Read Original Shona Union Bible 1949 Baiberi Magwaro Matȿene aMŋari II Samueri 11 Bible Online

II Samueri 11 - Original Shona Union Bible 1949 Baiberi Magwaro Matȿene aMŋari bible

II Samueri 11

¹Ɀino gore rakati rapera, paŋguʋa yokurwa kwamadzimambo, Davidi akatuma Joabi pamŋe cete naʋaranda ʋake naʋaIsraeri ʋose; ʋakaparadza ʋana ʋaAmoni, ʋakakomba ʋo Raba. Asi Davidi wakasara Jerusarema.

²Ɀino neŋguʋa yamaɗekwana, Davidi akamuka panhoʋo dzake, akafamba pamsoro peɗeŋga reimba yamambo; akaʋona, ari’po paɗeŋga, mukadzi wakaŋga acishamba; ɀino mukadzi uyo wakaŋga akanaka kwaɀo pakuʋonekwa kwake.

³Davidi akatuma munhu kundobvunza kuti mukadzi uyo ndianiko? Mumŋe akati: Ko haazi iye Bati‐sheba mukunda waEriami, mukadzi waUria muHiti here?

⁴Davidi akatuma nhume kundomutora, akaȿika kwaari, akaʋata naye (nokuti wakaŋga anatswa pakusanaka kwake;) iye akadzokera kumba kwake.

⁵Mukadzi akatora mimba, akatuma shoko kunaDavidi akamuʋudza, akati: Ndaʋa nemimba.

⁶Davidi akatuma shoko kunaJoabi, akati: Tuma Uria muHiti, aʋuye kwandiri. Joabi akatuma Uria kunaDavidi.

⁷Ɀino Uria wakati aciȿika kwaari, Davidi akamubvunza kuti Joabi wakaɗini, naʋanhu ʋakaɗini, nokurwa kwakaɗini.

⁸Ɀino Davidi akati kunaUria: Ƃurukira kumba kwako, undoshambidza tsoka dzako. Uria akabva paimba yamambo, akatumirwa cipo ceɀokudya namambo.

⁹Asi Uria wakaʋata pamukoʋa weimba yamambo pamŋe cete naʋaranda ʋose ʋatenzi wake, haana‐kuɓurukira kumba kwake.

¹⁰Ɀino Davidi wakati aciʋudzwa kuti Uria haana‐kuɓurukira kumba kwake, Davidi akati kunaUria: Hauna‐kubva kurwendo here? Waregereiko kuɓurukira kumba kwako?

¹¹Uria akati kunaDavidi: Areka, naʋaIsraeri, naʋaJuda ʋagere mumatumba, nashe waŋgu Joabi, naʋaranda ʋashe waŋgu ʋari mumatente aʋo kusaŋgo; ɀino ini ndiŋgapinda seiko mumba maŋgu ndidye ndinwe, ndiʋate nomukadzi waŋgu? Noʋupenyu bgenyu, ʋuye noʋupenyu bgomŋeya wenyu, handiŋgatoŋgoiti cinhu ici.

¹²Davidi akati kunaUria: Gara pano nanhasi, maŋgwana ndicakutendera kuenda. Naiɀoɀo Uria akagara Jerusarema zuʋa iro neramaŋgwana.

¹³Ipapo Davidi akamuɗana, akadya nokunwa pamberi pake, akamuɓatisa neɗoro; ɀino maɗeko akaɓuɗa akandoʋata panhoʋo dzake naʋaranda ʋashe wake, asi haana‐kuɓurukira kumba kwake.

¹⁴Ɀino maŋgwana Davidi akanyorera Joabi rugwaro, akarutuma noruʋoko rwaUria.

¹⁵Akanyora parugwaro, akati: Isa Uria pamberi panonyanyisa kurwiwa, mumusiye ari oga, aʋurawe, afe.

¹⁶Ɀino Joabi wakati acerekedza guta, akaisa Uria paakaŋga aciziʋa kuti ʋarume ʋoʋumhare ʋari’po.

¹⁷Ʋanhu ʋeguta ʋakaɓuɗa kuzorwa naJoabi, ʋamŋe ʋaranda ʋaDavidi ʋakaʋurawa, naiye Uria muHiti akafa ʋo.

¹⁸Ipapo Joabi akatuma munhu kundoʋudza Davidi mashoko ose okurwa.

¹⁹Akaraira nhume, akati: Kana wapedza kurondedzera kunamambo mashoko ose okurwa,

²⁰kana kutsamŋa kwamambo kukamuka, iye akati kwauri: Makasweɗerereiko pedyo ɀikuru neguta pakurwa kwenyu? Hamuna kuziʋa here kuti ʋacafura ʋari paruȿiŋgo?

²¹Ndianiko wakaʋuraya Abimereki mŋanakomana waJerbesheti? Wakaŋga asiri mukadzi wakakanda huyo pamsoro pake ari paruȿiŋgo, akafira paTebezi here? Makasweɗerereiko pedyo ɀikuru noruȿiŋgo? Ipapo iwe uti: Muranda wenyu Uria muHiti, wafa ʋo.

²²Naiɀoɀo nhume yakaenda, ikaȿika, ikaʋudza Davidi ɀose ɀayakaŋga yatumirwa naJoabi.

²³Nhume ikati kunaDavidi: Ʋarume aʋo ʋakatikurira, ʋakaɓuɗira kwatiri kusaŋgo, tikaʋadziŋgirira kuȿikira paʋanopinda napo pasuʋo.

²⁴Ʋafuri ʋakafura ʋaranda ʋenyu ʋari paruȿiŋgo, ʋamŋe ʋaranda ʋamambo ʋakafa, naiye muranda wenyu Uria muHiti wafa ʋo.

²⁵Ipapo Davidi akati kunhume: Iti kunaJoabi: Iɀi ŋgaɀirege kukushuwisa, nokuti munondo unoparadza mumŋe pano nomumŋe kumŋe; tsuŋga hako pakurwa neguta, uriputse; newe enda undomusimbisa.

²⁶Ɀino mukadzi waUria wakati anzwa kuti murume wake Uria wafa, akacema murume wake.

²⁷Akati apedza kucema, Davidi akatuma nhume kumutora, akamuisa mumba make, akaʋa mukadzi wake, akamuɓerekera mŋanakomana. Asi cinhu ici, cakaŋga caitwa naDavidi, hacina‐kufadza Mŋari.