Mazuʋa anamakumi manna akati apfuʋura, Noa akazarura windi reareka raakaŋga aita;

⁷akaɓuɗisa guŋguʋu, iro rikaramba ricibururukabururuka kuȿikira mvura yapxa panyika.

⁸Ipapo akabururusa njiʋa paakaŋga ari, kuti aʋone kana mvura yaserera panyika;

⁹asi njiʋa haina‐kuwana pokuzorodza rutsoka rwayo, ikadzokera kwaari kuareka, nokuti mvura yakaŋga iri pamsoro penyika yose; akatambanudza ruʋoko rwake, akaitora, akaipinza kwaari muareka.

¹⁰Ipapo akagara mamŋe mazuʋa manomŋe ɀe, akaɓuɗisa ɀe njiʋa paareka;

¹¹njiʋa ikapinda kwaari maɗekwana; ʋonei mumuromo mayo makaŋga munorushizha rwomuorivi rwakatanhwa; naiɀoɀo Noa wakaziʋa kuti mvura yakaŋga yaserera panyika.

¹²Akagara ɀe mazuʋa manomŋe, akaɓuɗisa ɀe njiʋa; iyo haina‐kudzokera ɀe kwaari.

¹³Pagore ramazana matanhatu nerimŋe, pamŋedzi wokutaŋga, nomusi wokutaŋga womŋedzi, mvura yakaŋga yapxa panyika; ipapo Noa akabvisa ɗeŋga reareka, akatarira, ʋonei pasi pose pawoma.

¹⁴Nomŋedzi wecipiri, nezuʋa ramakumi maʋiri namanomŋe romŋedzi, nyika yakaŋga yawoma.

¹⁵Ɀino Mŋari wakataura naNoa, akati:

¹⁶Ƃuɗai muareka, iwe, nomukadzi wako, naʋanakomana ʋako, naʋakadzi ʋaʋanakomana ʋako, pamŋe cete newe.

¹⁷Ƃuɗisa ʋo pamŋe cete newe ɀipenyu ɀose ɀenyama ɀinewe, ɀinoti, shiri, neɀipfuwo, neɀinokambaira ɀose, neɀinokambaira panyika, kuti ɀiwande panyika, ɀiɓereke, ɀiʋe ɀizhinji panyika.

¹⁸Ipapo Noa akaɓuɗa, iye naʋanakomana ʋake, nomukadzi wake, naʋakadzi ʋaʋanakomana ʋake pamŋe cete naye;

¹⁹nemhuka dzose, neɀinokambaira ɀose, neshiri dzose, neɀose ɀinofamba panyika, namarudzi aɀo, ɀakaɓuɗa paareka.

²⁰Noa akaʋakira Jehova artari, akatora dzimŋe pamhuka dzose dzakanaka neshiri dzose dzakanaka, akapisira ɀipiriso ɀinopiswa paartari.

²¹Jehova akanzwa kunhuwira kwakanaka, Jehova akati mumŋoyo make: Handicazotuki ɀe nyika nokuɗa kwomunhu; nokuti kufuŋga kwomŋoyo womunhu kwakaipa kubva paʋuɗuku bgake; handicazoroʋi ɀe ɀipenyu ɀose, seɀandakaita.

²²Ŋguʋa yose yenyika kudɀara nokuceka, kutonhora nokudziya, zhezha necando, masikati noʋusiku haɀiŋgagumi.