Read Original Shona Union Bible 1949 Baiberi Magwaro Matȿene aMŋari II Samueri 12 Bible Online

II Samueri 12 - Original Shona Union Bible 1949 Baiberi Magwaro Matȿene aMŋari bible

II Samueri 12

¹Ɀino Jehova akatuma Natani kunaDavidi. Akaȿika kwaari, akati kwaari: Kwakaŋga kunaʋarume ʋaʋiri muguta rimŋe; mumŋe wakaŋga akafuma, asi mumŋe wakaŋga ari murombo.

²Mufumi wakaŋga anamakwai neŋombe zhinji kwaɀo;

³asi murombo wakaŋga asinecinhu, asi gwaiana rimŋe ɗuku reshece, raakaŋga ateŋga, akarirera; rikakura kwaari pamŋe cete naʋana ʋake, rikadya ɀokudya ɀake, nokunwira pamukombe wake, nokuʋata pacifuʋa cake, rikafanana nomukunda wake.

⁴Ɀino mufambi wakati aciȿika kumufumi, iye akaramba kutora cipfuwo kumakwai ake kana kuŋombe dzake, kuti acigadzirire mufambi wakaŋga aȿika kwaari, asi wakatora gwaiana romurombo, akarigadzirira munhu wakaŋga aȿika kwaari.

⁵Ipapo kutsamŋa kwaDavidi kwakamukira munhu uyu kwaɀo, akati kunaNatani: NaJehova mupenyu, munhu wakaita kuɗai, unofanira kufa.

⁶Ʋuye unofanira kuripira gwaiana iro namanna, ɀaakaita iɀoɀo, ʋuye ɀaakaŋga asinenyasha.

⁷Natani akati kunaDavidi: Ndiwe munhu uyo! Ɀanzi naJehova Mŋari waIsraeri: Ndakakuzodza iwe kuti uʋe mambo waIsraeri, ndikakurwira paruʋoko rwaSauro,

⁸ndikakupa imba yatenzi ʋako, naʋakadzi ʋatenzi ʋako pacifuʋa cako, ndikakupa imba yaIsraeri neyaJuda; ʋuye ɗai iɀo ɀisino‐kuriŋgana, ndaikuwedzera ɀokuti neɀokuti.

⁹Waɀidzireiko shoko raJehova, ukaita ɀakaipa pamberi pake? Waʋuraya Uria muHiti nomunondo, ukatora mukadzi wake kuti aʋe mukadzi wako, ukamuʋurayisa nomunondo waʋaAmoni.

¹⁰Naiɀoɀo ɀino munondo hauŋgabvi paimba yako nokusiŋgaperi; nokuti wakandiɀidza, ukatora mukadzi waUria muHiti kuti aʋe mukadzi wako.

¹¹Ɀanzi naJehova: Ndicakumutsira ɀakaipa ɀicabva mumba mako, ndicatora ʋakadzi ʋako pamberi pako ndiciʋapa waugere naye, iye ucaʋata naʋakadzi ʋako masikati macena.

¹²Nokuti iwe wakaɀiita pakaʋanda, asi ini ndicaɀiita pamberi paʋaIsraeri ʋose, ari masikati macena.

¹³Ipapo Davidi akati kunaNatani: Ndatadzira Jehova. Natani akati kunaDavidi: Jehova wakaŋganwira ʋo ɀiʋi ɀako; hauŋgafi.

¹⁴Kunyaŋge ɀakaɗaro, ɀawakaɓatsira kwaɀo ʋaʋeŋgi ʋaJehova kumumhura necinhu ici cawaita, uyo mŋana wawaɓerekerwa, ɀirokwaɀo ucafa.

¹⁵Natani akabva, akaenda kumba kwake. Jehova akaroʋa mŋana wakaŋga aɓerekerwa Davidi nomukadzi waUria, akarwara kwaɀo.

¹⁶Naiɀoɀo Davidi akanyeŋgeterera mŋana kunaJehova, akaɀinyima ɀokudya, akapinda, akaʋata pasi ʋusiku bgose.

¹⁷Ʋakuru ʋeimba yake ʋakasimuka, ʋakaenda kwaari, ʋakaɗa kumumutsa pasi; asi iye wakaramba, akasadya ʋo ɀokudya naʋo.

¹⁸Ɀino nezuʋa recinomŋe mŋana akafa. Ʋaranda ʋaDavidi ʋakatya kumuʋudza kuti mŋana wafa, nokuti ʋakati: Tarirai, mŋana aciri mupenyu, takataura naye, akasaterera manzwi eɗu; ɀino ucatambudzika seiko, kana tikamuʋudza kuti mŋana wafa.

¹⁹Asi Davidi wakati aciʋona kuti ʋaranda ʋake ʋanoita zeʋe‐zeʋe, Davidi akaziʋa kuti mŋana wafa; Davidi akati kuʋaranda ʋake: Mŋana wafa here? Iʋo ʋakati: Wafa.

²⁰Ipapo Davidi akasimuka pasi, akashamba, akazora mafuta, akafuka dzimŋe ŋguʋo, akapinda mumba maJehova, akanamata; ipapo akaenda kumba kwake, akakumbira ɀokudya, ʋakamupa, akadya.

²¹Ipapo ʋaranda ʋake ʋakati kwaari: Ndokuɗiniko? Aciri mupenyu makaɀinyima ɀokudya, mukacema mŋana, asi ɀino mŋana wakati afa, mukasimuka mukadya ɀokudya.

²²Iye akati: Mŋana aciri mupenyu ndakaɀinyima ɀokudya, ndikacema, nokuti ndakati: Ndianiko uŋgaziʋa, ɀimŋe Mŋari uŋgandinzwira tsitsi, mŋana akararama hake?

²³Asi ɀino wafa hake, ndicaɀinyimireiko ɀokudya? Ndiŋgamudzosa ɀe here? Ini ndicaenda kwaari, asi iye haaŋgadzokeri kwandiri.

²⁴Davidi akanyaradza mukadzi wake Bati‐sheba, akapinda kwaari, akaʋata naye, iye akaɓereka mŋanakomana, akamutumidza zita rinonzi Soromoni. Iye akaɗikanwa naJehova.

²⁵Jehova akatuma shoko nomuromo waNatani muprofita, akamutumidza zita rinonzi Jedidia, nokuɗa kwaJehova.

²⁶Ɀino Joabi akandorwa neRaba, guta raʋana ʋaAmoni, akakunda muzinda.

²⁷Joabi akatuma nhume kunaDavidi, akati: Ndandorwa neRaba, ndikakunda guta remvura.

²⁸Naiɀoɀo ɀino, ʋuŋganidzai ʋanhu ʋakasara, mudzike matente enyu paguta, murikunde, ini ndirege kuzokunda guta, rikatumidzwa zita raŋgu.

²⁹Davidi akaʋuŋganidza ʋanhu ʋose, ʋakaenda Raba, ʋakarwa naro, ʋakarikunda.

³⁰Akabvisa korona yamambo waʋo pamusoro wake; iyo yakaȿika tarenta rimŋe rendarama pakurema kwayo, ʋuye yakaŋga inamabge anokosha, ikaiswa pamusoro waDavidi. Akapamba ɀizhinji kwaɀo paguta iro.

³¹Akaɓuɗisa ʋo ʋanhu ʋakaŋga ʋari’mo, akaʋaɓatisa namajeko, nembambo dzamatare, namasanhu amatare, akaʋaseʋenzesa pakuita ɀitina; akaita saiɀoɀo namaguta ose aʋana ʋaAmoni. Davidi naʋanhu ʋose ʋakadzokera Jerusarema.