Read Original Shona Union Bible 1949 Baiberi Magwaro Matȿene aMŋari II Samueri 1 Bible Online

II Samueri 1 - Original Shona Union Bible 1949 Baiberi Magwaro Matȿene aMŋari bible

II Samueri 1

¹Ɀino Sauro wakati afa, Davidi akadzoka pakuʋuraya ʋaAmareki, Davidi akagara mazuʋa maʋiri paZikragi;

²ɀino nezuʋa retatu mumŋe munhu wakaȿika acibva kumisasa kunaSauro, ŋguʋo dzake dzakabvaruka, ʋuye anevu pamusoro wake; akati aciȿika kunaDavidi, akaɀiwisira pasi, akanamata kwaari.

³Davidi akati kwaari: Wabvepiko? Akati kwaari: Ndapukunyuka ndicibva kumisasa yaIsraeri.

⁴Davidi akati kwaari: Kwakaitweiko? Ndiʋudze hako. Akapindura, akati: Ʋanhu ʋatiza pakurwa, ʋanhu ʋazhinji ʋawira pasi ʋafa, ʋuye Sauro nomŋanakomana wake Jonatani ʋafa ʋo.

⁵Ipapo Davidi akati kujaya rakamuʋudza iɀoɀo: Unoziʋa sei kuti Sauro naJonatani mŋanakomana wake ʋafa ʋo.

⁶Jaya rikamuʋudza, rikati: Ndakaŋga ndicifamba haŋgu pagomo reGirboa, ndikaʋona Sauro acisendamira papfumo rake, ndikaʋona ʋo ŋgoro naʋataȿi ʋacimuteʋerera kwaɀo.

⁷Ɀino iye wakati aciceuka, akandiʋona, akandiɗana. Ndikapindura, ndikati: Ndiri pano haŋgu.

⁸Akati kwandiri: Ndiwe aniko? Ndikamupindura, ndikati: Ndiri muAmareki.

⁹Akati kwandiri: Mira ʋuno kwandiri, undiʋuraye, nokuti ndaɓatwa nedzuŋgu kwaɀo, nokuti ʋupenyu bgaŋgu bguciri mandiri cose.

¹⁰Naiɀoɀo ndikamira kwaari, ndikamuʋuraya, nokuti ndakaŋga ndiciziʋa kwaɀo kuti haaŋgararami, kana aciŋge awira pasi; ndikatora korona yakaŋga iri pamusoro wake, norundarira rwaiʋa paruʋoko rwake, ndikaʋuya naɀo pano kunashe waŋgu.

¹¹Ipapo Davidi akaɓata ŋguʋo dzake, akadzibvarura, naʋarume ʋose ʋaiʋa naye ʋakaita ʋo saiɀoɀo.

¹²Ʋakacema, nokuwuŋgudza, nokuɀinyima ɀokudya kuȿikira maɗeko pamsoro paSauro naJonatani mŋanakomana wake, napamsoro paʋanhu ʋaJehova, napamsoro peimba yaIsraeri, nokuti ʋakaŋga ʋaʋurawa nomunondo.

¹³Davidi akati kujaya rakaŋga ramuʋudza iɀoɀo: Uri wepiko? Iye akapindura, akati: Ndiri mŋanakomana womutorwa, muAmareki.

¹⁴Davidi akati kwaari: Hauna‐kutya neiko kutambanudza ruʋoko rwako kuti uparadze muzodzwa waJehova?

¹⁵Ipapo Davidi akaɗana rimŋe jaya, akati: Sweɗera, umuʋuraye. Iye akamuɓaya, akafa.

¹⁶Davidi akati kwaari: Ropa rako ŋgariʋe pamusoro wako, nokuti muromo wako wakupupurira, ɀawakati: Ndakaʋuraya muzodzwa waJehova.

¹⁷Davidi akacema Sauro naJonatani mŋanakomana wake nokucema uku:

¹⁸Akaʋaraira kuti ʋadzidzise ʋana ʋaJuda rwiyo urwu rwoʋuta; tarirai, rwakanyorwa mubuku yaJashari.

¹⁹Haiwa Israeri! kubginya kwako kwaʋurawa pamatunhu ako akakwirira! Haiwa! ʋanesimba ʋakawira pasi sei!

²⁰Musaɀireʋa paGati, Musaɀiparidza panzira dzeAshkeroni; Kuti ʋakunda ʋaʋaFiristia ʋarege kufara, Kuti ʋakunda ʋaʋasina‐kudziŋgiswa ʋarege kupembera.

²¹Imi makomo eGirboa, Ŋgakurege kuʋa neɗoʋa kana mvura pamsoro penyu, kana minda yeɀipo; Nokuti ndipo pakaŋgorashwa nhoʋo dzemhare, Nhoʋo yaSauro, seisina‐kuzodzwa mafuta.

²²Ʋuta bgaJonatani habguna‐kudzoka Bgusineropa raʋakaʋurawa, namafuta aʋanesimba. Nomunondo waSauro hauna‐kudzoka usina.

²³Sauro naJonatani ʋakaŋga ʋakaɗikanwa, ʋakanaka, paʋupenyu bgaʋo; Napakufa kwaʋo haʋana‐kuparadzaniswa; Ʋaikurumidza kupfuʋura makondo, Ʋaiʋa nesimba kupfuʋura shumba.

²⁴Imi ʋakunda ʋaIsraeri, cemai Sauro, Iye waikufukidzai nomuceka mutȿuku neɀakanaka, Waiisa ɀishoŋgo ɀendarama paɀisimiro ɀenyu.

²⁵Haiwa! ʋanesimba ʋakawira pasi sei pakurwa! Jonatani wakaʋurawa pamatunhu akakwirira.

²⁶Ndinotambudzika kwaɀo pamsoro pako, munuŋuna waŋgu Jonatani; Wakaŋga ucindifadza kwaɀo; Ruɗo rwako kwandiri rwaishamisa, Rwaipfuʋura ruɗo rwaʋakadzi.

²⁷Haiwa! ʋanesimba ʋakawira pasi sei! Nhumbi dzokurwa nadzo dzakaparadzwa sei!